魔鬼交易

魔鬼交易（Deal with the Devil）係源自歐洲嘅一條橋段，狹義上指一個角色為咗追求權力同財富等嘅嘢而將靈魂賣俾魔鬼；廣義上，魔鬼交易可以泛指一個角色為咗追求某啲嘢而出賣自由意志或者良心等對人嚟講重要嘅嘢。

按照傳統基督教對巫術嘅解讀，魔鬼交易要喺人類同撒旦或者其他惡魔之間簽署。人類以自己嘅靈魂換取惡魔嘅恩惠。喺唔同嘅故仔裏面，惡魔提供嘅誘惑唔一樣，但係通常包括青春、知識、財富或者權力。亦都有啲人毫無所圖咁簽署魔鬼契約，只係為咗可以幫惡魔服務。喺故事裏面，魔鬼交易通常都有好大危險性，簽約者往往喺魔鬼嘅恩惠付出自己嘅靈魂。呢啲故仔通常都係以道德教訓作結，一個想投機取巧嘅人會獲得永恆嘅詛咒。亦都有一啲故仔刻意製造反轉結局，好似一個狡黠嘅農民以智取勝，戰勝惡魔。