魯冰花 (小說)

《魯冰花》係臺灣作家鍾肇政1960年（民國49年）開始喺《聯合報》副刊連載嘅小說，係佢第一篇長篇小說，亦係臺灣文學史上具有重要地位。呢篇小說改嘅同名作品有：魯冰花 (電影)、新魯冰花、客家語魯冰花 (電視劇)。場景多數喺鍾肇政所生活嘅龍潭鄉環境取境。

內容

《魯冰花》呢篇小說以代課老師郭雲天嘅角度，描繪臺灣地區社會貧富懸殊、教育體制、農村發展、黑金政治等問題。文中熱愛畫畫嘅天才兒童古阿明同家姐古茶妹年幼失去媽媽，古阿明嘅天才大家都冇發現到，而溫柔、善良、體貼又承受極大傷痛嘅古茶妹，就係魯冰花花語「母愛」嘅象徵。

特色

1960年（民國49年）鍾肇政36歲，開始喺《聯合報》副刊連載嘅時候，中華民國仍然喺動員戡亂，臺灣省亦處於《臺灣省戒嚴令》管控下，當時作家流行寫作「反共文學」，鍾肇政呢這部作品卻係「鄉土文學」，並且有技巧噉批評當時社會，寫作時重俾臺灣警備總司令部關注。呢篇作品延續台灣日治時期流傳嘅文學傳統，亦影響日後嘅臺灣文壇，係臺灣文學承先啟後嘅關鍵作品。

另外，鍾肇政開始連載呢篇小說嘅時候，距離佢開始學標準官話只有十幾年。