鳩山由紀夫
| 鳩山由紀夫 | |
|---|---|
 | |
| 姓名原文 | 鳩山 由紀夫 |
| 出生日 | 1947年2月11號  （77歲） |
| 出生地 | 文京區 |
| 國籍 | 日本 |
| 識嘅語言 | 日文 |
| 信奉 | 浸信會 |
| 學位 | 哲學博士 |
| 母校 | 東京大學、史丹福大學、Koishikawa Secondary Education School、Gakushuin Boys' Junior and Senior High School、Gakushuin Primary School |
| 職業 | 政治人、工程師、大學教員 |
| 僱主 | 專修大學、東京工業大學 |
| 政黨 | Kyōwa-tō |
| 配偶 | Miyuki Hatoyama |
| 仔女 | 鳩山紀一郎 |
| 阿爸 | Iichirō Hatoyama |
| 阿媽 | Yasuko Hatoyama |
| 兄弟姊妹 | Kunio Hatoyama |
| 網站 | www |
[改維基數據] | |
鳩山由紀夫（1947年2月11號—）係日本政治人。東京都出世。史丹福大學工業工程學博士。
鳩山由紀夫喺1986年開始參選眾議院，第一次就當選。去到1993年出走自民黨，同武村正義等人成立新黨先驅，又加入當時嘅聯合政權，歷史性打低自民黨。但係冇幾耐，聯合政權瓦解，新黨先驅就選擇同自民黨合作。1996年，佢同武村正義對係咪繼續同自民黨合作有分歧，最後反對合作嘅鳩山由紀夫嗰邊就退黨，另外同菅直人一班人創立另一個政黨—舊民主黨。
1998年，舊嘅民主黨合併幾個喺新進黨解體之後成立嘅黨仔，成為新民主黨。
2009年3月嗰陣，當時民主黨嘅小澤一郎因為政治獻金醜聞逼住要辭咗黨代表個位，之後鳩山由紀夫就接任，迎戰8月嘅眾議院選舉，面對本來社會就要求改變嘅聲浪，民主黨成功打低自民黨，呢次重係第一次有單獨一個政黨超越自民黨嘅席數。
之後佢喺2009年9月16號開始做第93任首相[1]。但因為美軍普天間基地問題喺2010年6月2號朝早辭職。2012年重宣佈退出政壇。
2013年3月21號，佢喺香港被委任為凱富能源集團有限公司榮譽主席同高級顧問[2]。間公司重搵到喬治布殊個細佬做副主席。
2013年7月，鳩山因為之前講過釣魚台有主權爭議，民主黨頂佢唔順，認為佢違反黨同政府政策，宣佈踢佢出黨。
家族
[編輯]同好多日本政治人一樣，鳩山由紀夫都係個世襲嘅政治人，家族入面好多人從政：
- 太爺鳩山和夫（前眾議院議長）
- 阿爺鳩山一郎（前日本首相）
- 叔公鳩山秀夫（前眾議院議員）
- 太公寺田榮（前貴族院議員）
- 老豆鳩山威一郎（前參議院議員）
- 細佬鳩山邦夫（前眾議院議員）
- 侄仔鳩山太郎（前東京都議員）
- 侄仔鳩山二郎（眾議院議員）
榮譽博士
[編輯]碎料
[編輯]參考
[編輯]
- ↑ 〈日民主黨篤定贏得政權 鳩山由紀夫準備當首相〉。原著喺2015年4月3號歸檔。喺2009年9月9號搵到。
- ↑ 〈凱富能源集團有限公司董事局決定 委任日本前首相鳩山由紀夫博士為榮譽主席兼高級顧問〉。原著喺2013年3月18號歸檔。喺2013年4月1號搵到。
- ↑ 〈城大將頒授榮譽博士學位予三位傑出人士〉 (新聞稿) (繁體中文)。香港城市大學。2013年9月3號。
- ↑ 〈城大頒授榮譽博士學位予三位傑出人士〉 (新聞稿) (繁體中文)。香港城市大學。2013年11月12號。
- ↑ 〈榮譽法學博士鳩山由紀夫博士〉 (PDF) (繁體中文)。香港城市大學。
- ↑ 〈鳩山妻自爆 遭外星人綁架〉。原著喺2020年3月15號歸檔。喺2018年10月13號搵到。