鶡

鶡

鶡，雀一種，大隻，羽色複雜，生物分類上，歸入鳥綱雞形目雉科馬雞屬，亦叫鶡雞、褐馬雞、鶡旦、鶡鴠。原生華北山林，先秦有相當記載，現今易危物種，多數喺山西同周圍一帶。說文有寫，鳥似雉，出上黨。

佢自古以好鬥出名，羣居，正字通咁寫，「色黃黑而褐首、有毛角、有冠、性愛儕黨、有被侵者、直往赴鬭、雖死不置。」而禽經咁寫，「鶡、毅鳥也。李時珍曰、其羽色黑黃而褐、故曰鶡。靑黑色者曰䲸、性耿介也。又鶡旦、夜鳴求旦之鳥也。」

由此戰國時趙國，以佢羽毛做冠，叫鶡冠，畀武將戴頭，由漢到大清，都保留依種衣飾。

雀都幾大隻，長九十六到一百公分。佢面度有血紅一笪，有白色突上似耳。通常出沒喺林邊。佢個啄都幾勁，可以掘到泥。好住山地高原。