麒麟

  想搵第二個意思嘅話，請睇麒麟 (搞清楚)。

麒麟像

麒麟，有時又叫做騏驎、勾陳，係古時中國神話傳說嘅神獸，公嘅叫麒，乸嘅叫麟，有兩千年命，性情溫和，唔會整傷人畜，亦唔會踩親昆蟲花草，所以又叫仁獸。

麒麟個頭似龍，身似馬、鹿，尾似牛，背脊有五彩毛紋，肚有黃毛。麒有兩隻角，其中一隻生肉；麟無角，但個嘴識吐火，把聲似行雷。

麒麟象徵住祥瑞，只有太平盛世或者有聖人（孔子）在生嘅時候先至會出現。

大明永樂十二年（1414年），鄭和喺東非搵到兩隻長頸鹿進貢畀明成祖，話佢係麒麟，所以嗰時長頸鹿就叫做麒麟。到依家日文、韓文、閩南話都依然咁叫。