黃君裕

黄君裕 （ 粵拼：wong4 gwan1 jyu6，英文：Arthur Wong，1924年3月5號—2020年4月26號），台山大江鎮水樓潮慶村人氏，粵籍前美軍士兵，參加過二戰嘅歐洲戰事。原所屬部隊係美軍第五軍團28步兵師110團。

喺1938年黃君裕嘅阿爺以仔「黃作良」嘅名，申請俾黃移民到美國嘅波士頓。1943年黃自願參加咗美國陸軍，加入咗第28步兵師，係登陸諾曼第嘅先遣部隊。戰後繼續住喺波士頓度，擔任過紐英崙中華公所主席、波城安良工商會會長、波士頓僑聲音樂劇社永久名譽會長，喺2020年4月26號喺波城華埠屋企度過身。遺體係落葬到佛士曉墓地（ 英文：Forest Hills Cemetery）。

作戰嘅經歷

喺1944年6月5日嘅諾曼第奧馬哈海灘登陸戰，黃所在嘅先遣部隊就負責攻佔最出著名嘅呢個「死亡線」海灘，戰鬥後187人嘅部隊得返剩黃一個人生還咗。分隊喺跟著係轉戰法國、比利時、盧森堡、德國，戰役期間一路減員再增兵員，先後有400幾人陣亡，黃成為咗分隊出戰前189人入邊，戰後仲在身嘅6位倖存者之一。戰役期間黃仲試過係一手揸著掹咗保險嘅手榴彈，單槍匹馬對峙18個德軍，卒之俘虜嗮嘅傳奇功勳。

1944年9月19號開始嘅許特根森林戰役，黃君裕喺盟軍開始進攻德國嘅前夜，奉命帶領一支巡邏隊入去德國嘅邊界度偵查，而最早發現咗德軍為阻擋坦克同車輛特設嘅障礙物，就係齊格菲防線嘅獨特防禦工事。黃同返盟軍上級報告嘅時候，就自己依照返文化認知、創造咗「龍牙」（dragon’s teeth）一詞去形容呢種障礙物。「龍牙」由此開始就好快喺部隊度流行開咗，載入咗二戰嘅史冊。

入咗德國境內後，1944年11月14號嘅作戰入邊，黃被炮彈嘅彈片擊中咗，整到咗頭部同背部，直到一個幾鐘後先被同袍送咗去救傷。之後黃君裕去到咗法國療傷，跟著喺1945年8月返咗去波士頓。

榮譽

直到咗2010年，喺麻省聯邦參議員克里（John Kerry）嘅積極推動下，黃先收到咗美國最高級別嘅軍事獎章，包括係紫心勳章（purple heart）、銅星勳章（bronze star）等。

出邊網頁

• 2015 Arthur Wong Interview Cantonese，YouTube