黃嘯俠

黃嘯俠（1900年—1981年），廣東番禺人，係一位中國武術家，功夫教練。而家中國公安指定要識嘅《擒拿手》，就係黃嘯俠編創嘅一套拳法。

黃嘯俠師傅嚮中國武林界叫做「鐵臂鴛鴦手」。同東莞林蔭棠、惠陽林耀桂、合浦賴成已、惠州張禮泉一齊叫做廣東五虎將。

黃嘯俠師傅，曾經拜李恩、陳官伯為師，學蔡李佛，之後入廣州精武體育會，拜趙連和、陳鐵笙、王鳳崗為師，學北派武術，後到上海、香港、澳門，學西洋拳擊、劍擊、剌劈刀、射箭、摔跤、舉重、鐵沙掌咁。

做過

• 華南師範大學體育系教授

興趣

• 畫國畫
• 跌打中醫
• 中國書法

實用大刀法

黃嘯俠師傅平生愛國。嚮1937年日軍侵華時候，黃師傅親自改編《羅漢門刀法》，寫成《抗日大刀法》教材，訓練抗日中國軍大刀隊，專門對付日本東洋刀同剌刀。