黃埔區體育館

黃埔區體育館（粵拼：wong4 bou3 keoi1 tai2 juk6 gun2）係中國廣東廣州嘅一間冇咗嘅體育館，1986年動工，1987年8月起好，同年9月開放，2011年12月20號開拆，位置喺黃埔區大沙地東398號。

史

1986年，廣州市同埋黃埔區人民政府為咗舉辦第六屆全國運動會，出錢喺大沙地東一帶起咗間區級體育館。體育館喺1987年8月起好，一個月後正式開放^[1]。運動場地用嘅係國際標準嘅木地板，喺嗰時嚟講算比較高卡士^[2]。場館喺六運會期間辦過女子排球賽，六運會閉幕後，場館就開放畀市民參加體育活動。

2010年3月10號，由於黃埔區政府發佈城區「三舊」改造^[3]，加上體育館已經唔符合亞運會嘅舉辦標準，所以間體育館原有嘅比賽項目分頭搬到黃埔區體育中心同埋黃埔體育場辦。體育館喺2011年12月20號開拆^[2]，最後夷為平地。從2012年5月5號開始，原先體育館嘅用地變成保利中譽廣場。

間嘢屬多功能體育館，用嘅係鋼筋混凝土結構。南北觀眾臺雖然用嘅都係長方形平面，但嘥士唔同。建築有4層樓。運動場地都係（24×42）m嘅木地板。觀眾席有2100個固定式玻璃鋼座。館區可以搞文藝演出、播電影同埋集會。

1樓
南半區：運動員練習場、休息廳、裁判休息室、記者室、醫務室、運動員沖涼室（2套，都係男女分開）、廣播轉播、電視評論，記分遙控室。

北半區：貴賓休息室、接見室、辦公室、器材庫、配電室。
2樓：開放式休息廊
3樓：辦公用房
4樓：辦公用房