黃衛雄
黃衛雄（Ricky Wong Wai Hung），香港親中派基督教界別人士，前香港警察高級督察，亦做過沙田浸信會傳道[1]。2019年10月，佢創立三一臨在浸信會，標榜自己係「全港唯一100%藍絲教會」[2][3]。因此，有啲唔認同黃衛雄手法嘅人，稱呼佢做「黑警傳道」[4][5]。
學歷
[編輯]經歷
[編輯]- 1990年－2009年：於香港警察服務，離職時職位至高級督察
- 2012年－2017年：香港沙田浸信會擔任崇拜和聖樂主任(傳道)及崇拜聖樂學院院長
- 2019年：創辦三一臨在浸信會擔任主理牧師至今
政治立場
[編輯]佢係親中派人士，曾經指民主制度易放難收，會做成「政治內耗」、「爭取選票的民粹主義」，又話西方社會將「民主係神」嘅幻想向其他人洗腦，好多人都中咗計，但中共唔會中計[7][8]。
佢又曾經公開同中聯辦協調部副處長張震洋交流，話要「基督教本色化」，又支持北京未經諮詢或香港人同意，強行訂立嘅《港版國安法》[9]。
另外，佢所主理嘅教會，亦係全港首間基督教會舉行中國國慶崇拜[10][11][3]。
爭議
[編輯]指控沙田浸信會對佢進行欺壓
[編輯]喺2019－2020年期間，佢曾經指控沙田浸信會朱世平牧師、蘇家輝牧師同埋該堂前同工陳健威牧師對佢進行打壓，話自己正直到金錢權力同性都無辦法收買佢，又話黑社會比沙田浸信會更有道義[12]。
崇拜違反限聚令
[編輯]喺2020年10月，佢所創辦嘅教會，喺一次聚會入面租用位於沙田石門嘅新界鄉議局大樓活動室，但人數超出當時政府因應武漢肺炎疫情訂立嘅限聚令，結果被新界鄉議局大樓以電郵發警告信[13]。
被指拖欠私人助手薪酬
[編輯]喺2021年1月，黃衛雄被揭發拖欠賴姓前私人助手薪金，結果被對方入稟小額錢債審裁處追討。對方又批評，對方應該反省點解無教會肯按立佢做牧師，話佢為人處世態度同方式極有問題，做人偽善、貪婪、狂躁、卑鄙[4]。
管理教會財務爭議
[編輯]佢喺管理教會財政問題上亦備受批評，2021年1月，幾位前董事、會友不滿佢喺運用教會奉獻嘅做法，喺教會人數同奉獻都唔穩定嘅情況下，用高於市價嘅價錢購入一啲器材，又拒絕價錢比較化算，為教會搵固定場地嘅方案。呢啲董事、會友批評，黃唔識尊重佢哋，之後入稟法院追討當初佢哋當初放喺教會嘅資金[14]。另外，佢亦曾經提議動用教會存款投資股票來賺錢，但教友反對後就唔認自己咁講過[15]。
涉嫌竄改維基百科
[編輯]喺2024年9月，黃衛雄被揭發喺粵文維基百科修改資料，而且用上自己身份去改，又刪去唔少同佢有關嘅衝突嘅資料，將責任指向唔同其他人，違反利益衝突規定[16]。
參考來源
[編輯]- ↑ 門徒媒體 (2019-12-04)。〈「黑警傳道」黃衛雄成立100%藍絲教會 聚會地點神秘保密〉。《門徒媒體》 (臺灣中文)。喺2022-09-10搵到。
- ↑ 〈曾聲稱有100%藍絲會友 「三一臨在浸信會」少談政治多講信仰〉。christiantimes.org.hk。喺2022-09-12搵到。
- ↑ 3.0 3.1 〈三一臨在浸信會國慶掛國旗〉。christiantimes.org.hk。喺2024-09-24搵到。
- ↑ 4.0 4.1 門徒媒體 (2021-01-14)。〈黑警傳道黃衛雄七宗罪(1)：拖欠薪酬$8,400遭入稟小額錢債審裁處〉。《門徒媒體》 (臺灣中文)。喺2022-09-10搵到。
- ↑ 〈尋找〉。search.hkchurch.org。原著喺2022-09-10歸檔。喺2022-09-10搵到。
- ↑ 6.0 6.1 6.2 〈教牧簡介〉。《三一臨在浸信會 Trinity Theological Baptist Church》 (臺灣中文)。喺2024-09-24搵到。
- ↑ 門徒媒體 (2020-09-11)。〈「黑警傳道」黃衛雄誣衊秋雨聖教會王怡牧師異端神棍〉。《門徒媒體》 (臺灣中文)。喺2022-09-10搵到。
- ↑ 〈讀者投稿 《人民會中計，中央不會！》... - 與主偕行 Walking with Jesus〉。www.facebook.com (繁體中文)。喺2022-09-10搵到。
- ↑ 門徒媒體 (2020-07-03)。〈七一國安法生效 「黑警傳道」黃衛雄祈禱：香港人撕裂到此為止〉。《門徒媒體》 (臺灣中文)。喺2024-09-19搵到。
- ↑ 門徒媒體 (2023-05-18)。〈三一浸信會黃衛雄與中聯辦副處長交流基督教本色化〉。《門徒媒體》 (臺灣中文)。喺2024-09-19搵到。
- ↑ Pao, Ming。〈【Emily】浸信教會自發辦國慶「升旗」 牧師：愛國唔影響崇拜基督〉。www.mingpaocanada.com (英文)。喺2024-09-24搵到。
- ↑ 門徒媒體 (2019-09-22)。〈[獨家]「與主偕行」核心黃衛雄 警察轉傳道 沙浸爆糾紛〉。《門徒媒體》 (臺灣中文)。喺2024-09-24搵到。
- ↑ 門徒媒體 (2021-01-16)。〈黑警傳道黃衛雄七宗罪(2)：崇拜人數違反限制令明知故犯終收警告信〉。《門徒媒體》 (臺灣中文)。喺2022-09-10搵到。
- ↑ 門徒媒體 (2021-01-22)。〈黑警傳道黃衛雄七宗罪(4)：前董事會友不滿聯袂入稟法庭〉。《門徒媒體》 (臺灣中文)。喺2022-09-10搵到。
- ↑ 門徒媒體 (2021-01-17)。〈黑警傳道黃衛雄七宗罪(3)：建議教會炒股遭反對後撒謊否認〉。《門徒媒體》 (臺灣中文)。喺2022-09-10搵到。
- ↑ programme (2024-09-29)。〈門徒公義第518集〉。《門徒媒體》 (臺灣中文)。喺2024-10-15搵到。