黑夜怪談

《黑夜怪談》（粵拼：hak1 je6 gwaai3 taam4）（英文：Creepy Nights）係一齣1961年嘅港產黑白粵劇恐怖片，由莫康時執導，丁瑩、朱江主演。

情節

生意人夏雲驤創立嘅公司喺兩個仔手上生意蒸蒸日上，背後原來大有文章。話說，雲驤病危，臨死時都教兩個仔要兄弟同心，相親相愛。大仔夏仲覺係身邊照顧，二仔夏仲慧就只識得去玩。表妹江靜霞細細個就寄養喺夏家，鍾意仲慧，成日同仲覺勸佢生性，可惜佢當耳邊風。

雲驤病死，仲覺又體力透支病埋，仲慧竟然叫忠伯落藥毒阿死哥，想獨吞家產。仲覺死後冤魂不散，搞到仲慧好驚，決定同靜霞結婚。結婚嗰晚，仲慧當咗靜霞係仲覺開槍殺咗佢，仲覺嘅冤魂想殺仲慧，仲慧嚇到醒，原來只是一場噩夢。仲慧痛改前非，兩兄弟於是合力打理好阿爸盤生意。