龍眼洞

喺火爐山嘅豬頭石景區望去龍眼洞嗰邊

龍眼洞（洞讀董，粵拼：lung4 ngaan5 dung2），又叫龍洞（lung4 dung2），係中國廣東省廣州市嘅地名，喺天河區華南快速幹線同廣河高速交界附近。村大姓係樊氏。

史

據考4000幾年前經有人落腳呢度，掘出過唔少新石器時期嘅文物，有成1300幾年歷史，係喺廣州度搵到嘅其中一個最早有人生活嘅地頭，所以嗌做廣州第一村。

而清代陣喺東圃地區嘅棠下、前進、車陂、新塘、龍洞等各鄉，唔少係有買家僕嘅風俗，龍洞鄉會叫啲家僕做家山娣（同成個家山即家族服務咁解），俗語有話家山有福才有娣使喚，認為係有多啲家山娣家族就會顯赫啲。宜家嘅天河區有成22條村，舊日就係龍眼洞村啲娣至多。

名

龍眼洞一名出處，而家有7種講法：

1. 大清同治十年（1871年）嘅番禺縣誌：火爐山隔籬有座龍峒山而改成噉。
2. 民國《白雲、越秀二山合誌》：個村之前種咗好多龍眼響度。
3. 龍眼洞村樊氏族譜：之前嗌過龍峝、龍峒、龍陽鄉、龍洞村，但北宋徽宗年代（1101～1120年）嗌過烏涌龍眼洞村。
4. 龍眼洞村民：羅浮山、太和嶂、洞旗峯、白雲山、重有好多群山夾埋一齊，好似條龍噉。喺個村西邊，有座山直線落到村入面，而個村喺龍眼上面。
5. 風水學：由於個村地理環境係四面環山（又叫「龍」）、中間搞出個竇（盆地仔，又叫洞），所以綜合一齊嗌成噉嘅名。
6. 地形同地貌：村南北向，長800m，闊300m。村中心嘅崗似龍頭，左右兩崗（元頭崗同西元崗）似對龍眼，前面嘅蒲崗似龍條鼻。
7. 龍眼洞村民：出喺「九龍歸洞」一詞。

古

龍眼洞除飛鵝嶺遺址呢個新石器時代遺址，仲留低唔少古建、墓葬、廟宇（寶峰堂有成1360年歷史）祠堂（貽燕堂有成400年歷史）、一洞樊公祠至德堂（至德學校——龍洞小學嘅前身，1919年創立，舊番禺縣最早興辦嘅四間國民小學之一）。

祠堂

姓	名	堂號	主祀	位	始建年代	重修年代
樊	樊氏大宗祠		1世祖（以達）	東大街4號	1787	1810、1966、1996
	景祚樊公祠	貽燕堂	8世祖	東大街108號	1696	1900
	明漱家塾		9世祖	東大街67號
	新璞庵樊公祠		11世祖	西街九巷13號		2004
	璞庵樊公祠	濟美堂	11世祖	南社田邊		1908、2004
	一洞樊公祠	至德堂	11世祖	西大街16號	1894	2004
	華陽樊公祠		11世祖	東大街35號	清	1888、2006
	肖庵家塾		12世祖	聚源里8號	1936
	敬庵家塾		12世祖	聚源里1號	1941
	西喬公祠	世德堂	12世祖	雙閘巷9號	咸豐	1898、2009
	西奧樊公祠		12世祖	東大街71號		1856、2002
	西耕家塾		12世祖	西大街25號	1884	1947
	有餘書室		13世祖（怡臺）	西華里1號	民國
	怡樂公祠		13世祖	雙閘巷4號		1947
	翠林樊公祠		13世祖	東大街36號
	致和家塾		14世祖	中社如松里8號
	廣振書室		14世祖	東大街松青里1號
	乙樓樊公祠		15世祖	中社南邊巷
	璧遠樊公祠		19世祖	西社北門頭
	玉山家塾		24世祖	西大街18號	1856
譚	盛隱譚公祠		始祖	東大街53號

其他

• 石門禪院，舊日嘅龍洞八景之一，原址龍洞村大壺嶂山南，唐貞觀年間開始起出來，到明萬曆四十六年（1618年）重修，1930年代畀日軍拆毀，剩低嘅屋宇喺後尾整華南快線石門隧道嗰時徹底鏟曬。喺2012年龍洞村提出起返禪院，2014年1月公示咗重建規劃，到2016年左右起返好，係做佛教嘅活動場地。

左近公園

• 龍眼洞森林公園：喺龍洞西面山東坡，入邊有臥龍湖、藏龍湖、迎龍湖三個水庫，供食水畀四圍地方。
• 華南植物園
• 廣東樹木公園

攷

• 天河区街名由来 广州文史

睇埋

• 龍洞街道

出邊網頁

• 廣州第一村 華南植物園