2006年行星重新解釋

國際天文聯會草擬增加嘅3粒行星。上圖係3粒新增行星同地球嘅大小比例。最左邊嘅係鬩神星，跟住係榖神星、卡戎、同埋地球。

喺2006年，國際天文聯會喺國際天文學大會討論行星嘅定義，對喺太陽系嘅傳統九大行星 入面再增加行星數量而進行決議。

建議書叫做Resolution 5 for GA-XXVI；國際天文學聯合會嘅天文學家喺2006年8月24日，喺捷克布拉格進行投票。

結果國際天文學聯會將冥王星由九大行星中剔除，令到太陽系嘅經典行星數目減至八個。同時冥王星、齊娜（後嚟改名叫鬩神星）同埋榖神星一齊被定義為矮行星。後尾鳥神星、妊神星都定義為矮行星。