冥王星

出自維基百科,自由嘅百科全書
跳去: 定向搵嘢
2015年7月14號由新視野號所影嘅冥王星
藝術家筆下嘅冥王星同埋衛星卡戎。1930年被發現之後冥王星一直被當做行星,到2006年先至歸類做矮行星

冥王星粵拼ming5 wong4 sing1;拉丁文:Pluto),學術上叫做134340號小行星,係喺太陽系入面嘅矮行星。喺2006年之前,佢係大部份時間離太陽最遠嘅行星。冥王星重細過月球,直徑2344公里左右,質量約莫係月球嘅五分之一。

佢比其他行星嘅軌道離心率高好多,特別斜,多數海王星近太陽多尐果時,冥王星就遠啲。不過冥王星近太陽果時,就啱啱相反。冥王星重細過某啲行星嘅衛星,之不過冥王星都有幾個衛星,最大嗰個叫卡戎(Charon),重有四個細嘅叫尼克斯(Nix)、許德拉(Hydra)、科伯羅司(Kerberos)同冥河(Styx)[1]

喺2015年7月14號,新視野號探測船飛近冥王星,成為第一艘飛過冥王星嘅飛船。[2]

發現史[編輯]

喺1850年開始,發現咗海王星無耐,就有啲天文學家開始分析,推測海王星外面重有粒未知嘅行星響度,干擾住天王星嘅軌道。喺1905年,美國嘅天文學家羅威爾就諗住睇吓呢粒未知行星係點行,重出埋影相機嚟搵,不過佢一直都未搵到。

雖然羅威爾喺1916年死咗,但係佢起嘅羅威爾天文台就繼續探索緊未知行星,直到1930年2月18號,嗰時比較後生嘅湯博,喺查緊巡天嘅星球相嗰陣,發現咗呢粒新嘅行星。結果呢個星球按住天文學界嘅傳統,改咗做「冥王星」,即係「閻羅王嘅星球」噉解。

冥王星嘅地位爭議[編輯]

初頭天文學家都以為冥王星嘅質量同地球差唔多,但後來出乎意料咁發現咗佢嘅質量其實好細。喺1978年,冥衛一俾天文學家發現咗,度到佢嘅質量得地球嘅0.2%,解釋唔到天王星軌道被干擾嘅問題,就開始有天文學家質疑冥王星喺咪真係一個行星嚟。

1999年有建議話將冥王星踢出行星之列,但嗰年國際天文聯合會(IAU)話唔得。但係,後嚟喺2006年8月24號晏晝舉行嘅第26屆國際天文聯合會入面通過咗呢個決議,個會由天文學家嚟投票決定,正式將冥王星降級為矮行星,踢咗出九大行星嘅範圍。喺2008年,國際天文聯合會就將冥王星加返入類冥矮行星嘅範圍。[3]

睇埋[編輯]

太陽系
太陽 水星 金星 月 地球 火星嘅衞星 火星 小行星帶 木星 木星嘅衞星 木星環 土星 土星嘅衞星 土星環 天王星 天王星嘅衞星 天王星環 海王星嘅衞星 海王星 海王星環 冥王星嘅衞星 冥王星 妊神星嘅衞星 妊神星 鳥神星 柯伊伯帶 鬩衞一 鬩神星 黃道離散天體 歐特星雲Solar System XXX.png
太陽系同八大行星太陽 · 水星 · 金星 · 地球 · 火星 · 木星 · 土星 · 天王星 · 海王星
自然衞星木衞三 · 土衞六 · 木衞四 · 木衞一 · 月球 · 木衞二 · 海衞一 · 天衞三 · 土衞五 · 天衞四 · 土衞九
行星環木星環 · 土星環 · 天王星環 · 海王星環
矮行星穀神星 · 冥王星 · 妊神星 · 鳥神星 · 鬩神星
太陽系細嘢流星 · 隕星 · 小行星近地小行星 · 小行星帶 · 半人馬小行星 · 外海王星天體柯伊伯帶 / 黃道離散天體) ·
彗星歐特星雲
  1. Showalter, Mark R. (11 July 2012). "Hubble Discovers a Fifth Moon Orbiting Pluto (News Release STScI-2012-32)". HubbleSite NewsCenter. 喺11 July 2012搵到. 
  2. Overbye, Dennis (6 July 2015). "Reaching Pluto, and the End of an Era of Planetary Exploration". New York Times. 喺7 July 2015搵到. 
  3. "Plutoid chosen as name for Solar System objects like Pluto". Paris: International Astronomical Union (News Release – IAU0804). 11 June 2008. 喺1 December 2011搵到.