2022年臺中市第二選舉區立委補選
2022年臺中市第二選舉區立委補選，係中華民國臺中市第二選舉區（包含沙鹿區、龍井區、大肚區、烏日區、霧峰區）原任第10屆立法委員陳柏惟（台灣基進籍）因為罷免案通過而被解職後所進行嘅選舉[1]，將會喺2022年1月9號舉行[2][3][4]。
背景[編輯]
原任立法委員陳柏惟喺2021年2月被發起罷免，事件被視為前高雄市長韓國瑜被罷免後，韓國瑜同國民黨一啲支持者發起嘅報復性罷免案之一[5]，藍綠陣營都有好大程度動員。最終投票率51.72%，同意罷免票只係比起反對票多4,466張，陳柏惟罷免案僅僅被通過。對於票差咁細，有評論就認為，呢次結果對國民黨同喺台中第二選區有一定影響力嘅顏家，只係一次慘勝[6]。
候選人[編輯]
中國國民黨[編輯]
喺2020年連任失敗嘅前立委顏寬恒，仲有佢個妹、時任台中市議會副議長顏莉敏一直被視為有機會代表中國國民黨參選。雖然顏家喺國民黨內並無其他對手，但顏寬恒未有即刻表態，有評論就指，係因為罷免案嘅結果，令顏家進退兩難[6]。不過，去到11月9號，國民黨正式宣布徵召顏寬恒參選。[7]18號，正式登記參選。
民主進步黨／臺灣基進[編輯]
民進黨前不分區立委林靜儀、多次征戰嘅陳世凱同台中市議員張家銨都曾經被視為可能人選，但去到11月3號，林靜儀獲徵召，成為民進黨同臺灣基進共推嘅人選，仲有前台中市長、前交通部長林佳龍做競選總部主委、陳柏惟擔任競選總幹事。林去到15號正式登記參選。
其他候選人[編輯]
- 11月4號，黎明幼兒園前園長林金連宣布參選[8]。
- 11月16號，李昇翰登記參選。[9]
- 11月17日，張烱春登記參選。[10]
- 另外，台中市無黨籍議員陳廷秀曾經被傳有意參選，由於佢同台灣民眾黨立委高虹安有一齊開服務處，被認為如果參選會得到台灣民眾黨支持，不過黨主席柯文哲就話無派人參選嘅計畫。
選前事件[編輯]
顏家脫產爭議[編輯]
喺11月7號，顏家被揭發有脫產爭議。顏清標被揭發欠咗前沙鹿鎮長陳孟森6000幾萬無還，而且脫產畀顏寬恒。民進黨林靜儀就指，過去有一啲地方勢力，令民眾唔敢講嘢，或者喺壓力之下只好接受一啲不公平嘅狀況，希望藉住選舉或者地方文化嘅改變，改善呢啲唔公平嘅事，地方民眾亦唔使再驚[11]。另外，由於顏寬恒喺補選期間被揭露有頗為豐厚嘅資產，但顏家喺之前陳柏惟罷免案嗰陣反而喺度攞房產問題攻擊陳柏惟，所以亦受到一啲批評[12]。
顏寬恒被指「綁架」媽祖[編輯]
有啲人覺得，顏寬恒喺補選過程入面話媽祖會保佑當選，係「綁架」媽祖。顏寬恒嘅爸爸顏清標之後就反駁話，「政治歸政治，宗教歸宗教」[13][14]。
國民黨公佈林靜儀開會暴怒敲桌影片被指抹黑對手[編輯]
國民黨喺12月28號公佈一段林靜儀開會暴怒敲枱嘅影片，指控林喺擔任不分區立委期間濫用權力威脅公務員。之後民進黨澄清，話當時係為青創團隊同埋中興新村活化嘅問題發聲，同現場公部門人員據理力爭嘅畫面。民進黨又批評，國民黨咁樣係抹黑林靜儀[15]。
于北辰支持林靜儀被顏寬恒攻擊，顏「超商」言論爭議[編輯]
前陸軍少將于北辰喺2022年1月退出國民黨，並公開支持林靜儀，結果被顏寬恒攻擊，話佢為咗三千蚊節目通告費，出賣人格靈魂，同出面連鎖便利超商無分別。顏嘅言論引來各方批評，有網民話佢引喻失義，得罪成個台灣嘅超商店員，林靜儀反駁，話連鎖便利商店嘅店員勤懇實在過生活，比起侵佔國家土地而且龐大違建嘅顏寬恒，人格上更加值得被尊敬[16]。于北辰回應，叫佢唔好污辱超商員工[17]。
顏寬恒違建佔用國有土地爭議[編輯]
喺選舉期間，顏寬恒被接連揭發佔用國有地。當中有啲明明係公共設施嘅保留地，但就被顏寬恒佔用。另外，部分佢佔用嘅土地甚至用來出租畀人，即係非法用國家土地賺錢[18][19]。
民調[編輯]
唔同民調都顯示，呢次選舉雙方支持度不相伯仲，差距都係喺統計學嘅誤差範圍入面[20]。
選舉結果[編輯]
| 2022年臺中市第二選舉區立法委員補選選舉結果 | ||||||
|---|---|---|---|---|---|---|
| 號次[21] | 候選人 | 政黨 | 得票數 | 得票率 | 當選標記 | |
| 1 | 張炯春 | 台灣股票黨 | 337 | 0.20% | ||
| 2 | 林金連 |  無黨籍 |
633 | 0.37% | ||
| 3 | 李昇翰 | 無黨籍 |
617 | 0.36% | ||
| 4 | 林靜儀 |  民主進步黨 |
88,752 | 51.83% | 
| |
| 5 | 顏寬恒 |  中國國民黨 |
80,912 | 47.25% | ||
| 選舉人數 | 295,985 | |||||
| 投票數 | 172,446 | |||||
| 有效票 | 171,251 | |||||
| 無效票 | 1,195 | |||||
| 投票率 | 58.26% | |||||
參考[編輯]
- ↑ 第10屆立法委員（臺中市第2選舉區）陳柏惟罷免案投票結果 互聯網檔案館嘅歸檔，歸檔日期2021年10月23號，.，中央選舉委員會，2021年10月23日
- ↑ 公職人員選舉罷免法第73條
- ↑ 陳柏惟確定遭罷免 中選會7天內公告解職、3個月內補選，蘇金鳳，自由時報，2021年10月23日
- ↑ 陳俊華 (2021-10-28). 〈台中市第2選區立委補選 111年1月9日投票〉. 中央社. 喺2021-10-28搵到.
- ↑ Storm.mg (2021-02-08). 〈罷捷前喊停「報復性罷免」惹藍眾怒！趙少康急曝「停戰底線」-風傳媒〉. www.storm.mg (臺灣中文). 喺2021-10-05搵到.
- ↑ 6.0 6.1 自由時報電子報 (2021-11-07). 〈顏家到底參不參加補選？范世平：錯估民意搞到進退兩難 - 政治〉. 《自由時報電子報》 (中文). 喺2021-11-08搵到.
- ↑ 快訊／朱立倫徵召顏寬恒參加中二選區補選 今晚7點宣布
- ↑ 幼兒園長角逐中二立委補選 打破藍綠轟「強權黑道霸凌掠奪」
- ↑ 顏寬恒、林靜儀之外 中2選區立委補選還有他要選，盧金足，中國時報，2021年11月16日
- ↑ 不只林靜儀、顏寬恒！ 中二選區立委補選已4人登記
- ↑ 自由時報電子報 (2021-11-07). 〈顏清標欠6000萬脫產給顏寬恒？ 林靜儀︰藉選舉改變不公平事情 - 自由電子報影音頻道〉. 《自由時報電子報》. 喺2021-11-08搵到.
- ↑ 自由時報電子報 (2021-11-17). 〈顏寬恒財產被窮追猛打 林俊憲：罷免陳柏惟時種下的因 - 政治〉. 《自由時報電子報》 (中文). 喺2021-11-18搵到.
- ↑ https://www.facebook.com/ETtoday. 〈周玉蔻嗆顏寬恒：你告啊！潘朵拉盒子將打開 媽祖是保佑我這種人 | ETtoday政治新聞 | ETtoday新聞雲〉. www.ettoday.net (繁體中文). 喺2021-11-18搵到.
{{cite web}}:|last=has generic name (help); External link in|last= - ↑ Storm.mg (2020-02-25). 〈「不要綁架媽祖！」陳芳明諷顏清標：若媽祖會保佑，顏寬恒為什麼落選？-風傳媒〉. www.storm.mg (臺灣中文). 喺2021-11-18搵到.
- ↑ 自由時報電子報 (2021-12-29). 〈公布林靜儀開會暴怒敲桌影片？ 民進黨：又遭國民黨抹黑！ - 政治〉. 《自由時報電子報》 (中文). 喺2022-01-02搵到.
- ↑ 自由時報電子報 (2022-01-02). 〈不滿于北辰退黨挺林靜儀 顏寬恒批「像超商出賣靈魂」 炸鍋 - 政治〉. 《自由時報電子報》 (中文). 喺2022-01-02搵到.
- ↑ 自由時報電子報 (2022-01-02). 〈于北辰：請顏寬恒不要污辱超商員工 - 政治〉. 《自由時報電子報》 (中文). 喺2022-01-02搵到.
- ↑ 自由時報電子報 (2022-01-03). 〈顏家占國有地134平方公尺 綠委爆：2週後開拆並移送法辦 - 政治〉. 《自由時報電子報》 (中文). 喺2022-01-05搵到.
- ↑ https://www.facebook.com/TBSCTS (2021-12-24). 〈占用國有地爭議 卓冠廷:顏家違建不只一處〉. 《華視新聞網》 (中文). 喺2022-01-05搵到.
{{cite web}}:|last=has generic name (help); External link in|last= - ↑ 自由時報電子報 (2021-12-29). 〈公布林靜儀開會暴怒敲桌影片？ 民進黨：又遭國民黨抹黑！ - 政治〉. 《自由時報電子報》 (中文). 喺2022-01-02搵到.
- ↑ 〈臺中市選舉委員會:::第10屆立法委員臺中市第2選舉區缺額補選候選人姓名號次抽籤結果:::〉. 《臺中市選舉委員會》 (臺灣中文). 喺2021-12-16搵到.