跳去內容

陳柏惟罷免案

改拎
出自維基百科，自由嘅百科全書
第十屆立法委員（臺中市第二選舉區）陳柏惟罷免案
地點中華民國 中華民國 臺中市第二選舉區
日期2021年10月23號
投票制度有效同意票數多過不同意票，而且同意票數需達原選舉區選舉人總數四分之一以上先至通過罷免
中華民國
中華民國國旗   中華民國國徽
中華民國政府同政治
主題文章
政府
憲法
總統同副總統
行政院
立法院
司法院
考試院
監察院
政治
政黨
選舉
國定假日（倒數）
國慶日
民國113年 國慶日
中華民國 中華民國 – 2024年10月10號
'
用當地時間嚟計
若果發現倒數時間唔準，請刷新頁面快取。

政治主題

第十屆立法委員（臺中市第二選舉區）陳柏惟罷免案，又叫刪Q案，係針對喺中華民國臺中市第二選舉區擔任第10屆立法委員嘅陳柏惟（台灣基進黨籍），根據《公職人員選舉罷免法》程序進行嘅罷免案。呢次罷免案原定喺2021年8月28號進行投票[1]。但由於武漢肺炎臺灣疫情影響，所以延期去到2021年10月23號進行投票[2]。最終罷免被通過。

呢次罷免案，被部分媒體視為前高雄市長韓國瑜喺2020年被罷免後，韓國瑜同國民黨一啲支持者發起嘅報復性罷免案之一[3]，而除咗陳柏惟所屬嘅台灣基進之外，民進黨同綠黨亦表明唔認同呢次對陳柏惟嘅罷免[4]。

動議罷免人資料

[編輯]

呢次罷免案由龍井區區民，「刪Q總部」代表楊文元發起。喺2021年2月1號，佢喺國民黨台中市議員羅廷瑋同埋大里區立仁里長鄭伯其陪同下召開記者會，宣布成立「刪Q總部」。雖然佢得到國民黨支持，但就指自己無黨無派，因睇唔過眼陳柏惟「政見跳票」先企出來[5]。

被罷免人同埋相關選區資料

[編輯]

被罷免人所屬選區係臺中市第二選舉區，範圍包含沙鹿區、龍井區、大肚區、烏日區、霧峰區。

政黨  台灣基進
姓名 陳柏惟
陳柏惟
學歷
經歷
出生地  中華民國（臺灣）高雄市
1985年7月10日（罷免投票嗰時36歲）

規則

[編輯]

依照《公職人員選舉罷免法》第九十條第一項，罷免投票嘅通過門檻必須同時符合以下兩個條件[7]：

  1. 有效同意票數多過不同意票。
  2. 同意票數達原選舉區選舉人總數嘅四分之一以上。

日程

[編輯]
日期 事項
2021年7月2號 罷免案成立
2021年7月13號前 被罷免人提出答辯書
2021年7月13號 發布罷免公告
2021年8月8號 投票人名冊編造完成
2021年10月13號至10月22號 公辦電視罷免說明會
2021年10月19號前 公告罷免投票人人數
2021年10月23號 投票、開票
2021年10月29號前 審定罷免投票結果
2021年10月29號 公告罷免投票結果

罷免理由、答辯以及涉及議題

[編輯]

中央選舉委員會喺7月13號發布罷免公告，公佈罷免理由書同埋答辯書[8]。

罷免領銜人楊文元喺2月8日提出罷免「4大理由」[9]：

  1. 無心地方服務，承諾政見一再走數（台中火力發電廠、台中市空氣議題、同埋喺台灣各地廣設服務處）
  2. 無心監督民意所託，背離選區民意（贊成進口美國豬肉、對大麻同社會議題嘅態度）
  3. 發言荒腔走板，經常鬧出失格、失言新聞（針對立法院質詢同埋Facebook發文）
  4. 面對反對聲音，經常使用暴力同埋恐嚇言論（追打吳怡玎、揚言提告周克琦等事件）

反對罷免嘅理據

[編輯]

陳柏惟就喺罷免答辯書入面，以「做台灣的工，走台灣的路」為題，強調出席率100%同埋立法院提案、接受民眾陳情件數。

罷免投票前夕事件

[編輯]
  • 陳柏惟喺10月2號一次動員反對罷免嘅活動，落淚話而家情況係國民黨鋪天蓋地咁抹黑，全黨全家滅佢一個，自己要澄清都唔知由邊度講起，佢又批評朱立倫支持呢次報復性罷免，有失一個政黨主席嘅格局[10]。

台語質詢風波

[編輯]

陳柏惟曾經因為用母語質詢，同國防部長邱國正起爭執，事後被一啲國民黨人批評。民進黨立委陳亭妃就話，呢啲只係小誤會，而另一民進黨立委許智傑就話好多立委本身都會用台語質詢，而兩人誤會事後亦處理咗[11]。

朱立倫被指做謠話陳柏惟第三會期「0提案」

[編輯]

啱啱做返國民黨主席嘅朱立倫喺10月3號宣傳罷免嘅時候，公開指控陳柏惟第三會期「0提案」，但台灣基進之後反駁，話不論係立法院公開數據，或者公督盟嘅評鑑資訊，陳柏惟事實上喺第三會期有七項領銜提案。台灣基進又質疑，朱立倫咁做係當作向對岸示好嘅獻禮，更以政治交換嚟報答顏家（顏寬恒嘅家族，一直喺台中地區高度活躍政治）喺之前國民黨黨主席選戰嘅支持。台灣基進更表明，如果朱立倫唔道歉，會採取法律行動[12][13]。

去到10月7號，朱立倫都仲未向陳柏惟道歉，基進黨主席陳奕齊之後正式去台北地檢署告發朱立倫涉嫌違反公職人員選舉罷免法[14]。

國民黨積極揭露陳柏惟黑歷史同財產申報

[編輯]

喺選舉前夕，國民黨積極揭露陳柏惟過往黑歷史同埋財產申報，當中包括後生時嘅車禍同埋涉嫌玩有賭博成份嘅遊戲機[15]。

對於財產申報嘅問題，連勝文嘅辦公室質疑陳柏惟點解財產喺2016年去到2021年大幅上漲，持有物業嘅價格上升，存款去到441萬。對此，台灣基進反駁，話物業就係喺自由市場市場有升有跌，存款增加係因為有選舉補助款，連勝文冇可能唔知。台灣基進又質疑，點解連勝文辦公室佢哋唔質疑顏氏家族佢哋啲錢喺邊度嚟（顏寬恒2018財產申報有現金存款1.4億元、土地70筆、建物15筆、有價證券2800萬元），或者問下自己老細點樣成為全世界最有錢嘅公務員家族[16][17]。

至於玩有賭博成份嘅遊戲機案，陳柏惟就澄清，話當日係在場其他人賭博，警察臨檢先至將所有人帶返去，強調自己冇賭博。而判決書亦提到，陳柏惟只係證人而唔係被告[18]。

對於車禍事件，佢解釋自己當時係疲勞駕駛，事後亦無逃避責任，亦同家屬達成咗和解，又請求大家唔好打攪受害者家人[19][20]。

陳柏惟團隊被惡意冒充騷擾選民

[編輯]

喺10月19號，台灣基進組織部主任李雨蓁係Facebook發文表示，有好多以陳柏惟團隊名義嘅「假文宣、假拜票」行動，喺Line群組狂傳自製圖卡，洗版聊天室，甚至係深夜打畀啲選民，李雨蓁話，呢種手法係傷害民主，亦會引起民眾反感，亦呼籲有懷疑嘅選民保留證據，用嚟日後法律用途之用[21]。

不實流言指控陳柏惟請自己哥哥做助理

[編輯]

有網友喺PTT社群網站爆料，話陳柏惟請自己哥哥做助理，違反佢之前向公督盟保證，所聘任嘅公費助理中無三等親之內親屬嘅承諾。之後，台灣基進新聞部副主任陳子瑜就話陳柏惟係獨仔，所謂嘅哥哥係堂哥，法律上屬於四等親，人工亦係由台灣基進而唔係公費去支付[22]。

唔同政治人物嘅立場同相關發言

[編輯]

呢次罷免案，主要係國民黨全力推動，仲有中國中央電視台嘅宣傳支持[23]。

國民黨

[編輯]

國民黨支持呢次罷免，除咗喺2020年被陳柏惟喺立委選舉擊敗嘅國民黨顏寬恒投入罷免運動之外，啱啱再任黨主席嘅朱立倫亦有一齊推動[24]。

民進黨

[編輯]

民進黨反對呢次罷免，地方黨部同埋唔少立委都有支持陳柏惟。發言人謝佩芬喺9月15號話，黨內公職支持陳柏惟留任，黨中央都會全力支持問政認真嘅立委，同時呼籲國民黨停止報復性打壓[25]。

  • 立法院長游錫堃話，雖然覺得陳柏惟係優秀立委，但基於行政中立理由，唔可以幫佢講話站台[26]。
  • 立委陳亭妃話，希望大家認清楚國民黨嘅政治手段，罷免案變成朱立倫再任國民黨主席嘅第一戰，就要畀佢食一場敗仗，咁樣先可以阻止國民黨為政治而政治，繼續搞風搞雨[11]。
  • 前立委林靜儀話，陳柏惟淨係立委前3個會期嘅質詢數目，已經係顏寬恒6個會期質詢總數嘅5倍，形容係『一個陳柏惟抵十個顏寬恒』。佢又話，呢個差距咁大，藍營仍然要動員罷免投票，唔怪得國民黨搵唔到好嘅理由說服民眾[24]。
  • 立法院副院長蔡其昌話，國民黨作為最大在野黨，鋪天蓋地用全黨之力罷免一個喺國會入面最細在野黨嘅立委，就算成功都勝之不武。佢又話，國民黨傾力將陳柏惟型塑成空降唔努力而且年少氣盛嘅形象，但事實並唔係咁[27]。

民眾黨

[編輯]
  • 黨主席柯文哲對於陳柏惟喺投票期間被連環爆料，形容咁樣唔係健康嘅政治文化[15]。佢又話陳柏惟係有理想嘅人，所以決定唔參與呢次罷免案。[28]

綠黨

[編輯]

綠黨支持陳柏惟留任，批評國民黨喺呢次罷免案中並未提出陳柏惟唔適任立委嘅事證，擔憂罷免制度淪為敗選候選人嘅報復工具，而且提出陳柏惟係少數關心醫療政策嘅立委，包括擋下開放中國人來台使用健保、監督健保署唔合理自費醫材上限、主張設立司法精神病院等，充分關注醫療人員同埋患者就醫嘅權利。並且主張保護少數政黨喺國會的席次，亦係台灣政治多元性嘅展現，呼籲所有珍惜台灣民主嘅人要團結起嚟，反對罷免陳柏惟[29]。

其他

[編輯]
  • 曾經被國民黨支持者針對發起罷免嘅無黨籍高雄市議員議會黃捷，表明支持陳柏惟，形容守住柏惟即係守住台灣。佢批評國民黨鋪天蓋地嘅造謠打壓，又引述公督盟數據，反駁國民黨主席朱立倫抹黑陳柏惟唔做嘢。另外，黃捷亦送上鄭宜農嘅《光》去鼓勵陳柏惟[30]。
  • 苗博雅、黃捷、邱威傑3名議員拍攝反霸凌影片，對陳柏惟相挺[31]。
  • 喺10月4號，網絡紅人陳之漢喺社交媒體貼出佢同陳柏惟嘅合照，表態支持陳柏惟。不過，陳之漢嘅讀者意見就陷入分歧[32]。
  • 立法委員林昶佐亦有聲援陳柏惟並批評國民黨嘅報復性罷免行動，喺10月10號話對事態發展睇唔過眼，有啲人唔可以議事論事，以陳柏惟喺立法院嘅質詢、問政嘅客觀數據去討論，反而無所不用其極咁進行人格毀滅、抹黑、攻擊。佢又話，所有有正義感嘅人都應該企出來[33][23]。
  • 台中前新聞局長卓冠廷支持陳柏惟留任，對於陳柏惟喺投票前夕被接連爆料，卓冠廷反而揶揄國民黨喺呢次罷免案嘅主將顏寬恒，細細個就用阿爸嘅特別費去有小姐接待嘅酒店，服務處仲係黑道交贖金嘅地檔，檳榔攤係嫌疑犯放槍嘅地方，呼籲國民黨唔好唔記得自己嘅惡霸黑金歷史[34]。

連署結果

[編輯]
個數 ％ 佔選舉人數％
選舉人數 291,122 100.00
第一階段罷免提案門檻人數 2,912 1.00
合格數 3,744 85.93 1.29
唔合格數 613 14.07 0.21
總提案人數 4,357 100.00 1.50
第二階段罷免連署門檻人數 29,113 10.00
合格數 27,270 84.18 9.37
唔合格數 5,126 15.82 1.76
連署人數 32,396 100.00 11.13
相差 1,843
補連署合格數 8,803 3.02
補連署唔合格數 2,780 0.95
補連署數 11,583 3.98
總合格數 36,073 12.39
總連署人數 43,979 100.00 15.10
結果 罷免案成立

民意調查

[編輯]
日期 機構 樣本數 參與投票%[a] 參與投票且投同意票% 贊成罷免%[b] 參與投票且投反對票% 反對罷免%[b] 其他%[b]
2021-09-13 TVBS 1075 43.4 27.0 50.7 - 24.4 24.8
2021-10-04 TVBS 1073 46.4 30.0 52.1 - 20.7 27.1
2021-10-09 美麗島 - 57.1 32.7 37.2 16.9 25.7 37.1

投票結果

[編輯]
中央選舉委員會公告投票結果
第三階段罷免投票結果
個數 ％ 佔選舉人數％
選舉人數 294,976 100.00
門檻票數 73,744 25.00
同意票數 77,899 51.48 26.41
不同意票數 73,433 48.52 24.89
有效票數 151,332 99.20 51.30
無效票數 1,235 0.80 0.42
總投票數 152,567 100.00 51.72
結果 中選會喺官網出新聞稿，結果：通過罷免

對於同意罷免票只係比起反對票多4,466張，有評論就認為，呢次結果對國民黨同喺台中第二選區有一定影響力嘅顏家，只係一次慘勝[35]。

吉咗嘅議席會喺2022年1月9號舉行嘅補選填補[36][37][38]。

參考

[編輯]
  1. ↑ 賴于榛、溫貴香 (2021-07-02)。〈中選會：陳柏惟罷免案宣告成立 暫定8/28投票〉。中央社。喺2021-07-02搵到。
  2. ↑ 賴于榛 (2021-07-16)。〈陳柏惟罷免案 中選會決議延至10/23投票〉。中央社。喺2021-07-20搵到。
  3. ↑ Storm.mg (2021-02-08)。〈罷捷前喊停「報復性罷免」惹藍眾怒！趙少康急曝「停戰底線」-風傳媒〉。www.storm.mg (臺灣中文)。喺2021-10-05搵到。
  4. ↑ 〈【刪Q危機】民進黨高層：陳柏惟欣賞度高 「報復性罷免」正當性不足 ｜ 蘋果新聞網 ｜ 蘋果日報〉。《蘋果新聞網》 (臺灣中文)。2021-03-01。原著喺2021-10-05歸檔。喺2021-10-05搵到。
  5. ↑ 〈【刪Q總部成立】罷免領銜人「後悔投他」轟詐騙 陳柏惟：坦然接受〉。tw.news.yahoo.com (中文)。喺2021-10-19搵到。
  6. ↑ 〈第10屆立法委員選舉 選舉公報〉 (PDF)。原著 (PDF)喺2020年12月5號歸檔。喺2021年10月5號搵到。
  7. ↑ 〈公職人員選舉罷免法〉。《全國法規資料庫》。原先內容歸檔喺2018-10-20。喺2017-12-16搵到。 {{cite web}}: Cite has empty unknown parameter: |dead-url= (help)
  8. ↑ 〈公告第10屆立法委員（臺中市第2選舉區）陳柏惟罷免案之投票日期、投票起、止時間、罷免理由書、答辯書、罷免活動期間之起、止日期及每日罷免活動之起、止時間等事項〉。2021-07-13。原著喺2021-07-20歸檔。喺2021-07-20搵到。
  9. ↑ 〈刪Q總部今遞4375份提議書至中選會　罷免陳柏惟四大理由曝光〉。appledaily。喺2021-02-08搵到。
  10. ↑ NOWnews今日新聞 (2021-10-02)。〈心疼支持者3Q哭了 陳柏惟：國民黨全黨全家滅我一人 | 焦點〉。《NOWnews今日新聞》 (中文)。喺2021-10-05搵到。
  11. ↑ 11.0 11.1 聯合新聞網 (2021-09-29)。〈陳柏惟罷免案在即 陳亭妃：要讓朱立倫吃敗仗 | 聯合新聞網：最懂你的新聞網站〉。《聯合新聞網》 (中文)。喺2021-10-05搵到。{{cite web}}: CS1 maint: url-status (link)
  12. ↑ 〈10/6下班前，朱立倫不道歉，我們就告到底〉。Facebook (英文)。喺2021-10-06搵到。{{cite web}}: CS1 maint: url-status (link)
  13. ↑ 自由時報電子報 (2021-10-06)。〈質疑拿陳柏惟獻禮中國！控朱立倫造謠 台灣基進：不道歉就告到底 - 政治〉。《自由時報電子報》 (中文)。喺2021-10-06搵到。
  14. ↑ 〈朱立倫指陳柏惟「30」立委 基進黨提告違選罷法 | 政治 | 中央社 CNA〉。www.cna.com.tw (中文)。喺2021-10-19搵到。
  15. ↑ 15.0 15.1 郭安家 (2021-10-08)。〈陳柏惟遭連環爆料 柯文哲：這不是很健康的政治文化〉。《自由時報》 (中文)。喺2021-10-20搵到。
  16. ↑ 葛祐豪 (2021-10-08)。〈陳柏惟存款441萬遭質疑 台灣基進攤開顏寬恒、連勝文財產申報比一比〉。《自由時報電子報》 (中文)。喺2021-10-10搵到。
  17. ↑ 〈連勝文辦公室質疑陳柏惟「財產申報不實」一年增400萬 苦苓酸：不夠連公子喝紅酒吧？〉。《新頭殼 Newtalk》 (中文)。2021-10-08。喺2021-10-10搵到。
  18. ↑ 潘維庭 (2021-10-07)。〈陳柏惟再捲入賭博電玩案？判決書曝光「證人」身分：玩賓果星球輸1000元〉。《風傳媒》 (臺灣中文)。喺2021-10-19搵到。
  19. ↑ 吳亮賢 (2021-10-06)。〈陳柏惟認了10年前肇事逃逸：那時我還不是那麼成熟〉。《聯合新聞網》 (臺灣中文)。喺2021-10-20搵到。
  20. ↑ 〈被控肇事逃逸？ 陳柏惟致歉還原10年前舊案經過〉。《新頭殼 Newtalk》 (臺灣中文)。2021-10-06。喺2021-10-16搵到。
  21. ↑ 民間全民電視公司 (2021-10-19)。〈刪Q「奧步」？冒充陳柏惟團隊半夜打電話擾民 李雨蓁：傷害民主〉。《民視新聞網》 (繁體中文)。喺2021-10-20搵到。
  22. ↑ 民間全民電視公司 (2021-10-20)。〈網爆陳柏惟說謊「聘用親哥當助理」他曝2點真相反擊：烏龍爆料〉。《民視新聞網》 (繁體中文)。喺2021-10-20搵到。
  23. ↑ 23.0 23.1 〈無懼「清林散昶」 林昶佐前進台中挺3Q 陳柏惟 | 政治 | Newtalk新聞〉。《新頭殼 Newtalk》 (中文)。2021-10-09。喺2021-10-10搵到。
  24. ↑ 24.0 24.1 〈1個陳柏惟抵10個顏寬恒! 林靜儀提這數據：難怪國民黨只能造謠騙人 | 政治 | Newtalk新聞〉。《新頭殼 Newtalk》 (中文)。2021-10-06。喺2021-10-06搵到。
  25. ↑ 〈出手相救陳柏惟？民進黨：支持問政認真的立委留在立法院〉。《Rti 中央廣播電臺》 (中文)。喺2021-10-10搵到。
  26. ↑ 〈陳柏惟罷免案 陳其邁：陳柏惟表現有目共睹籲選民勇於投票〉。《Rti 中央廣播電臺》 (中文)。喺2021-10-05搵到。
  27. ↑ 〈【內幕】綠民調刪Q過關只差6% 罷免案成「價值之爭」陳柏惟陷冷熱戰兩難 -- 上報 / 調查〉。www.upmedia.mg。喺2021-10-06搵到。
  28. ↑ 〈令民眾黨不參戰刪Q！柯去年曾見陳柏惟、稱有理想的人〉。TVBS。2021-09-21。喺2021-09-21搵到。{{cite news}}: CS1 maint: url-status (link)
  29. ↑ 〈【台灣團結起來　10/23一起反罷免陳柏惟】〉。綠黨。2021-10-14。喺2021-10-14搵到。
  30. ↑ 自由時報電子報 (2021-10-05)。〈挺過罷免案的黃捷：台灣需要3Q，守住柏惟、也守住台灣！ - 政治〉。《自由時報電子報》 (中文)。喺2021-10-05搵到。
  31. ↑ Storm.mg (2021-09-12)。〈獨家》基進集結台中展開「留惟行動」 苗博雅、黃捷、邱威傑3議員拍反霸凌影片相挺-風傳媒〉。www.storm.mg (臺灣中文)。喺2021-10-10搵到。
  32. ↑ 〈1個陳柏惟抵10個顏寬恒! 林靜儀提這數據：難怪國民黨只能造謠騙人 | 政治 | Newtalk新聞〉。《新頭殼 Newtalk》 (中文)。2021-10-06。喺2021-10-06搵到。
  33. ↑ 聯合新聞網 (20211010T171505Z)。〈林昶佐南下聲援陳柏惟 陳柏惟宣布將展開100小時苦行 | 聯合新聞網：最懂你的新聞網站〉。《聯合新聞網》 (中文)。喺2021-10-10搵到。 {{cite web}}: Check date values in: |date= (help)
  34. ↑ 〈護航陳柏惟 卓冠廷：國民黨地方惡霸及權貴黑金才最該被台灣人淘汰 | 政治 | Newtalk新聞〉。《新頭殼 Newtalk》 (中文)。2021-10-08。喺2021-10-10搵到。
  35. ↑ 自由時報電子報 (2021-11-07)。〈顏家到底參不參加補選？范世平：錯估民意搞到進退兩難 - 政治〉。《自由時報電子報》 (中文)。喺2021-11-08搵到。
  36. ↑ 公職人員選舉罷免法第73條
  37. ↑ 陳柏惟確定遭罷免 中選會7天內公告解職、3個月內補選，蘇金鳳，自由時報，2021年10月23號
  38. ↑ 陳俊華 (2021-10-28)。〈台中市第2選區立委補選 111年1月9日投票〉。中央社。喺2021-10-28搵到。


引用錯誤 <ref> tags exist for a group named "lower-alpha", but no corresponding <references group="lower-alpha"/> tag was found

由「https://zh-yue.wikipedia.org/w/index.php?title=陳柏惟罷免案&oldid=1905580」收