3 分鐘熱度
(由3分鐘熱度跳轉過嚟)
《3 分鐘熱度》（英文：3 Mins ENnews）係香港MakerVille製作[註 1]嘅娛樂新聞節目，而家逢禮拜一到五23:55－00:00喺ViuTV播。
主持陣容[編輯]
播映安排沿革[編輯]
節目前身係《十五分鐘熱度》同《十五分鐘熱度 Plus》。2020年頭受武漢肺炎香港疫情影響，ViuTV一度停播娛樂新聞，到6月8號重新以「3 分鐘熱度」名義復播娛樂新聞，做咗《今晚趁熱食》嘅其中一個環節[註 2]，並由10月26號開始正式分拆成獨立節目，逢禮拜一到五19:55－20:00喺ViuTV播。
隨住10月26號首播嘅《娛樂 ON AIR》只係播咗三個禮拜就被腰斬，「3 分鐘熱度」重新畀11月16號起接檔嘅《轉機 ON AIR》納入返做節目環節，唔再獨立播出。接檔《轉機 ON AIR》嘅《囝囝囡囡730》亦係同樣嘅安排，都係節目完結前嘅一個環節（例外情況係2021年5月12日至14日就喺19:55播出嘅《ViuTV 5周年電視賞大抽獎》內播出）。由《囝囝囡囡730》第30集開始，「3 分鐘熱度」嘅網上重溫獨立拆返出嚟，會員可以重溫最近半年嘅集數。2022年由5個節目組成嘅《MM730》系列接檔，繼續沿用上述嘅安排。
2023年起部份專訪足本片段會以《Interviu》嘅名義上載到官方網絡平台及Facebook專頁重溫，同年11月20號開始接檔《MM730》嘅《造星唔造星？》播出，「3 分鐘熱度」再次分拆成獨立節目，逢禮拜一到五19:55－20:00喺ViuTV播。
2024年2月12號同13號，因農曆新年關係，「3 分鐘熱度」停播兩日，2月14號起，「3 分鐘熱度」改喺逢禮拜一到五23:55－00:00喺ViuTV播。