跳去內容

APL (程式語言)

出自維基百科，自由嘅百科全書
(由APL語言跳轉過嚟)
APL
編程範式函數式編程
設計者Kenneth Eugene Iverson[1]
（同 Adin Falkoff][2]）
編程員計法1：Larry Breed、Philip Abrams[3]
計法2：Dick Lathwell、Roger Moore、Philip Abrams、Larry Breed[2]
第一次出現計法1：1965年， 59年之前 (1965)（事實上）
計法2：1966年11月27號， 57年之前 (1966-11-27)[註 1]
衍生變體
A+[5]、J[1]
啟發語言
張量代數、算子概念[1]
影響語言
ALGOL 68、Matlab、Mathematica[5]

APL（全名：A Programming Language[6][7]，直譯 ｢一種程式語言｣）係一種直譯嘅[8] 函數式程式語言[9]，雛形由 Ken Iverson 設計[10]，1962年喺佢嘅著作 《A Programming Language》 度發表[9]，但係實際行得嘅版本 Adin Falkoff 有份幫手設計[2]，1965年第一次出現[11][1]。佢基本上係一種數學表示法，所以用到好多特殊符號[9]（不過喺某啲系統其實可以唔用特殊符號都得[12]），呢啲特殊符號有啲後來影響返數學，變成普通嘅數學符號[13]，亦曾經有人當佢做普通嘅數學表示法，用嚟解釋代數、微積分等等嘅數學概念[14]。

矩陣同向量都係 APL 嘅基本資料類型，有標準方法表示同有標準嘅函數處理[15]，有被形容係陣列語言[16]。

控制流程方面，APL 用嘅係跳轉句（branch statement，即係 goto）[17]，冇特別語法表示結構化編程嘅流程控制[13]。

用 APL 寫嘅程式通常都好簡短，但係亦因為咁被人話佢難明[18]。

簡史

[編輯]

APL 喺1956年左右開始設計[11]，本來只係一種數學嘅表示法，叫 Iverson 表示法[19]，用嚟喺教書同寫書嗰陣講解同分析有關資訊處理嘅演算法嘅嘢[11][1]，後來為咗整到佢真係可以喺電腦度行，做過唔細嘅改動[10]，第一次大改動喺1964年，喺用佢描述 System 360 嗰陣發覺原先設計嘅表示法唔啱使，要加同改嘢，第二次大改動喺幫終端機設計字粒球嗰陣，發覺唔可以好似數學咁用2D嘅語法，要將語法線性化[19]。

1965年最初行得嘅版本係成批處理[註 2]（batch processing）嘅版本，1966年先有互動介面[11]。

佢喺1989年[20]被國際標準化組織標準化，編號 ISO 8485[21]；2001年[7]再訂新標準，編號 ISO 13751，被認為係現時嘅標準[21]，但係新標準叫 ｢APL 擴展版｣[暫譯]（Extended APL）[7]，舊標準其實仍然有效[20]。

例子

[編輯]

Hello world 喺 APL 可以咁寫（正方格 ⎕ 表示終端機[22]，喺呢度指螢幕；字串用半形單引號[23]）：

⎕ ← 'Hello world'

但係因為 APL 係綜合開發環境之下用嘅直譯語言，直譯器會自動顯示輸入算式嘅數值；所以可以略去輸出螢幕嘅指示[24]，就咁寫

'Hello world'

參考

[編輯]
  1. ↑ 1.0 1.1 1.2 1.3 1.4 Smillie (1979)
  2. ↑ 2.0 2.1 2.2 McGrew (2016), p. 22
  3. ↑ Breed (2004)
  4. ↑ McGrew (2016), pp. 21–22
  5. ↑ 5.0 5.1 McGrew (2016), p. 47
  6. ↑ “What’s in a name?” (1982)
  7. ↑ 7.0 7.1 7.2 ISO/IEC JTC 1 (2001)
  8. ↑ Cameron (2002)
  9. ↑ 9.0 9.1 9.2 Shallit (n.d.), p. 2
  10. ↑ 10.0 10.1 Brocklebank (1984), p. 280
  11. ↑ 11.0 11.1 11.2 11.3 Falkoff & Iverson (1978), p. 51
  12. ↑ Digital (1978), pp. 482–483
  13. ↑ 13.0 13.1 Shallit (n.d.), p. 25
  14. ↑ “APL Press Publications” (1982), p. 4
  15. ↑ Digital (1978), pp. 485, 488–489
  16. ↑ Ogilvie (1982), p. 169
  17. ↑ Digital (1978), p. 486
  18. ↑ Folorunso (n.d.), p. 6
  19. ↑ 19.0 19.1 Falkoff & Biancuzzi (2009)
  20. ↑ 20.0 20.1 ISO/IEC TC 97 (1989)
  21. ↑ 21.0 21.1 Sauermann (2024), 3.1.3
  22. ↑ Digital (1978), pp. 492
  23. ↑ Digital (1978), pp. 485
  24. ↑ Digital (1978), pp. 493

註釋

[編輯]
  1. ↑ IBM 官方計1966年，但係確定係幾月幾號就有一定難度，11月27號並唔係第一次開機嘅日子，而係 IBM 內部嘅 APL 直譯器嘅一號工作空間（workspace 1）嘅存檔日期[4]。
  2. ↑ 譯名見：科技教育組 (2023)，頁 7

書目

[編輯]
  • 科技教育組 (2023年1月)。〈中學資訊及通訊科技科常用英漢辭彙〉 (PDF) (香港中文)。香港特別行政區政府教育局課程發展處。喺2023年10月30號搵到。
  • "APL Press Publications" (PDF). APL News (美國英文).第8號. APL Press. April 1982. pp. 3–4. 喺2024年9月10號搵到.
  • Breed, Larry (1 March 2004). "How we got to APL/1130". ACM SIGAPL APL Quote Quad (美國英文). 34 (2): 26–27. doi:10.1145/1088529.10885.
  • Brocklebank, Daniel (1984). "APL – The language" (PDF). John Hopkins APL Technical Digest (美國英文). 5 (3): 280–283. 喺2024年9月11號搵到.
  • Cameron, Robert D. (January 30, 2002). "Operational Semantics of Block-Structured Languages: Variables" (加拿大英文). 西門菲沙大學. 喺2024年9月10號搵到.
  • Digital Equipment Corporation (1978). "APL". PDP-11 software handbook (美國英文). pp. 481–498.
  • Falkoff, Adin D. (2009). "APL". Masterminds of Programming (美國英文). Biancuzzi, Federico採訪. O’Reilly. 喺2024年9月11號搵到.
  • Falkoff, Adin D.; Iverson, Kenneth E. (August 1978). "The evolution of APL" (PDF). ACM SIGPLAN Notices (美國英文). 計算機器學會. 13 (8): 47–57. 喺2024年9月11號搵到.
  • Folorunso, Olusegun (n.d.). "Organization of Programming Languages" (PDF) (英文). Federal University of Agriculture, Abeokuta. 喺2024年9月10號搵到.
  • ISO/IEC TC 97 (1989). "Programming languages – APL" (撮要) (英文). 國際標準化組織. ISO/IEC 8485:1989. 喺2024年9月10號搵到.
  • ISO/IEC JTC 1 (2001). "Information Technology – Programming languages, their environments and system software interfaces – Programming language Extended APL" (撮要) (英文). 國際標準化組織. ISO/IEC 13751:2001. 喺2024年9月10號搵到.
  • McGrew, Jon (2016年1月2號). "Forgotten APL Influences" (PDF). APL – Journal (美國英文). 計算機器學會. 喺2024年9月11號搵到.
  • Ogilvie, J. F. (1982). "Applications of computer algebra in physical chemistry" (PDF). Computers & Chemistry (英國英文). 6 (4): 169–172. 喺2024年9月10號搵到.
  • Sauermann, Jürgen; 等 (2024). A Quick Tour of GNU APL (英文). 喺2024年9月11號搵到.
  • Shallit, Jeffrey (n.d.). "Why I'm Still Using APL" (PDF) (加拿大英文). 滑鐵盧大學. 喺2024年9月10號搵到.
  • Smillie, Keith (1979). "Kenneth E. ("Ken") Iverson" (美國英文). 計算機器學會. 喺2024年9月11號搵到.
  • "What's in a name?" (PDF). APL News (美國英文).第8號. APL Press. April 1982. p. 8. 喺2024年9月10號搵到.
由「https://zh-yue.wikipedia.org/w/index.php?title=APL_(程式語言)&oldid=2180254」收