Among Us

出自維基百科,自由嘅百科全書
跳去導覽 跳去搵嘢

Among Us》(粵譯:「喺我哋之間」)由美國遊戲開發者 InnerSloth 整嘅一隻網上多人電子遊戲,2018 年 6 月 15 號推出。

玩法[編輯]

《Among Us》係一隻多人推理遊戲(Multiplayer reasoning game):每一場對局會有大約 4 至 10 個玩家玩,當中有 1 至 3 位扮演「冒名者」(impostor),而其餘嘅扮演一架太空船嘅船員(Crewmate);冒名者係曉變身、假扮船員嘅其他人(唔知道佢哋嘅身份係乜),佢哋目的係要暗中殺死所有船員,而船員嘅目的係要完成佢哋手上嘅工作,工作會以小遊戲嘅形式完成(維修太空船上嘅設備、清理太空船上嘅垃圾等等)冒名者有能力殺死身邊嘅船員、喺通風口中移動、同埋搞破壞(例如係熄咗船上嘅燈佢),而船員就有能力喺發現同伴屍體或者睇到可疑嘅嘢(例如見到其中一名「船員」走咗入去通風口)嗰陣,要求開會以及喺開會嗰時投票決定係咪要將其中一個船員殺死(順利嘅話,佢哋想殺嗰位「船員」正正係冒名者)。

如果冒名者成功殺死船員,殺到船員數量等如冒名者嘅數量,噉就算係冒名者贏,而如果船員成功投出所有冒名者或者成功做晒所有任務,就係船員贏[1]

如果玩家俾人殺咗或者被投票驅逐,佢就會變成幽靈。船員幽靈仍然可以繼續做任務嚟取得勝利;冒名者幽靈雖然唔可以殺人,但仍然可以搞破壞。

喺遊戲當中,玩家可以揀太空衣嘅顏色、帽、服裝同埋寵物。太空衣顏色就視乎位玩家進入遊戲後,如果隻色一早已經俾人揀咗嘅話,就只可以隨機分配剩返嘅顏色。帽就唔受限制。遊戲有啲嘢係需要畀錢,例如寵物。

玩家亦可以自己創立房間。如果玩家揀在線,其他人都可以自由出入玩家間房,玩家亦可以設立私人房或者喺封面撳「Local」本地選項嚟建立遊戲,畀使用同一Wi-Fi嘅人嚟比賽(通常都係一家大細或者同朋友一齊玩)。

呢隻遊戲目前有四款已推出地圖同埋一張未推出地圖,分別係太空飛船(The Skeld)、大樓(Mira HQ)、星球基地(Polus)同埋飛艇(The airship)。除此之外,仲有將會喺2021年7月推出嘅潛水艇(Submarine)。

睇埋[編輯]

參考[編輯]