AFK（Away from keyboard）係網上遊戲用語，指一個玩家因為去廁所、煮嘢食、或者接電話等原因，而要離開或者離開咗控制器[1]。
掛機係打機用語，指玩家開住隻電子遊戲，但就冇喺度玩，等隻遊戲自己行。噉係因為有啲遊戲會有機制，令玩家角色或者戶口嘅等級隨上線時間而提升，所以有陣時啲玩家會索性用掛機嘅方式升呢，而好多時（尤其如果隻遊戲係按上線時間收費）遊戲發行商會為咗增加玩家上線嘅時間容許佢哋噉做。
