Ben Drowned

Ben Drowned（意思係「阿賓浸死咗」噉解）係源自 2010 年代初嘅一份 creepypasta 作品。

故仔嘅主角係一個啱啱入大學嘅後生男人，有日佢喺度搵啲舊嘅 N64 遊戲玩，玩玩吓《薩爾達傳說：穆修拉嘅面具》嗰陣，發現隻遊戲出現啲古怪同令人不安嘅 bug，而且隨住情節發展，佢仲發現隻遊戲餅咭匣同一個叫阿賓（Ben）嘅男仔有關。

呢份作品俾人認為係早期恐怖意式麪嘅代表之一，確立咗好多恐怖意式麪成日用嘅橋段（例如係有鬼嘅遊戲咭匣）；Ben Drowned 好受歡迎，原作者到咗 2020 年代都仲有喺度寫相關作品^[1]。