ERROR金豬賀歲暨花姐巡遊
《ERROR金豬賀歲暨花姐巡遊》（英文：ERROR CNY Show）係香港電視娛樂製作嘅賀歲綜藝節目，喺2019年2月5號（大年初一）禮拜二晚20:30－21:45喺ViuTV播映。節目主持人係由《Good Night Show 全民造星》4位參賽者組成嘅全新男子組合ERROR（梁業、何啟華、郭嘉駿、吳保錡）。呢個節目嘅主要競爭對手係無綫電視翡翠台直播緊嘅《香港新春花車巡遊》，所以個節目改咗個噉嘅名。
節目由主持同一班藝人嘉賓，包括黃慧君（花姐）、劉美君、唐寧、江若琳、蔡卓妍、李幸倪、劉浩龍、黃劍文、李健宏同Mirror，一齊唱歌同玩遊戲。演出者有李昭南、陳安立、胡希文、英健朗。