G4出動

G4出動，前稱新聞日日睇（英文：News Eyes），係廣州電視台新聞頻道主打嘅新聞時事評論節目，喺2004年2月2號開播。節目特點就喺主持人陳揚用廣州話同埋廣州人嘅生活態度、文化觀念嚟讀下當日嘅報紙時事新聞，關注廣州嘅話題同埋社會新聞，再加埋平民同埋主持人嘅觀點嚟評論。呢個節目由於主持人以言辭犀利、想講乜就講乜、作風強硬，有時重會深入社會問題同埋針對政府腐敗，而深受觀眾嘅歡迎。但係，喺陳揚被人撤走咗同埋節目改版之後，收視同埋評價已經冇咁高。有啲市民話呢個節目已經變成「街霸」節目，凈係識報導爆水管、打交、鬧人、整路、求助乞衣呢啲濕碎嘢，但佢冇報導到記者夠膽直接質問政府部門同埋官員啲衰嘢，甚至連陳揚時代嘅公開論壇都冇埋。

呢個節目係每日19:00喺廣州電視台新聞頻道首播。就喺啱啱節目開播無耐，凈係播20分鐘啫，到咗2004年10月11號改版之後，節目就延長到1個鐘。2013年1月10號改版嗰時改名做G4出動，2014年2月2號嘅10週年改版時，節目改成由兩個主持嚟播。

節目組成

• G4視點（已經取消咗）

呢個欄目喺2009年6月起咗，欄目形式同點完kin一kin好相似。喺2012年底改版嗰陣就將G4視點同埋G4出動嘅播放順序調轉咗；2013年7月1號改版嗰陣取消咗讀報同埋評論，而係改咗用短片播嘅睇下兩岸各地新聞嘅資訊。

• G4出動

呢個欄目喺2004年10月11號節目首次改版嗰陣起咗。由G4記者負責採訪報導廣州市內市民百姓嘅大大細細嘅民生問題、城中熱點話題，其中涉及政府管理問題比較多（後嚟減少咗）。喺2012年底改版嗰陣就將G4視點同埋G4出動嘅播放順序調轉咗；2013年7月1號改版嗰陣，欄目分成三部分，就係喺原嚟G4出動節目嘅基礎上加咗「G4-120」嘅兩分鐘評論同埋「G4重案組」兩個欄目直到同年12月先至取消。

• G4-120（已經取消咗）

呢個欄目喺2013年7月1號改版嗰陣起咗。係專門講啲特別案件，揀咗事件當事人嚟做嘉賓同埋主持人喺節目嘅2分鐘入面講下呢件事嘅來龍去脈。後嚟同年12月先至取消。

• G4重案組（已經取消咗）

呢個欄目喺2013年7月1號改版嗰陣起咗。係專門針對一系列嘅犯罪事件或疑似犯罪嘅不良事件嚟做專題報導。

• 活在廣州（已經取消咗）
• 7點點一點（已經取消咗）
• 點完kin一kin（掀一掀）（已經取消咗）
• DCG4報道（已經取消咗）
• DV特工（已經取消咗）
• 廣州影像（已經取消咗）
• 有乜講乜（已經取消咗）
• 人人都是G4（已經取消咗）
• 潮爆粵語（已經取消咗）
• G4 MEMO紙

呢個欄目喺2011年6月1號起咗。主要係為街坊提供一個廣闊嘅互動平臺。

• G4落力幫

主持人

• 陳揚（2004年2月2號——2009年1月3號）
• 司馬春秋（2009年6月到而家）
• 湯璐（2008年3月到而家）
• 陳國欣（2005年到而家，同時做埋周日版嘅主播）
• 彭穎斌（2007年7月）
• 林潔（2009年8月3號到而家）
• 張健（從廣州電台調至廣州電視台嚟做主持）

呢個節目以前係陳揚做主持人嘅，後嚟被電視臺老細炒咗。陳揚被老細炒咗之後，呢個節目係由湯璐、陳國欣同埋彭穎斌輪流主持；之後彭穎斌取消主持之後就繼續做G4記者。