LGBT 保守主義

出自維基百科,自由嘅百科全書

LGBT 保守主義粵拼LGBT bou2 sau2 zyu2 ji6英文LGBT conservatism)泛指 LGBT 社群當中存在嘅保守主義。自從 1970 年代(西方 LGBT 社群權利運動啱啱起步)起,西方世界經已有公開表態支持保守主義嘅 LGBT 人士,呢啲人士可以係持有社會或者經濟等方面偏保守嘅信念;喺廿一世紀前,西方社會嘅 LGBT 團體主流傾左,政治上傾右嘅 LGBT 人士好多時因為怕受呢啲團體排斥,而喺政治上唔表態[1],不過到咗 2010 年代初,西方社會唔少人開始對左派反感,而 LGBT 社群都多咗持有保守主義政見嘅人士[2],呢啲人士有喺 YouTube 等嘅平台上表達自己嘅政見,而且仲有一定人氣,例子有男同性戀者布拉當·斯塔拉卡(Brandon Straka)喺紐約發起行動呼籲 LGBT 人士遠離左派嘅美國民主黨(Democratic Party)[3]以及出名喺 YouTube 拍片討論 LGBT 相關議題嘅跨性別者布拉莉·維慈(Blaire White)[4]等等。

有一份喺英國做嘅調查發現,喺 2015 年,有 26% 嘅英國 LGBT 人士支持傾右嘅保守黨(Conservative Party),同對上一次大選比起上嚟多咗成 5%,而同時傾左嘅工黨(Labour Party)喺英國 LGBT 人士當中嘅支持率係 26%,同對上一次大選比起上嚟跌咗 2%。而所有政黨加埋嘅話,右派政黨總體喺 LGBT 社群嘅支持率高過左派,係嗰個調查開始咗 10 年以嚟頭一次 LGBT 社群傾向撐右派多過撐左派[5]

睇埋[編輯]

[編輯]