MIDI 控制器

基本嘅 MIDI 鍵盤，左面嘅一排掣都係電子琴嘅標準掣；腳掣係額外配件。

敲擊樂式 MIDI 控制器，每粒大掣（pad）代表一種敲擊樂器。

多功能 MIDI 鍵盤，多咗嘅掣包括敲擊掣同自訂功能掣，主要用嚟控制 DAW。

  提示：呢篇文講嘅唔係電子琴或合成器。

MIDI 控制器（英文：MIDI controller）係泛指行 MIDI 協議嘅音樂輸入裝置，好多時睇落會似係電子琴或者其他樂器，但係唔識自己出聲，即係幾乎所有控制嗰件嘢嘅方法都只會產生 MIDI 訊號，傳畀電腦或者輸出裝置處理。鍵琴式嘅 MIDI 控制器又叫 MIDI 鍵盤（MIDI keyboard）。

MIDI 控制器可以駁冇鍵盤嘅合成器（如果部合成器行 MIDI），亦可以駁 DAW；後者除咗可以即場表演之外，常見用途係作曲或者編曲嗰陣用。

書目

• Zimo (2016年12月10號)。〈【樂人專欄】學習電音製作應從何入手（一）：製作電音有必要買昂貴的器材/硬件嗎？〉。《樂人谷》 (香港中文)。喺2024年12月6號搵到。
• 盧敏銳 (2010)。〈建立一個「個人電腦音樂創作室」〉 (香港中文)。喺2024年12月6號搵到。