DAW

典型嘅 DAW 畫面，畫面上面嘅掣，好多係照抄佢模擬嘅電子器材

DAW（粵拼：do1，英文全名：digital audio workstation），又叫數碼音樂工作站 或者數碼音響工作站，係一種音樂界用嘅應用程式，主要用喺音樂製作，包括作曲、編曲、錄音同混音，但係亦有配合 MIDI 控制器用嚟演奏。

正式嘅 DAW 都可以處理 MIDI 資訊，但係用 MIDI 好多時會唔出實體電子樂器，而係透過外掛程式或者軟體合成器出虛擬樂器。

最大路嘅 DAW 包括 Ableton、Cubase、Logic 同 Reaper，全部都係牟利軟件；自由軟件有 Ardour、LMMS、Helio、Radium、Zrythm 等等。另外有其他比較少人用但係都算大路嘅 DAW，例如 Bitwig Studio 等等。

有啲 DAW 可以直接處理視訊，對幫電視電影作背景音樂非常有用。

錄音同混音

用 DAW 做錄音同混音嘅原理係用演算法代替混音器、效果器（effect pedals）、EQ 等等嘅電子器材，如果有唔識扮嘅電子器材，好多時可以有外掛組件可以用。

混音嘅流程主要係每種樂器或者人聲嘅部會係一個獨立嘅聲道，喺 DAW 入面用演算法混音，好處係如果某個聲道發現有問題，只要有問題嘅嗰部錄過就得，甚至可能可以喺 DAW 入面執就得，唔使搵齊成隊樂隊再夾時間成首歌錄過。

咪或者實體樂器駁 DAW 仍然要用輸入裝置，通常係錄音介面。

書目

• 課程發展處藝術教育組 (2023年9月)。〈音樂科學與教常用英漢辭彙〉 (PDF) (英文、香港中文)。教育局。喺2024年7月22號搵到。