混音器
混音器或者調音台（英文：mixer、mixing console 或者 mixing surface）係用來做專業混音嘅電子架生，用來即時將唔同嘅聲嘅輸入作出調校之後結合成至少一個輸出，傳統上係一種模擬裝置，但係亦都有數碼混音器，有啲甚至係數碼介面。
喺專業錄音，混音器好大程度已經被錄音介面同一種叫 DAW 嘅軟件取代，但係做即時混音，例如 DJ 打碟或者做現場直播，都仍然會用混音器。
而今市面買到嘅混音器好多都有 USB 輸入同輸出，但係 USB 輸出通常係已經混咗音嘅聲；有啲貴價啲嘅型號有多聲道功能，即係透過 USB 可以每條輸入嘅聲道都可以分開出，即係同時係混音器同錄音介面。
混音器講嘅輸入數量係指單聲道嘅輸入，而且當中可能有啲係打孖，即係預咗會來出立體聲。例如，一個五個輸入嘅小型混音器如果有兩對打孖，咁駁咗一支咪（或者一個琴），再駁一架手機、一部 CD 機，就已經冇嗮位。
 |