錄音介面

小型嘅專業錄音卡

多聲道嘅專業錄音卡

錄音介面（英文：audio interface），又叫聲音介面、音頻介面、錄音卡 或者錄音聲卡，廣義上泛指用來將音響器材同電腦駁埋嘅架生。但係喺專業錄音或者音樂製作，通常係指用來駁咪、樂器或者 MIDI 嘢嘅一種架生仔，外形通常會有啲似混音器，但係唔會有 EQ 或者只會有好基本嘅 EQ，因為件嘢預咗混音會喺 DAW 做，而且佢所有駁咗咪或者樂器嘅輸入都會獨立聲道輸出畀電腦，專業用嘅錄音卡亦都通常會內置前級放大器（preamp），通常會內置 48 伏特嘅所謂 ｢幻象電源｣ 輸出，用來畀專業電容咪（condenser mic）攞電用。

而今嘅錄音卡其實多數都係駁 USB 嘅一嚿外置嘢，並唔係卡形，佢叫卡係因為以前曾經係一種插入電腦嘅卡。而佢叫介面係因為佢係 ｢音響｣ 同 ｢電腦｣ 之間互相掂住嘅部分。

書目

• Yu, Robin (2019年7月12號)。《怎樣選購你合適的Audio Interface 錄音介面》。時間 1分25秒。喺2023年3月24號搵到。
• 盧敏銳 (2010)。〈建立一個「個人電腦音樂創作室」〉 (香港中文)。喺2024年12月6號搵到。