你媽死了

  「NMSL」跳轉到呢度。想搵其他用法，請睇「NMSL (搞清楚)」。

你媽死了（漢語拼音縮寫：NMSL；粵文意思：丟你樓摩），係一句中國大陸網民經常喺同其他網民衝突嘅時候，用嚟侮辱對方，特別係討論同中國相關嘅衝突爭議，未能提出合理論據但又要辯論上維護中國，或者繼續自己對其他人嘅無理霸凌。不過，有時中國大陸網民之間打機，有時輸咗，亦會出現呢句話。

衍生字詞

喺泰國，有啲人創造咗「Nmslese」，用嚟揶揄理虧唔夠人講嘅中國大陸網民。中國大陸男星蔡徐坤有支持者曾經被誤導呢個詞語有正面意思，唔小心送咗呢個詞畀佢，後來為咗化解尷尬，就像呢個字美化成「Never mind the scandal and libel.」。

衍生同相關文化作品

• 2021年10月，馬來西亞歌手黃明志同陳芳語推出新歌《玻璃心》，當中MV入面就有唔少「NMSL」嘅字眼，仲有熊貓、打爛玻璃，韭菜等場景，揶揄中國大陸政府同網民嘅不理性行為，而歌詞亦句句到肉，結果雙雙被中國大陸封殺。
• 香港高登音樂台曾經以NMSL為主題，推出一系列改編歌曲：
  • 其中NMSL ma chai改編自草蜢嘅《失戀陣線聯盟》，歌詞揶揄中國大陸網民被政府限制上網，要翻牆先可以睇到出面嘅網絡世界，但喺出面就喺度做五毛，維護中共政府嘅行為，甚至對其他網民人身攻擊。
  • 《VPN》一曲改編自孫燕姿嘅《天黑黑》，歌詞除咗提及中國大陸要翻牆上網之外，仲揶揄中國大陸網民對外面一無所知，自以為全世界都要聽佢講，唔夠人講就只能夠講一句NMSL，然後喺牆入面仲要以為自己好幸福。
  • 《NMSL Song》改編自《We will rock you》，揶揄中國大陸網民搞事，結果被泰國人玩返轉頭，並且得到Facebook專頁「只是堵藍」嘅分享。

中國大陸反應

由於呢句話太惹火，中國大陸影音網站bilibili喺2021年9月宣布，全面禁用呢啲人身攻擊縮寫用詞。