Portal:中華民國/人物專欄

出自維基百科,自由嘅百科全書

陸中桂1868年9月30號—1895年11月7號),字献香,號皓東,係大清晚期嘅一個革命家,廣東香山(而家嘅中山)人,上海度出世,係同孫中山一起大嘅死黨,追隨埋孫一齊搞革命運動。1895年,陸皓東參與籌組咗香港興中會,喺同年10月跟著策劃咗廣州起義但係失敗咗,仲被收埋監,跟著嘅11月7號就俾大清政府處死咗,成為咗第一位受難嘅革命黨人。陸喺策劃廣州起義嘅時候親手繪製咗「青天白日旗」,成為咗日後中國國民黨嘅黨旗;而同盟會士以青天白日旗做底,再設計咗「青天白日滿地紅」嘅旗,後來被國民政府揀中成為中華民國國旗,就一路用到依家。