魁北克法文
魁北克法文（粵拼：fui1 bak1 hak1/haak1 faat3 man4*2，法文：français québécois，英文：Quebec French）係加拿大法文嘅一種，講嘅人主要喺魁北克省。
語音
[編輯]子音
[編輯]/t/同/d/喺/i/，/y/，/j/，/ɥ/前面就讀成[t͡s]同[d͡z]（除咗喺嘉比茜-馬德蘭島同北岸嘅口音）：
- petit /pəti/ → [pœ̈t͡si]
- tu /ty/ → [t͡sy]
- moitié /mwatje/ → [mwat͡sje]
- habituer /abitɥe/ → [abit͡sɥe]
- mardi /mɑʁdi/ → [mɑʁd͡zi]
- du /dy/ → [d͡zy]
- dieu /djø/ → [d͡zjø]
- aujourd’hui /oʒuʁdɥi/ → [oʒuʁd͡zɥi]
母音
[編輯]魁北克法文照舊有保留/ɑ/，/ɛː/，/ə/，/œ̃/，但係現代法式法文就冇保留，將/a/，/ɛ/，/ø/，/ɛ̃/嚟代替幾個母音。
/i/，/y/，/u/讀成[ɪ]，[ʏ]，[ʊ] 喺閉音節，除咗喺/ʒ/，/z/，/v/，/ʁ/前面：
- six /sis/ → [sɪs]
- lune /lyn/ → [lʏn]
- poule /pul/ → [pʊl]
喺最屘嗰個開音節度，/a/變成[ɑ]，但係喺口語變成[ɔ]：
- chocolat /ʃɔkɔla/ → [ʃɔkɔlɑ] ~ [ʃɔkɔlɔ]
- ça /sa/ → [sɑ] ~ [sɔ]
- là /la/ → [lɑ] ~ [lɔ]
- avocat /avɔka/ → [avɔkɑ] ~ [avɔkɔ]
/ɑ/音可以讀成[ɒː] ~ [ɔː]喺啲非強調音節，但係屬於非標準發音。
- gâteau /ɡɑto/ → [ɡɒːto] ~ [ɡɔːto]
當個/ɔː/音喺/ʁ/音前面可以讀成[ɒː]，屬於標準。
標準發音，/wa/音（寫<oi>）讀[wa，waː，wɑ，wɑː]。非標準發音，讀[we，wɛ，waɛ̯，waɪ̯，wei̯，wɔ，wɒː，wɑɔ，wɑʊ̯]，家下呢啲音越嚟越少人讀：
- moi /mwa/ → [mwe] 、 quoi [kwa] → [kwe] ~ [kwɛ]
- trois /tʁwɑ/ → [tʁwɔ]
- voir /vwaʁ/ → [vwɑːʁ] ~ [vwɒːʁ] ~ [vwɑɔ̯ʁ] ~ [vwɛːʁ] ~ [vwaɛ̯ʁ] ~ [vwei̯ʁ]
- boîte /bwɑt/ → [bwɑːt] ~ [bwɑʊ̯t] ~ [bwei̯t] ~ [bwaɪ̯t]
雙母音
[編輯]喺最後嗰個閉音節度，啲長母音通常變成雙母音：
- tard [tɑːʁ] → [tɑɔ̯ʁ] ／ pâte [pɑːt] → [pɑʊ̯t]
- faire [fɛːʁ] → [faɛ̯ʁ]或者[fæɛ̯ʁ] ／ fête [fɛːt] → [fɛɪ̯t]、[fæɪ̯t]或者[faɪ̯t]
- fort [fɔːʁ] → [fɑɔ̯ʁ]
- peur [pœːʁ] → [paœ̯ʁ]或者[pɶœ̯ʁ]
- autre [oːtʁ] → [ou̯tʁ]
- cuir [kɥiːʁ] → [kɥɪi̯ʁ]
- jour [ʒuːʁ] → [ʒʊu̯ʁ]
- mur [myːʁ] → [mʏy̯ʁ]
- neutre [nøːtʁ] → [nøy̯tʁ]
- banque [bãːk] → [bãũ̯k]
- mince [mẽːs] → [mẽĩ̯s] ／ cinq [sẽːk] → [sẽĩ̯k] → [sãẽ̯k]
- monde [mõːd] → [mõũ̯d]
- jungle [ʒœ̃ːɡl] → [ʒœ̃ỹ̯ɡl]
[ɛɪ̯，ou̯，øy̯，ɪi̯，ʊu̯，ʏy̯，ẽĩ̯，õũ̯，œ̃ỹ̯]屬於標準，但係[aɛ̯，aɪ̯，æɪ̯，ɑɔ̯，ɑ̯ʊ̯，aœ̯，ɶœ̯，ãẽ̯，ãũ̯]就屬於非標準，[aɪ̯]，[ɑʊ̯]，[ãẽ̯]同[ãũ̯]係最誇張，所以有啲人唔讀，讀[ɛɪ̯，ɑː，ẽĩ̯，ãː]。有啲字唔係喺最後嗰個閉音節度都會變成雙母音，好似clairement[klaɛ̯ʁmã]噉。[aː]音唔會變成雙母音。[ɔː]音同[œː]音淨係喺/ʁ/音前面先至會變成雙母音。當個[ɛː]音喺/v/音前面，[ɛː]音唔會變成雙母音，好似élève[elɛːv]噉，但係除咗rêve[ʁɛɪ̯v]，fève[fɛɪ̯v]，orfèvre[ɔʁfɛɪ̯vʁ]同埋Lefebvre[lœfɛɪ̯vʁ]係有變成雙母音。仲有/ɛː/音通常變成[ɛɪ̯]喺啲弱讀音節度，好似fêter[fɛɪ̯te]或者vêtement[vɛɪ̯tmã]噉。/ɛ̃，ɔ̃，œ̃/喺啲開音節度通常都變成雙母音，好似lapin[lapẽĩ̯]噉。喺/ʁ/音前面，[ɑː]音同[ɔː]音都係變成[ɑɔ̯]，有啲人唔分別quart同corps嘅讀音，即係呢兩個字都係讀[kɑɔ̯ʁ]，有啲人讀quart同corps唔同音，將quart讀[kɑːʁ]，corps讀[kɑɔ̯ʁ, kɒːʁ]。
鼻腔母音
[編輯]魁北克法文同法式法文啲鼻腔母音唔同讀。例如法式法文嘅/ɑ̃/，魁北克法文讀成[ã]，/ɛ̃/就讀成[ẽ][1]，/œ̃/通常會捲脷讀成[œ̃˞][2]。
字
[編輯]魁北克法文有好多法式法文嘅英文借字已經被法文化。
| 法式法文 | 魁北克法文 | 粵語 |
|---|---|---|
| week-end | fin de semaine | 週末 |
| puzzle | casse-tête | 砌圖 |
| parking | stationnement | 停車場 |
| bowling | quilles | 保齡球 |
粗口
[編輯]魁北克法文啲粗口好多係來自天主敎嘅。
- tabarnak（來自tabernacle）
- câlisse（來自calice）
- hostie
- ciboire
- sacrament（來自sacrement）
- calvaire
- criss（來自christ）
註
[編輯]- ↑ Oral articulation of nasal vowel in French 互聯網檔案館嘅歸檔，歸檔日期2014年7月15號，. （英文）
- ↑ Mielke, Jeff (2011). "An articulatory study of rhotic vowels in Canadian French 互聯網檔案館嘅歸檔，歸檔日期2015年1月1號，." （英文）