Talk:伊斯蘭教

伊斯蘭教Vs回教

其實呢篇文係應該叫返做伊斯蘭教, 因為伊斯蘭先係代表呢個教思想, 而回教只係代表回族嘅宗教, 而喺中國國內以及全世界計, 唔係只得回族相信伊斯蘭教, 所以只有伊斯蘭教派, 唔會有回教教派 - Hardys 2007年7月14號 (六) 00:43 (UTC)[回覆]

語言本來係有跟據一時一地習慣性質，好似英文仍然講Westerner西人(地球係圓)，Middle East中東。除非語文習慣有明顯改變，一般都唔會亂改。回敎雖然係因回回而來，但大家係認為回敎係Islam對譯。有回敎敎派亦係好正常。除非有大家認知回敎同伊斯蘭敎係兩樣嘢，但響文中亦都寫得好清楚係一樣。HenryLi 2007年7月14號 (六) 01:11 (UTC)[回覆]

[1][2]都係咁講，不過回教呢個詞都用咗成千年，意義上（對一般人）兩個詞係一樣。至於 Muslim 會點叫自己個教呢，先至重要？! --WikiCantona 2007年7月14號 (六) 01:20 (UTC)[回覆]

維基百科原則係以最無得拗為終極選擇，雖然我都認為叫回教無傷大雅，但嚴格計始終係一個誤稱，都係轉返做伊斯蘭比較穩陣 - Hardys 2007年7月15號 (日) 08:37 (UTC)[回覆]

「回敎」唔係誤稱，而係好尊敬佢嘅名

我四圍睇睇到呢版，見到啲討論，我覺得要澄清啲嘢。（篇文重點：解釋詞源；釐清「回」嘅宗敎意味而反駁「回敎」係「回族嘅宗敎」嘅曲解）

「回敎」確實係自「回回」來，噉「回回」又喺乜嘢？

答：zh:回鶻，「回回」係佢嘅轉音。佢舊時係西域民族，後來喺唐人印象入面，將西來人都稱做「回回」，包括亞蘭基督徒（綠睛回回）、猶太人（藍帽回回）等，見zh:回族身份認同。

而到咗後來，當唐人接續西來事物多咗，知道咗回、耶、猶係唔同嘅，「回」就開始單指爲Islam。正如清末回民學者黃鎮磐所言，「回以名敎，非以名族也」（「回」係敎名，唔係族名），民國時所謂「漢滿蒙回藏、五族共和」，「回」唔係指回族，可以講，當時都未有「回族」噉樣嘅概念，而只有「回民/回教徒」。同樣，清代時將新疆嗌做「回疆」、「回部」，都係話嗰啲地方係回敎地區，而唔係話嗰度啲人都係回族。

而「回」字本身就係有宗敎意味，源出清真言──因爲回敎話唯一嘅主係Allah（真主/上帝/耶和華，回耶猶所承認嘅唯一真神），而模罕默德係封印使者（回敎話前邊嘅亞伯拉罕、摩西、耶穌都係先知，而模罕默德係最後嘅先知，古蘭經係真經）。所以回敎認爲自己係唯一正信（當然，任何宗敎都話自己先喺正信），所以信佢嘅人，都係「復道歸眞」，所以叫做「回敎」。（可參攷中文版同文言版嘅文章《回族》）。

所以上面將「回敎」解成「回族嘅宗敎」係曲解，呢個詞嘅正解係「正信（因爲係唯一正信，所以信佢就係回歸）」。所以呢個名唔係誤稱，反而係對佢嘅尊稱。再者，無「回敎教派」，有嘅係「什葉」、「遜尼」、「蘇菲」等等。

個人意見：

我建議搬返去「回敎」度。雖然「伊斯蘭」都係個好通用嘅名，但佢係用普通話音譯出來嘅名，而「回敎」又係有悠久傳統嘅尊名，我建議用返「回敎」好啲。--S7w4j9 (傾偈) 2014年8月2號 (六) 14:28 (UTC)[回覆]

Kanasai！上帝/耶和華唔係安拉

安拉係真主

冇有回敎話

伊斯蘭敎係好尊敬嘅名！— 之前未簽名嘅留言係由125.231.213.235 (留言)响2015年1月7號 (三) 12:36 (UTC)寫低嘅。[回覆]