Talk:兆
一萬萬萬？
[編輯]中文唔係 : 個 > 十 > 百 > 千 > 萬 > 十萬 > 百萬 > 千萬 > 億 > 十億 > 百億 > 千億 > 萬億 > 十萬億 > 百萬億 > 千萬億 > 兆 > 十兆 > 百兆 > 千兆 > 萬兆 > 十萬兆 > 百萬兆 > 千萬兆 > 億兆 > 十億兆 > 百億兆 > 千億兆 > 萬億兆 > 十萬億兆 > 百萬億兆 > 千萬億兆，“一萬萬萬”係度嚟架？連字典都無 -Hardys 2007年2月7日 (三) 01:53 (UTC)
呢個係傳統數數字方法。如果有留意過以前抗戰宣傳，就有話四萬萬同胞，唔話四億同胞。萬之後唔用，億，兆，京，皆因可以有多個一種解釋方法，有大數，中數同小數三個系統；小數係後字係前字十倍；中數就係後字係前字萬倍；而大數就係後字係前字平方，即係你上面嗰種。用大數數億兆京之類嘅天文數字，都係國共內戰之後嘅事；近年大陸興譯billion做一億，又係另一種數法。用萬萬一定唔會有呢個混淆，例如，馬關條約裏面寫住，大清就向日本賠平銀二萬萬両，就係兩萬個一萬，即係2 0000 0000。如果你睇到清末文章，佢哋係用小數。所以見到四百八兆人，即係家下報章講嘅四億八百萬人，你話幾易搞亂呢。如果寫四萬八百萬人，4 0800 0000，就一定唔會亂。HenryLi 2007年2月7日 (三) 02:41 (UTC)
補充一下，香港電台會報頻道。AM 864千赫，FM 102.4兆赫。呢個兆就係M，即係106，即係一百萬，呢度億係萬嘅十倍，兆係億嘅十倍，用咗小數方法記。HenryLi 2007年2月7日 (三) 03:20 (UTC)
「億，兆，京，皆因可以有多個一種解釋方法」- 睇倒呢個網頁："兆" 有多大
- 一是上法，為自乘系統: 萬萬為億，億億為兆，兆兆為京。這種系統，希臘的阿基米德也採用過；10^4=萬, 10^8=億,10^16=兆,10^32=京
- 二是中法，為萬進系統，皆以萬遞進：萬、億、兆、京、垓、秭、穰、溝(土旁) 、澗、正、載……(萬萬為億、萬億為兆、萬兆為京……) ；10^4=萬, 10^8=億,10^12=兆,10^16=京
- 三是下法，為十進系統，皆以十遞進： 萬、億、兆、京、垓、秭……到了近代，直至解放前我國還流行十進的系統，即個、十、百、千、萬、億、兆、京、垓、秭、穰、溝(土旁)、澗、正、載、報，皆以十進，10萬為億，10億為兆，10兆為京......；10^4=萬, 10^5=億,10^6=兆,10^7=京
--WikiCantona 2007年2月7日 (三) 13:33 (UTC)