Talk:公民黨

點解咁古怪,又移走左公民黨,寫個咁嘅表做咩姐? 其他公民黨都唔出名,列出來有咩意思--Ill㏚ (傾偈) 2019年11月30號 (六) 18:58 (UTC)[回覆]

根據Wikipedia:避免地域中心，出名嘅程度唔係只係根據喺某一個地區，而係全球性。Pokman817 (傾偈) 2019年12月1號 (日) 11:10 (UTC)[回覆]
我覺得呢個case有得討論。Wikipedia:避免地域中心都寫到粵維對象係所有「粵語使用者」。「公民黨」呢個詞對各地「粵語使用者」嚟講，係咪多數都係講香港嘅公民黨呢？如果係，畀香港公民黨坐正都好合理。記住呢度係粵維而唔係中維，中維把尺需要顧及所有中文語境，粵維把尺只係顧及粵文語境就得。--Kowlooner (傾偈) 2019年12月1號 (日) 11:21 (UTC)[回覆]
- 既然Pokman817開晒各地嘅「公民黨」嘅文，我唔反對維持現狀（「公民黨」做搞清楚版）。--Kowlooner (傾偈) 2020年4月26號 (日) 14:16 (UTC)[回覆]
- 之前Wikipedia:避免地域中心寫得唔係咁清楚，我已經重新執過內容，粵維唔係專為香港人而設，寫嘅文應該要以普世性同中立觀點寫成，呢個唔係部分維基文嘅規矩，而係所有維基媒體嘅規矩。Pokman817 (傾偈) 2020年4月26號 (日) 14:40 (UTC)[回覆]
  - 我對「中立觀點」無異議，但始終覺得「普世性」唔係絕對，一定要兼顧讀者（對粵維嚟講係指全球粵語使用者）嘅用詞習慣。如果盲目跟從「普世性」，「維多利亞公園」（zh:維多利亞公園）、「瑪嘉烈醫院」（zh:瑪嘉烈醫院）等等通通都要讓返個位出嚟做搞清楚版，因為呢個世界上有其他「Victoria Park」同「Princess Margaret Hospital」，但個關鍵就係絕大部份粵語使用者甚至中文使用者根本都唔識呢啲Victoria Park同Princess Margaret Hospital。--Kowlooner (傾偈) 2020年4月26號 (日) 14:57 (UTC)[回覆]
- 覺得就呢個專案，作為一個本地化嘅案例去講嘅話，個人理解處理嘅時候，係以粵維嘅認識、利益優先，同時有條件嘅情況下，都要跟返「普世」嘅方向，同粵語使用者、粵維使用者展示返一啲其他知識資訊。當然本地嘅對應框架尺度，其實可以跟返唔同嘅個案，可以更靈活咁睇同把控。——Longway22 (傾偈) 2020年4月27號 (一) 00:24 (UTC)[回覆]
- 呢度可能仲要考慮返，粵維用家因唔同嘅經驗背景，關注專案呢啲都會有多樣選擇。應該需要係咁去考慮。——Longway22 (傾偈) 2020年4月27號 (一) 00:27 (UTC)[回覆]