Talk:壩

（起碼）喺廣東粵語裡面「堤」同「壩」唔係同一回事，「堤」係用來防洪嘅，「壩」係用來儲水發電嘅。「胡佛大壩」同「長江三峽大壩」唔可以叫做「胡佛大堤」同「長江三峽大堤」就係恁解。所以將「堤」跳轉去「壩」好有問題。【粵語文學大使殘陽孤侠】粵維辭典起錨！ 2014年2月18號 (二) 20:42 (UTC)

基本功能差唔遠，都係閘水。咁講，細分佢地係唔同，「壩」大「堤」細、「壩」高就「堤」矮、有時「壩」短就「堤」長。--WikiCantona (傾偈) 2014年2月19號 (三) 02:30 (UTC)

常用詞「堤壩」都將「堤」同「壩」相提並論。但如果覺得「堤」跳轉去「壩」唔夠貼切，不如跳轉去「堤岸」（英文叫Embankment或者Levee）。--Kowlooner (傾偈) 2014年2月19號 (三) 14:49 (UTC)

相提並論唔等於係同一樣嘢。另外，其實應該將堤岸跳轉去堤，廣東咪有座從清遠去到佛山（南海）嘅北江大堤嘅？所以唔係大細、長短嘅問題，而係堤同壩係兩種唔同嘅嘢。【粵語文學大使殘陽孤侠】粵維辭典起錨！ 2014年2月19號 (三) 18:35 (UTC)

認同。建議將堤岸內容搬到堤，堤岸改做搞清楚頁，分流「堤」同「堤岸 (越南)」。Espotono (傾偈) 2014年2月20號 (四) 04:43 (UTC)

合理，就咁做。--WikiCantona (傾偈) 2014年2月22號 (六) 17:49 (UTC)

加多句，有「河堤（防洪堤）」同「海堤」之分。想問下 embankment dam 叫乜？--WikiCantona (傾偈) 2014年2月22號 (六) 18:01 (UTC)

查過幾個專業協會嘅網站都攗唔到譯名，淨係攗到embarkment dam係主要用粘土或者其他自然材料（而唔係鋼筋混凝土等人造材料）起嘅壩，主要用來蓄水。【粵語文學大使殘陽孤侠】粵維辭典起錨！ 2014年2月23號 (日) 05:54 (UTC)

@WikiCantona：今日我睇《客從何處來》講馬未都嗰集，睇到佢太公（阿媽個阿爺）崔鳳藻當年喺山東修過「竈壩」（粵拼：zou³ baa³），前後用徂45萬立方米嘅土。由此推斷，「竈壩」同「embarkment dam」就算唔係同一樣嘢都算係十分相似。【粵語文學大使殘陽孤侠】 2018年1月24號 (三) 04:53 (UTC)

多謝資料！--WikiCantona (傾偈) 2018年1月24號 (三) 09:41 (UTC)