Talk:打域囂拔

請HenryLi唔好再盲目按照英文發音規則翻譯非英文名稱。「唔係個個人都識得咁多種話」絕對唔係推行病毒音嘅藉口。唔使德文可以向翹仔求教。【粵語文學大使殘陽孤侠】 2014年1月1號 (三) 05:15 (UTC)

User:Cedric_tsan_cantonais 唔好盲目指責人，我係網上調查過德文音而寫。你無調查過就話人病毒音，係極之不負責任。HenryLi (傾偈) 2014年1月1號 (三) 05:25 (UTC)

以事論事。按閣下病毒音講法，「大衛曉拔」個大衞，以原音對照[ˈdaːvɪt ˈhɪlbɐt]，咪又係病毒音。難道唔合你意就叫病毒音？你自己改嘅就唔係病毒音？囂同曉係個調唔同，係同聲同韻，難道又係病毒音？難道本維基百科繙譯文章，個個字都要你批個先可繙譯？HenryLi (傾偈) 2014年1月1號 (三) 05:48 (UTC)

好，算我一時疏忽。但係「打域囂拔」都重有問題：David Hilbert份人係唔係真係學你講咁「『囂』揚『跋』扈」先？將David Hilbert譯成「打域囂拔」，就同將Andy Caisse譯成「安迪雞屎」一樣，Hilbert本人隨時可以告你損害名譽。就算唔係個個名都要我批准過，都唔應該同人家譯到咁鬼難聽卦？【粵語文學大使殘陽孤侠】 2014年1月3號 (五) 22:21 (UTC)

原來你心目中，囂字得「囂揚跋扈」。咁南越國王，開國君主叫任囂，係特登話自己「囂揚跋扈」？史記中，又記載黃帝娶老婆嫘祖，敎民養蠶織布，生兩個仔，其一個名囂。難道黃帝同嫘祖同個仔改名「囂揚跋扈」？《竹書紀年》話商王中丁，水災打仗從由亳遷都去囂。難道有人改都名叫「囂揚跋扈」？《孟子》有云，「人知之亦囂囂，人不知亦囂囂。」《註》：「囂囂，自得無欲之貌」。自得無欲之貌，唔通又係「囂揚跋扈」？連帝王都改得嘅名，咁又點損害名譽呀？你真係無嘢搵嘢來講，搵嘢來挑剔。HenryLi (傾偈) 2014年1月4號 (六) 01:28 (UTC)

本來用乜字可斟酌，不過你個個譯名都搵嘢來挑，去宣揚你所謂病毒音論。而你改名，亦唔見得唔係病毒音。有啲你根本無調查清楚，而胡亂指責人。人哋一繙譯，你就話病讀音，咁樣好難要人翻譯㗎喎。HenryLi (傾偈) 2014年1月4號 (六) 01:33 (UTC)

「用乜字可斟酌」？「用乜字可斟酌」？！咁你將「豆」改成「荳」，將「果」改成「菓」之前又有無斟酌過啊？本來伊類修改係完全可以當做無建設性嘅編輯㗎！成日做伊種修改係會被人封㗎！有口話人無口話自己。唔好以為你係管理員就大澌噃！【粵語文學大使殘陽孤侠】 2014年1月4號 (六) 02:37 (UTC)

殘陽君經已唔係討論搬到大衞曉拔事宜。閣下若執意東拉西扯，而唔按題討論內容，沒完沒了，咁討論有乜意思。唔明閣下唔多點寫文，又時時走來同人爭論個題目，搬乜名係爲乜？東拉西扯咁討論，真係唔知有何建設可言。HenryLi (傾偈) 2014年1月7號 (二) 16:22 (UTC)

譯名荒謬

呢d入晒教科書，佢老人家個名無處不在嘅人物，仲喺度自己老作譯名做乜嘢。中港台都寫大衛希爾伯特。--Roy17 (傾偈) 2018年7月3號 (二) 12:43 (UTC)

HenryLi爾份人最鍾意用一百幾十年前嘅規則來規範宜家啲人。【粵語文學大使殘陽孤侠】 2018年7月3號 (二) 17:43 (UTC)

Cedric兄講HenryLi講得冇錯。以前嘅TALK:卡斯特羅同後嚟嘅TALK:尼爾岩士唐試過用啲舊教材嚟講道理……--PQ77wd (傾偈) 2018年7月4號 (三) 02:46 (UTC)