Talk:朝鮮民主主義人民共和國

睇係其他 wiki 都用簡單名，唔該畀個理由要用全名呢？--WikiCantona (傾偈) 2014年2月25號 (二) 10:46 (UTC)[回覆]

南韓都係用全名，而且用「北韓」定係「朝鮮」屬於地區差異，有爭議。--William915（傾偈） 2014年2月25號 (二) 10:50 (UTC)[回覆]

中文圈、日韓越都係用全名，呢個我認為涉及到漢字圈嘅特殊。圈外語言，無論南北都係嗌Corea/Korea，所以佢哋落個南北之分就好清楚，亦無政治偏向問題；然而來到漢字圈就另一番境界：就國號而言，北面嘅嗌朝鮮，南面嘅嗌韓國，兩者都宣稱係朝鮮半島唯一合法政府；如果嗌做「南北韓」，噉個立場就偏咗去韓國；如果嗌做「南北朝鮮」，個立場就偏向朝鮮；呢個問題好好理解，參考中華人民共和國、中華民國之爭即可，具體見中維「Wikipedia：避免地域中心」。S7w4j9 (傾偈) 2014年2月25號 (二) 11:01 (UTC)[回覆]

只想問一句：中維嘅「Wikipedia：避免地域中心」係唔係喺粵語維基適用先，有冇共識先，有冇傾過先。唔好下下都「中文圈」先--WikiCantona (傾偈) 2014年2月25號 (二) 14:43 (UTC)[回覆]

即使去咗「避免地域中心」呢味嘢，依然有足夠理由用全名，亦即係中立政策。我之所以提到中維，係因為佢喺「中華人民共和國」同「中華民國」呢個議題上講得好清楚，另外入面嘅討論有參考價值。實質上，臺灣問題同朝鮮半島問題一樣，都係有兩個實存政治體，宣佈自己係法統政府。雖然我哋望朝鮮半島，覺得佢哋係分成兩個國家（實話，其他外國人望中國一樣㗎咋），但事實，佢哋兩個之一都無宣佈放棄對方嘅領土，譬如韓國有「北方六道」嘅法定版圖。

既然中國問題，我哋尚且中立噉分別稱為「中華人民共和國」同「中華民國」，噉點解喺同樣嘅朝鮮半島問題上唔叫「朝鮮民主主義人民共和國」同「大韓民國」呢？可能有啲人好反共（實話，我都好憎共產黨啲統治，都想中國早日自由民主），但係維基嘅根本政策係中立（吾人支柱），況且當事嘅韓文維基喺北韓（好啦，我自己都傾韓國）缺席嘅情況下都會嗌對方全名，噉點解我哋唔跟住做呢？--S7w4j9 (傾偈) 2014年2月25號 (二) 15:38 (UTC)[回覆]

多謝你嘅睇法。呢個問題嘅出發點，政治唔係第一樣我諗到。而係，喺講廣東(州)話嘅地方，會用邊個。港澳英美加都比較係「北韓」，不過，廣東嘅情況就唔知。--WikiCantona (傾偈) 2014年2月26號 (三) 01:19 (UTC)[回覆]

好似我呢啲睇香港電視多嘅人都基本跟住講北韓嘅，不過亦有人跟北方用「朝鮮」「北朝鮮」之類嘅名。--S7w4j9 (傾偈) 2014年2月26號 (三) 04:27 (UTC)[回覆]

廣東講「朝鮮」嘅人絕對唔在少數。如果你同意將爾篇文搬去「朝鮮」，同時將大韓民國搬去「韓國」，我無意見。--William915（傾偈） 2014年2月26號 (三) 07:35 (UTC)[回覆]

係就係恁話，不過「朝鮮」可以指北韓、可以指成個朝鮮半島（正如「愛爾蘭」可以指成個愛爾蘭島）、重可以指朝鮮戰爭之前重統一嘅朝鮮國、重可以指日本仔侵佔朝鮮之前嘅朝鮮王國（大韓帝國）。所以保持現狀都係唔錯嘅選擇。至於「朝鮮」我就認為最好開搞清楚頁。【粵語文學大使殘陽孤侠】粵維辭典起錨！ 2014年2月26號 (三) 07:45 (UTC)[回覆]

另外，如果純屬地域差異而唔涉及知識錯誤嘅話，我嘅做法係可以唔改就儘量唔改，以免引發編輯戰。【粵語文學大使殘陽孤侠】粵維辭典起錨！ 2014年2月26號 (三) 07:48 (UTC)[回覆]

多謝大嘅睇法同見解，唔改名。睇下重有冇人有意見，冇就除 move 個牌。--WikiCantona (傾偈) 2014年2月27號 (四) 00:10 (UTC)[回覆]

對外連結有變 (2021年12月)

各位編輯仝人：

我啱啱救返朝鮮民主主義人民共和國上面嘅 4 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

由 https://tw.news.yahoo.com/%E5%8C%97%E9%9F%93%E4%BB%8A%E5%B9%B4%E4%BA%BA%E5%8F%A32490%E8%90%AC-%E5%85%A8%E7%90%83%E6%8E%92%E5%90%8D49-085523661.html 攞走咗失效連結標籤
由 http://www.trade.gov/mas/ian/ecw/KN.html 攞走咗失效連結標籤
加咗存檔 https://web.archive.org/web/20181224231351/https://www.cia.gov/library/publications/the-world-factbook/fields/2195.html 落 https://www.cia.gov/library/publications/the-world-factbook/fields/2195.html
由 http://kp.china-embassy.org/chn/sgxx/sggbm/bmjj/t289049.htm 攞走咗失效連結標籤

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2021年12月26號 (日) 11:40 (UTC)[回覆]

對外連結有變 (2021年12月)

各位編輯仝人：

我啱啱救返朝鮮民主主義人民共和國上面嘅 3 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

由 https://tw.news.yahoo.com/%E5%8C%97%E9%9F%93%E4%BB%8A%E5%B9%B4%E4%BA%BA%E5%8F%A32490%E8%90%AC-%E5%85%A8%E7%90%83%E6%8E%92%E5%90%8D49-085523661.html 攞走咗失效連結標籤
由 http://kp.china-embassy.org/chn/sgxx/sggbm/bmjj/t289049.htm 攞走咗失效連結標籤
加咗存檔 https://web.archive.org/web/20071014060827/http://www.mfa.gov.cn/chn/wjb/zzjg/yzs/gjlb/1221/default.htm 落 http://www.mfa.gov.cn/chn/wjb/zzjg/yzs/gjlb/1221/default.htm

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2021年12月30號 (四) 19:28 (UTC)[回覆]