Talk:橫水渡
合併[編輯]
我認為而家呢版寫嘅，同一貫用法都係，橫水渡=內河嘅渡輪或艇仔。可以合併去渡輪，寫幾句就夠。
而呢個wikidata，係專講纜索渡輪。--Roy17 (傾偈) 2018年11月30號 (五) 14:51 (UTC)
反對：呢個搬運案有破壞粵地特色資訊多樣性，有偏向普語圍、削弱粵維自身特點嘅嫌疑。——Longway22 (傾偈) 2018年12月1號 (六) 01:04 (UTC)
- 傾向反對。攈到幾個分別來自廣東、香港同海外嘅資料，都話「橫水渡」可以指纜索渡輪嘅一種：
- 不過又有資料話「橫水渡」未必需要有纜索：
- 想話以「內河航運」作為定義嘅話，偏偏香港新渡輪往返坪洲同長洲（都係離島）嗰條航線明明出徂海都叫做「橫水渡」，唔知係攞景定贈興：
- 不過Wikidata以英文為基準，照顧唔到各地唔同文化係家常便飯，所以我認為唔需要萬事都就住Wikidata。【粵語文學大使殘陽孤侠】 2018年12月1號 (六) 02:00 (UTC)
- 我都反對。Roy17提出噉嘅搬版完全屬破壞粵地特色，即係等同北佬拉攏關係（今年初喺TALK:清平路 (廣州)爆完一單之後，上次又喺TALK:北京路 (廣州越秀)又嚟一單。前排喺TALK:阿薩姆邦嘅討論譯名同樣俾Cedric兄同s7w4j9質疑過）。Wikidata未必係萬能，英文維基有時都有唔準確嘅地方。--PQ77wd (傾偈) 2018年12月1號 (六) 04:15 (UTC)
成班都係唔睇文嘎啦，有d唔識乜嘢叫橫水渡，有d唔識中文，有d唔識乜叫「外洋」，就喺處信口開河。講多無謂。--Roy17 (傾偈) 2018年12月1號 (六) 12:05 (UTC)
- 「橫水渡」響粵語最常見意思就係「纜索渡輪」，應該用「橫水渡」個名去寫纜索渡輪，順帶提及引伸意思（無纜索嘅內河航運），即係成篇文改寫。至於香港新渡輪嘅「橫水渡」，只係條航線咁啱用呢個名，夠料嘅話可以拆出橫水渡 (新渡輪)專講呢條航線。--Kowlooner (傾偈) 2018年12月2號 (日) 12:40 (UTC)
YouTube上面嘅KbYAw1mky44劇集- YouTube上面嘅大澳橫水渡：「有百幾年歷史嘅橫水渡……以前用櫓搖用竹撐……十幾年前改成扯繩」
- @Kowlooner：橫水渡唔係纜索渡輪，請查MMIS香港舊報紙庫睇下。橫水渡就係一般過渡嘅稱呼，花生殼艇仔又好，拍拖船又好，到近二三十年專用嘅輪船又好。只不過南生圍嘅橫水渡用纜索過條涌仔捱到今日得返佢，d人就以為橫水渡=纜索過渡。新渡輪條航線1973年開辦，當年嘅人梗係唔會搞錯，唔係「咁啱用呢個名」。點不知幾十年後d人居然唔識，睇下zh:橫水渡 (新渡輪)、街渡寫到亂七八糟，以為係d香港獨有嘅嘢。實際只係通稱，起碼廣州人係噉講。
- 就香港舊報紙庫嘅數據來講，橫水渡喺1930年代之前常用，1940年代開始就十分少。不過1960年代有29篇，因為當時關注大澳橫水渡，提出起條橋取代。--Roy17 (傾偈) 2018年12月2號 (日) 15:31 (UTC)
- 你唔講我都唔知橫水渡有更闊嘅意思。或者將橫水渡同街渡合併埋同一篇文？--Kowlooner (傾偈) 2018年12月9號 (日) 11:25 (UTC)
- 老實，我嘅認知係，搭船過涌江河湖海（譬如香港d渡輪，非茫茫大海，不過廣州人過江都叫過海，江邊叫海皮 XD），個過程都叫過渡，d船可以叫橫水渡/街渡/輪渡，冇分別，所以俾我揀會將所有合併去渡船。香港所謂木船仔叫街渡，我覺得喺渡船闢一節足矣，不過夾硬去做噉嘅區分，都冇所謂嘅。
- 但係我嘅親身經驗局限於搭鐵殼船，即係輪渡，我懂事嗰陣珠江已經冇晒木船過渡一輪嚕。所以我唔知d老人家會唔會區分橫水渡/街渡。
- 街渡呢個詞點來我唔知。我新近發掘到一d晚清至民國嘅數據庫，大陸同香港嘅報紙都係搵到大把橫水渡，搵唔到街渡乜滯。香港嘅，係50年代之後先多記載，之前得1930年代3條。但我覺得我聽老人家講呢個詞，唔可能係好似雪櫃冷氣樂聲（National）呢d噉係由香港傳過來。所以我唔肯定。橫水渡喺清末係艇仔，到民國時候就視乎地方，大埠可能有大船，不過珠三角四圍普遍都仲係艇仔。上邊提到香港條航線，實際係1938年11月6號開通，嗰陣時香港過海已經機器驅動，好先進嚕。
- 所以我嘅結論係，橫水渡可以redirect去渡船（我認為準確d應該叫過渡，北方話唔可以噉用呢個詞，但今時今日粵語過渡已經變晒同北話一樣係引申嘅transition噉解）。街渡就由得佢先。--Roy17 (傾偈) 2018年12月15號 (六) 04:10 (UTC)