Talk:歌手·當打之年

未正式出街嘅節目內容

一如既往，呢啲真人搔節目未正式出街當日播出時間嘅一律嚴禁記載入去。除非官方嘅預告片有披露到有關嘅內容先至容許記載喺文章度。 Shinjiman ⇔ ♨ 2020年2月8號 (六) 02:15 (UTC)[回覆]

再重申一次，有關嘅賽果一要喺節目出咗街之後先至記載得入去，如果有下次嘅，將會每個星期保謢篇文直至到下一集節目出街為止。 Shinjiman ⇔ ♨ 2020年2月14號 (五) 00:47 (UTC)[回覆]

個陣你仲未喺度tag我，我完全係唔知悉呢個做法，你咁做同玩弄係冇分別。麻煩你開放返呢版嘅編輯權。特克斯特 (傾偈) 2020年2月14號 (五) 10:04 (UTC)[回覆]

文章嘅編輯鎖定將會當晚嘅節目播出之後，就會自動解除，到時閣下就可以自己加返有關嘅內容。亦都敬請閣下自律，只可以加入當晚正式出咗街之後嘅內容。否則就會暫時將嗰版暫時鎖上，直至到下一集嘅節目出咗街之後先至會解除。 Shinjiman ⇔ ♨ 2020年2月14號 (五) 14:27 (UTC)[回覆]

@特克斯特、Dabao qian：再次提醒維基百科嘅文章唔係用嚟預測賽果嘅地方，呢種行為係水晶球嘅行為，亦都係唔能夠求證得到，同時亦都係原創研究。除非播出一方有官方發佈先至容許記載喺嗰版度，例如2020年2月28號出街嘅嘢（喺呢度係呢個節目嘅『第二輪淘汰賽』）應該要喺晚節目播出之後先可以記載，喺正式出街之前一切有關第二輪淘汰賽嘅賽果就唔可以記入去，但例如喺官方預告片度第二輪淘汰賽預告過有乜歌手唱過乜嘢歌，呢個係容許嘅。總而言之，任何官方發佈過嘢嘅至可以記載（喺呢度嘅情況係《歌手》節目本身、節目官方微博、節目發佈者（湖南衛視）官方微博）。唔係嘅話就可能會打回頭返去能夠查證得到嘅修訂，再次保護到下一期節目播出為止。如果有另外附加嘅『官方』渠道發佈嘅話亦都可以喺呢度提出嚟。（呢個絕對冇任何『打壓』成份，請唔好錯誤理解） Shinjiman ⇔ ♨ 2020年2月23號 (日) 23:47 (UTC)[回覆]

內容方面同步中維就得，除咗賽果外其他內容喺錄影結束後就可以更新，做法一直被默許。--Dabao qian (傾偈) 2020年2月27號 (四) 18:34 (UTC)[回覆]

重點就係有人喺節目正式出街之前就已經放咗當日賽果上去，嗰啲行為就係「水晶球」嘅行為，正如睇返官方微博，第二輪排位賽第一晚播出之後，講到明最後三名『暫不發佈』，但仍然有人放賽果上去，噉請問嗰位人兄係咪節目製作組嘅人員？如果係嘅話即係違返咗同製作單位嘅保密協議；又如果唔係嘅話，有乜嘢渠道可以得到呢啲結果，除非俾得到可靠嘅來源，唔係嘅話呢啲未正式出街嘅內容一律不得記載。 Shinjiman ⇔ ♨ 2020年2月28號 (五) 01:00 (UTC)[回覆]

@特克斯特、Dabao qian：閣下點樣寫製作過程，呢個我唔埋，但有關嘅賽果，一定要喺官方節目正式出街之後先至可以記載。呢個亦都係同上面Dabao qian兄提出嘅意見一致。 Shinjiman ⇔ ♨ 2020年3月1號 (日) 15:29 (UTC)[回覆]

咁呢季節目由你寫曬佢啦下。呢個page交畀你就唔好搞到一攤屎。我先編輯、優化往季（歌手7、6、2等等），呢季唔掂住，由你搞掂。特克斯特 (傾偈) 2020年3月1號 (日) 17:34 (UTC)[回覆]

同埋粵維瀏覽低，放賽果出嚟根本冇咩影響，何況只係隱藏。你話劇透係水晶球，咁歌單劇透就唔算係宣傳？個場選歌符合大眾口味，寫住出嚟，都涉及宣傳。同埋觀眾洩露歌單都唔系一個理由畀你喺錄製後即刻寫上歌單。如果你話播完一期先可以寫一期。咁唔該歌單都係咁，一直被默許唔等於件事係對，冇人出嚟講唔等於對。

又講返嚟開版嘅事，下季一係中粵維統一開版日期，當中維開左版，粵維就開得，唔通一直被默許就代表中維「水晶球」嘅行為係對，粵維一直等到開播後先寫得？呢種作法客觀嚟講，明顯係雙重標準。如果你係拎歌手6嘅野嚟講，一係唔該你兩邊都開播後先寫得，一係中維有人開左版（當官方微博會做呢季節目），粵語維基就應該得到開版嘅權利。唔通中維就可以喺開播前開版，宣傳定先？粵維就唔得？難到中維就唔係宣傳緊？你地兩個，其實處理手法係好有問題。一係你（@Shinjiman：）唔該理埋中維個邊嘅事，一邊被默許，一邊嘅處理手法不一，明顯係雙重標準，大家都是維基百科。一係大家講好，下季中維一開咗版，粵維就應該當日可以開到版。特克斯特 (傾偈) 2020年3月1號 (日) 17:55 (UTC)[回覆]

仲有，“除非官方嘅預告片有披露到有關嘅內容先至容許記載喺文章度。”一係大家而家傾好，官方微博宣佈咗下季開辦、或者宣佈招募下季大眾聽審就代表開得版，因為係事實唔構成任何猜想。一係中粵維傾好，等節目播咗嘅野先寫得，係正式播出，唔係宣傳片播出。因為你記唔記得粵維開版後係因為寫播出街嘅野，而中維開版先因為個陣可以寫宣傳片嘅野，而粵語就唔得，因為雙重標準。麻煩留意一下兩邊維基處理手法嘅差異。（@Shinjiman：）

拿，我而家畀嘅建設性建議，而家大家傾好開版事宜。一係兩邊開播後先寫得，一係官方微博話做節目就寫得（當然有證據話做節目啦）（亦都寫得官方宣傳片嘅野，係官方發佈嘅就得）（@Shinjiman：）。先小人後君子，而家好聲好氣傾好點寫先。再掂個版+往後嘅開版時間。特克斯特 (傾偈) 2020年3月1號 (日) 18:07 (UTC)[回覆]

呢度有呢度嘅寫法，同國維無關。但大前提嘅就係任何加得入嚟嘅，就必須要查證得到，包括節目本身、微博等「官方」渠道，例如2月27號出嘅微博只披露咗2月28號出街節目嘅歌單，噉只有嗰首嘅歌單部份先可以記載；但嗰個微博冇披露到任何排名嘅嘢，故此喺嗰集正式出街之前喺冇其它可靠查證證得到嘅來源之下不得記載。國維度亦都有類似嘅行為，都已經被另一啲用戶打回頭（見呢度同埋呢度）。大體上，歌單大約會喺正式出街之前一至兩日透過官方微博等發佈，發佈咗披露過當晚嘅部份歌單至可以記載（或者節目本身嘅下期預告片段有明確披露有有關演唱歌曲），至於賽果排名，要到當晚節目正式出街披露過之後先至可以記載入去。 Shinjiman ⇔ ♨ 2020年3月2號 (一) 03:17 (UTC)[回覆]

要點樣引用來源，可以睇Wikipedia:根據#點樣引用資料來源，嗰版有教學點樣引用有關嘅來源。 Shinjiman ⇔ ♨ 2020年3月2號 (一) 03:23 (UTC)[回覆]

咁問題就嚟啦，你都識講“但大前提嘅就係任何加得入嚟嘅，就必須要查證得到，包括節目本身、微博等「官方」渠道”，你仲畀埋微博例子添，咁當初歌手8招大眾聽審，甚或，官方微博已經發佈曬歌手8 第一二集嘅節目綵排、錄製，同埋你岩岩所引用嘅官方發佈歌單。咁你當初做咩死都要維穩封殺唔畀開住？唔通第一期第二期嘅歌單就係你所講嘅「水晶球」，而第四五集嘅歌單就唔屬於水晶球？到底你係咪睇曬官方嘅微博？開版時間又點處理? 第一二集嘅歌單喺1月頭個陣唔畀寫，而家3月反而畀寫，剩係呢點都涉及雙重標準啦。仲要兩個情況，都係節目組發佈曬所有資訊，而你仲喺度維穩。（@Shinjiman：）特克斯特 (傾偈) 2020年3月2號 (一) 06:36 (UTC)[回覆]

同埋一月初個陣官方微博都宣佈咗參賽歌手，所有野都係有事實根據，卻畀你話係水晶球唔寫得。而家又話中粵維係可以同步官方發佈咗歌單就寫得，咁點解當時（第一二期，1月頭）唔得？（@Shinjiman：）會唔會係因為你自己想維穩？同埋當年我隱藏住都得嘅（睇呢度）,系唔系內部人員都唔好猜測，違反協議都係無從追究。反正個問題在於你開辦日期有問題，開播前嘅事實就唔算事實唔寫得？咁你當國維係咩？而家到我問你點解歌單就寫得，你就話官方微博發佈咗個事實就寫得？咁樣唔系雙重標準咁係咩？一月唔得，反而三月就得？厲害了。特克斯特 (傾偈) 2020年3月2號 (一) 14:23 (UTC)[回覆]

當時鎖版唔開得係因為之前有先例，見Special:Diff/1099766、Special:Diff/1024532，呢幾版開版時間喺節目正式出街之前超過半年時間有多。再睇Special:Diff/1100544，2017年6月嘅事又會預先知道當季第一期會喺2017年12月28號錄製？唔通閣下真係先知嚟？Special:Diff/1025565嘅理由都係一樣，2016年7月14號嘅修訂會預先知道節目會喺2016年12月29號錄製？基於呢種嘅編輯行為足以令其後嘅文章作出保護以防止以不實嘅資料開版。 Shinjiman ⇔ ♨ 2020年3月2號 (一) 14:33 (UTC)[回覆]

另外，有事實嘅話，唔該請用腳註形式等將有關嘅內容記入去（用<ref>(來源)</ref>、{{引網}}等方法），等大家可以撳入去睇返有關嘅來源。 Shinjiman ⇔ ♨ 2020年3月2號 (一) 14:39 (UTC)[回覆]

係，你當時鎖版就係防止先知情況出現。但個問題就係，我講過，你有冇諗過你鎖版嘅日期、時段係有問題，直到國維都開晒版、微博都出晒通函話做呢季節目，你依然都堅持封版？有晒證據都繼續封版，唔係你攞之前「先知」情況嚟拗嘅一個理據，因為個陣已經唔涉及先知情況。人地已經講到明話做節目，當時我都講過官方微博12月中已經開放報名做歌手8第一期聽審，呢個情況已經唔涉及宣傳，水晶球，因為係事實facts嚟。同埋，你睇下而家你有時間咁仔細睇住個賽果表，就冇時間跟微博啲消息？我建議你下一季嘅情況，應該要改改，人地出晒通函，第一集錄製好晒，就已經畀寫。你攞5、6月已經開咗版個啲嚟講都冇意思，因為一個係未話做節目，一個係話咗做節目。前者提早開版你可以話冇根據，但後者開版，就有晒證據。連第一集嘅歌單都出埋嚟，仲唔畀寫，相反而家第五集就可以，咁呢個例子好明顯係你處事嘅「雙重標準」。我講咗咁耐，似乎你都未回應開版事宜？可唔可以畀個承諾話官方微博話開版節目，就寫得版？因為呢個係官方嘅權威，而未話開播前你保持住鎖版都得，但話咗做節目，我畀埋證據，你依然要繼續鎖版，呢啲我就覺得好唔合理。面對5、6月開版，你可以鎖版，但有晒證據話做節目，你依然唔畀開版，就係你打壓緊編輯自由，係到以五六月開版嘅事嚟做堅持鎖版好明顯係以過度手段去應對情況。呢點唔該你留意下，亦都請你畀出一個合理、大家妥協好將來點做嘅方案。以免再次出現爭抝。而喺話搞該季節目後，開得版，都可以用future tv show 個模掛喺個版到嚟提示讀者，呢個模正正係可以喺一月頭第一集錄製完，歌單出埋嚟個陣去做嘅事，完全合理，亦都善用模板。@Shinjiman：特克斯特 (傾偈) 2020年3月2號 (一) 19:31 (UTC)[回覆]

呢樣我會睇返對開版有個條件嘅，就係開版嗰陣必須要列示有關嘅來源，否則只能以唔能夠『查證得到』有關來源理由去拎走或者刪版未經證實嘅內容。呢方面我喺執行嘅方向係宜緊不宜鬆。當初閣下開版初頭幾日嘅全部修訂當中，完全冇俾到有關來源，故此係有呢個理由去暫時鎖版，喺嗰版度喺閣下空間名期間並無任何嘅編輯動作（當時喺用戶空間嘅版係冇鎖到版嘅）。 Shinjiman ⇔ ♨ 2020年3月3號 (二) 08:55 (UTC)[回覆]

舉個例，好似呢啲嘅編輯動作，喺未來嘅時間見到嘅話，我一定會拎走，因為都係唔能夠查證嘅料。 Shinjiman ⇔ ♨ 2020年3月3號 (二) 09:10 (UTC)[回覆]

@Shinjiman：由於武漢肺炎大爆發嘅緣故，呢季冇咗淘汰歌手嘅返場表演，再加上第9、10兩期連錄同埋最後一輪嘅賽制變更，理論上講喺第10期錄影結束出咗歌單後就已經得知第9期部分賽果（是否奇襲獲勝，同埋邊位歌手遭到淘汰），國維嗰邊而家嘅處理方式係將第9期已知賽果同埋第10期歌單通通隱藏，到第9期播出后再恢復顯示。--Dabao qian (傾偈) 2020年4月2號 (四) 16:57 (UTC)[回覆]

@Dabao qian、特克斯特：國維點樣做，呢邊唔一定係會跟住噉做。但大前提嘅就係有乜嘢放得上嚟嘅都係要查證得到。錄影咗嘅最後都唔一定會最後全部出街。所以建議做法就係第9期歌單可以出住先，但賽果必須要喺節目出咗街之後先可以更新，出街之前亦都唔可以存在喺源碼之中；而第10期就喺第9期節目出咗街之後更新（第10期預告片到時已經出街），而第10期賽果就必須喺嗰期節目出街之後先至加入。呢個同閣下所提及到嘅意見一致。目前所知嘅來源都係嚟自歌手嘅官方微博，同埋湖南衛視官方微博，如果知道有另外官方來源嘅亦都可以提出嚟。我目前嘅做法就係，全部由官方之中未能查證得到嘅情報（未出街期數）嘅將會全部拎走。 Shinjiman ⇔ ♨ 2020年4月3號 (五) 01:07 (UTC)[回覆]

@特克斯特：，再提醒最後一次，如果閣下仍然加入未能查證得到嘅內容嘅話，就會限制閣下對於呢版嘅編輯，到嗰期節目正式出街為止。加入之前期數嘅嘢都仲可以嘅。 Shinjiman ⇔ ♨ 2020年4月3號 (五) 01:11 (UTC)[回覆]