Talk:珍珠雞 (搞清楚)

應該用平等搞清楚

見到點心珍珠雞要改叫「珍珠雞 (點心)」而唔用「珍珠雞」，本嚟都由得佢，但再見到「珍珠雞」而家畀動物坐正，搞清楚版要放「珍珠雞 (搞清楚)」，就越諗越覺得有問題。日常生活入面講「珍珠雞」三隻字，究竟係指點心多定係動物多呢？我就覺得一定係點心多，不過如果有人覺得指動物嘅意思都有唔少人用，唔應該畀點心坐正叫「珍珠雞」，我都唔太反對用平等搞清楚，但動物嘅意思點都無可能佔壓倒性多數，畀得佢坐正叫「珍珠雞」。--Kowlooner (傾偈) 2019年7月14號 (日) 12:25 (UTC)

• 有人話過呢度唔係香港維基百科，覺得點心多只係部份香港人嘅諗法，中國內地、台灣好多人可能連珍珠雞係點心都未聽過。呢個名動物用比點心用早好多，點心喺1980年代中先出現，喺百度百科同互動百科珍珠雞都係講動物，搵唔到有講點心嘅。喺google圖片搵珍珠雞，望落去動物起碼佔咗7成。動物唔係人創造出嚟嘅，點心係人整出嘅。Pokman817 (傾偈) 2019年7月20號 (六) 03:21 (UTC)
  • 我認為粵語維基係照顧粵語用者（主要包括港澳、兩廣同埋用粵語嘅海外唐人），而唔使理北方話用者嘅習慣。北方話用者可能未聽過珍珠雞點心，但作為粵菜點心，相信多數粵語用者都聽過。另外，雖然呢度無需要跟足中文維基，但攞個參考都可以 ——— 中文維基嘅香港人參與比例比起粵維細，但中文維基反而包容到珍珠雞點心，「珍珠雞」可以做平等搞清楚。--Kowlooner (傾偈) 2019年7月21號 (日) 13:13 (UTC)