Talk:第10屆英國保守黨黨魁選舉

出自維基百科,自由嘅百科全書
Jump to navigation Jump to search
Featured article 係篇 正文;佢或以前嘅版本,維基社羣公認嘅最好嘅文之一。請繼續放膽改善同加新料。
2017年6月24號 正文候選 升格

保守黨黨魁選舉,量詞用「屆」是否適宜?[編輯]

只有黨魁出缺而無共主之時,先會有保守黨黨魁選舉,冇限定年期亦冇限定任期。噉嘅選舉,用「屆」是否適宜?應該用「次」好啲掛?

而我本人係反對數數嘅標題,應該用年份+事件來命名。--Roy17 (傾偈) 2018年5月24號 (四) 16:12 (UTC)

反對,響君主立憲制國家響任期內可以無限次由多數黨黨魁出任首相,黨魁選舉變相已經係準首相選舉,用「屆」絕對適合,屆數數數行之有效應該繼續推行。櫻花公主 (傾偈) 2018年5月25號 (五) 11:09 (UTC)

  • 黨魁選舉變相已經係準首相選舉」。邊處有election of prime-minister-to-be?請問卡梅倫當選在野保守黨黨魁嘅時候,係咪當做首相選舉?柯爾賓當選在野工黨黨魁,係咪當做首相選舉?在野保守黨2001年選出IDS,2003年選出Michael Howard,佢哋連首相都做唔成,都當係首相選舉?
我嘅理由未寫到出啫,就係非定期活動唔應該用「屆」字。無論你查大陸字典定係台灣字典,「屆」都係定期舉行嘅活動嘅量詞。保守黨黨魁選舉非限定年期舉行,亦非限定任期,完全取決於黨魁之位何時出缺,不能用「屆」。
而我重申,我反對畫蛇添足去幫人數數,英國人本身唔數選舉選到第幾次,呢度就唔應該數,應該用年份+事件來命名。--Roy17 (傾偈) 2018年5月25號 (五) 16:56 (UTC)
請留意「任期內」、「多數黨」意思即響國會選舉入面贏出大多數議席同埋響國會任期(通常四年)內,噉重唔係準首相選舉?我打得準,當然就唔係解次次都係,因為有可能會解散國會攞唔到大多數議席而要重選黨魁,唐(漢)文化係以數屆數為主,例如澳門立法會選舉、香港立法會選舉、台灣總統、立委、市長都係數屆數,人地唔數係人地嘅事,呢度粵語維基,唔係(當地)維基,數屆數絕對唔係畫蛇添足。櫻花公主 (傾偈) 2018年5月25號 (五) 17:13 (UTC)
  • 逐點講:
  1. 非定期活動唔應該用「屆」字。」有字典根據。呢一點係成個議題所在。第啲討論譬如下邊呢啲駁斥你嘅只係離題,因為你嘅觀點,我覺得係gaang3硬兜,成個邏輯係保守黨黨魁選舉=「準首相」選舉=國會選舉=定期活動=可用「屆」字,可謂歪理。
  2. 請問卡梅倫當選在野保守黨黨魁嘅時候,係咪當做首相選舉?柯爾賓當選在野工黨黨魁,係咪當做首相選舉?在野保守黨2001年選出IDS,2003年選出Michael Howard,佢哋連首相都做唔成,都當係首相選舉?」呢個係你自己寫住嘅,「第7屆(2001年)•第8屆(2003年)」,IDS同Howard當選黨魁都喺保守黨在野,你都一樣數數嘎,唔係什麼“「任期內」、「多數黨」”。
  3. 你個唐文化,喺中文維基並非如此,是故寫中文維基嘅原來唔係唐人?
  4. 我唔支持數數,都話咗係因為好多數數根本係會等於原創。試問有個人睇咗呢度,同英國人交流嘅時候,講Theresa May won the 10th leadership contest....英國人會心諗你up乜???所有冇數開數嘅地方,呢度幫人去數,所以我話係畫蛇添足。仲未計你數錯嗰堆。--Roy17 (傾偈) 2018年5月25號 (五) 17:37 (UTC)
首先黨魁選舉肯定有任期,只不過被人逼宮或者選輸咗要辭職,所以先提前重選,只有一個人參選自動贏出都當一屆數,唔會冇任期限期,類似例子台灣國民黨黨主席選舉都係屆數數,唔係用次,另外佢地唔用屆起標題就係唔想搞多套起命方式,要大規模轉文章名好嗮工夫,同埋因為文章入面或模有寫屆數,粵文反之亦然,之前就已經多篇選舉文章討論過,而家由響正文搞一樣嘅嘢,四處挑戰規則,都話左選舉年份響文章入面有提,選舉年份響文章入面有提,選舉年份響文章入面有提,重要嘅嘢要講三次,唔好再嗮大家時間。櫻花公主 (傾偈) 2018年5月25號 (五) 17:47 (UTC)
  • 逐點駁斥:
  1. 英國當今兩大黨黨魁都係冇規定任期/年期嘅,我講到cam3喇。譬如戴卓爾夫人1975年贏咗就到1990年先俾人逼宮,中間係唔需要任何黨魁選舉,一人選舉自動當選都係唔需要嘅。只有黨魁出缺而無共主方有選舉。而2001年當選嘅IDS兩年就走佬。最近差唔多十年工黨在野,黨魁亦係走馬燈噉換。
  2. 而今國民黨主席係有任期有年期,所以未一屆屆咯。「主席之選舉,應於任滿當年應召開之全國代表大會舉行之3個月前,與全國代表大會代表之選舉同時辦理」,「主席之任期為4年」。
  3. 日本人數佢哋自己嘅選舉,唔數第啲人嘅選舉,兩種命名方式並存,有咩問題?粵文點解要死板到只准一味原創數數?
  4. 唔關選舉年份有冇出現嘅事,而係呢啲人地冇數而只有你數嘅數,喺全世界只有粵文維基百科先有,第度冇數。
  5. 有規則但係你唔跟規則數錯嗰啲算點?呢條規則製造一d全世界只有粵文維基百科先有嘅嘢,唔係違反原創係乜?
  6. 如果規則唔恰當,造成唔恰當嘅題目,只因為大量存在就唔去改?我提得出來,就係預咗要全部審核更正。
  7. 謬論講N次都係謬論,啱嘅講1次都係啱。維基百科應該係唔鼓勵發表重複嘅嘢。
  8. 講返呢篇文嘅問題,係1.保守黨黨魁選舉絕對唔應該用「屆」,而或者可以考慮用「次」。2.我嘅觀點係用年份+事件命名。係兩個層次嘅問題。--Roy17 (傾偈) 2018年5月25號 (五) 18:07 (UTC)
黨魁選舉同君主立憲國會選舉一樣都係有任期,唔係冇限定年期亦冇限定任期,用「屆」絕對適合;而事實上英國國會選舉英文維基本身都有數屆數,只不過寫響文章入面,寫屆數係我哋傳統習慣同埋方便記數、編輯;標題名就統一用屆數,但冇話唔畀開年份+事件redirect,所以唔存在死板;屆數有問題可以考證修改,唔係冇出現過嘅事,出現過亦改過,唔係因為大量存在就唔去改,唔啱考證過係就一定要改。櫻花公主 (傾偈) 2018年5月25號 (五) 18:20 (UTC)
  • 請你話俾大家知,保守黨黨魁任期係幾多?保守黨黨魁選舉規則邊一條有關於任期/年期?如果真係有任期,下一次選舉嘅確切時間或者時間範圍係幾時?
「寫屆數係我哋傳統習慣同埋方便記數、編輯」。據我所知,呢個傳統係你原創嘅,我仲要花時間去搵下當年係點定呢個命名規則嘅。而且,寫年份就唔方便記數編輯?
我提出嘅就係,人地本身都強調第幾勻嘅,粵文可以數,冇嘅就唔好數!就呢一篇文來講,保守黨黨魁選舉英國人普遍係唔數第幾次嘅。
寫redirect係冇意義。講緊多餘嘅數數係原創,製造無謂嘢。--Roy17 (傾偈) 2018年5月25號 (五) 18:31 (UTC)
  • 所以數數反而一d都唔方便。寫年份+事件最簡單實冇死,而寫屆次,「屆數有問題可以考證修改」,結果可能要花額外功夫就係為咗數數。--Roy17 (傾偈) 2018年5月25號 (五) 18:37 (UTC)