Talk:脢頭

脢頭同柳脢係兩個唔同部位。Espotono (傾偈) 2013年9月11號 (三) 04:39 (UTC)

就我屋企附近尐街市來講，你講嘅兩樣嘢分別叫做脢柳頭同脢柳。--William915（傾偈） 2013年9月11號 (三) 09:30 (UTC)

估唔到連豬肉響穗港兩地都有唔同叫法，今次又學到嘢。而且又再一次證明呢度都應該要引入地區詞轉換。--Kowlooner (傾偈) 2013年9月11號 (三) 14:47 (UTC)

未去到要地區轉換，亦盡量呈現，敎大家有唔同叫法。HenryLi (傾偈) 2013年9月12號 (四) 06:14 (UTC)

唔明阿貴生點解好似一路都咁反對地區詞轉換。 【粵語文學大使殘陽孤侠】 2013年9月12號 (四) 06:19 (UTC)

阿貴生，請睇理由如上。 HenryLi (傾偈) 2013年9月14號 (六) 07:49 (UTC)

另外，地區轉換同「盡量呈現」根本一啲矛盾都無，如果普通話維基百科做得到嘅話，點解粵語維基百科就做唔到嗟？況且，引入地區轉換重可以避免好多無必要嘅編輯戰，例如「板球」同「木球」之間嘅差異就完全可以用地區轉換來全部呈現。除非阿貴生真係咁逢大陸必反，逢兩廣必憎，有心維持香港粵語喺粵語維基百科嘅絕對統治地位，否則無理由反對百利而無一害嘅地區轉換。【粵語文學大使殘陽孤侠】 2013年9月16號 (一) 03:16 (UTC)

我與閣下理解完全唔同。首先，嗰邊叫中文維基百科，不是普通話維基百科。自從文言瓦解，中文本身就係一個多語種混雜文體，自然各地衝突四起。你有無見英文維基百科，要搞「地區轉換」？因爲大家係文章屬區定名爲原則，其他可以並列。廣東話文字，大致同源，根本就無需學中文維基百科。正所謂多隻香爐多隻鬼，「地區轉換」係要好多人手工作，廣東話維基百科，人力只係咁多，你有無中文維基百科咁多人手先？何況咁做，只不過將爭拗，轉去第二邊而已。廣東話地區用字，並無好清晰嘅用字地圖。例如「脢頭」與「脢柳頭」，擺明係同源，你如何肯定廣東不用「脢頭」？請問如此點搞「地區轉換」？如你舉例，「木球」係香港流行運動，有數個歷史悠久嘅體育會，而「板球」只不過由普通話轉過來，運動並不流行於廣東。按歷史與流行地，咁此處用木球更之恰當，然而文章仍會並列名稱。若然嗰種事物，係流行於廣東，並不流於香港，用廣東名稱爲先就合理。閣下所謂逢大陸必反，逢兩廣必憎，係閣下自己構想出來，捉錯用神。我係以廣東話傳統優先，其他語文爲副，請你搞清楚。HenryLi (傾偈) 2013年9月16號 (一) 04:14 (UTC)