Talk:西冷 (印尼)

建議搬去「西冷」

根據維基定名嘅知名度指引，一個詞如果喺某種語言度更多係指向某個特定事物，噉呢個事物對應嘅版名就應該係呢個詞，而唔使加括號後面。西冷呢個名，一般講嘅都係指印尼嗰個首府，因爲佢本身個譯名係嗌西冷，係印尼萬丹省嘅首府，而且係一個比較出名嘅旅遊景區，加上佢係印尼嘅第三大人口城市。喺名氣嚟講，佢算比較出名喇。再睇搞清楚版入面嘅嘢，試問有邊個嘅名氣係冚得過印尼嘅西冷呢？就算係香港嗰邊話佢嗰邊冇邊個特別出名，亦就得香港當地有人知，放落兩廣，講起西冷，諗嘅都係印尼爪哇島曼丹省入面嗰個。--CRCHF (傾偈) 2015年4月6號 (一) 02:53 (UTC)[回覆]

『西冷』呢個詞響個人嚟講，會聯想到西冷牛扒（Google 西冷）。 Shinjiman ⇔ ♨ 2015年4月6號 (一) 05:00 (UTC)[回覆]

西冷即使係牛扒名，都唔係噉嗌法喇。人哋餐廳嗰度寫嘅係「西冷牛扒」或「西冷扒」嘅菜式，而唔係寫「西冷」呢兩個字。噉我可唔可以講，例如CD嗰篇嘢，唔通廣州嘅粵語區嗰邊講嘅光碟冇第啲嘢咁出名，定係人哋同「CD」簡寫一樣名嘅第啲嘢重出名過光碟？一樣噉道理。--CRCHF (傾偈) 2015年4月6號 (一) 05:36 (UTC)[回覆]

可能大陸地區少人食牛扒，所以「西冷」牛扒呢個名唔多常見。但正如Shinjiman兄提到嘅Google結果已經顯示，搵「西冷」頭兩版結果全部都係牛扒，到第三版第28個結果「西冷照片—Banten Province西冷精選照片- TripAdvisor」先至係頭一個講印尼西冷嘅結果。當中部份結果係只用「西冷」而唔係「西冷牛扒」或「西冷扒」講牛扒，包括香港食物規格資料庫介紹「西冷」嘅頁面、食品舖頭賣「霜降和牛西冷」嘅介紹、「教你整安格斯西冷」嘅短片、飲食雜誌網站「介紹牛扒部位」（包括西冷）嘅文等等。由此可見：

齋講「西冷」兩字，最多人諗起嘅係牛扒。
即使只係齋用「西冷」兩字而唔係「西冷牛扒」或「西冷扒」，一樣都係形容呢隻牛扒嘅常用稱呼。

其實如果唔係之前CRCHF兄表示唔滿意牛扒霸住「西冷」呢個標題，我直頭覺得可以維持返早前用「西冷」呢個標題介紹牛扒，搞清楚版放「西冷 (搞清楚)」。我唔反對而家將「西冷」呢個標題變成平等搞清楚版嘅安排，本身已經係對CRCHF兄嘅妥協。--Jason6698 (傾偈) 2015年4月6號 (一) 12:21 (UTC)[回覆]