Talk:鎮 (中華人民共和國)
呢篇講嘅係中式嘅鎮。今次 zh-wiki 嘅命名合理啲，睇 zh:鎮。--WikiCantona (傾偈) 2016年9月10號 (六) 15:53 (UTC)
- 篇文章係我從日文維基百科度譯出，所以無論名定係內容抑或加入嘅Wiki data，都係同日文版掛鉤。噉所以你認爲要點改名呢？--S7w4j9 (傾偈) 2016年9月11號 (日) 07:44 (UTC)
- 其實呢編嘢講緊鎮 (中臺政區)同鎮嘅廣義，可以將兩樣嘢分家，鎮同市鎮合拼，加入世界性嘅內容。--WikiCantona (傾偈) 2016年9月16號 (五) 14:54 (UTC)
- 分家都好嘅。諗真啲日文嘅「鎮」，佢之所以可以專詞專用喺表示中越兩國嘅「鎮」（政區意義），在於粵語當中泛義上嘅鎮（聚落意義）喺日文稱呼做「街/町」（都係讀まち），睇返日文版，佢將中國嘅鎮稱呼爲「鎮」，係專詞專用，將越南嘅鎮稱呼爲「町（市鎮）」，前者係日文自身對泛義「鎮」稱呼，後者係越南文本身對泛義「鎮」嘅稱呼（thị trấn）。
- 縱觀全篇，文章嘅內容由四部分組成：聚落意義嘅鎮；中華人民共和國嘅鎮；中華民國嘅鎮；越南嘅鎮。喺拆分之前，先且睇下其他語種嘅做法。
- 日文：粵版所跟嘅日文版自然係將四者合埋一篇，喺日文版中，聚落意義嘅鎮嘅篇幅好短，更多嘅焦點在於作爲政區嘅鎮，畢竟泛義嘅鎮係叫「町/街」。政區嘅構築在於聚落形態，佢要先介紹一番呢種政區嘅形態基礎。所以我諗，可以將呢篇文章嘅聚落意義嘅鎮嘅內容補入《鎮》（泛義嘅鎮，將《市鎮》合併到《鎮》，然後再開一版搞清楚。），但又唔鏟除呢部分內容，噉就同日文版一樣，對政區嘅聚落形態基礎做一番介紹。
- 韓文：韓文版嘅題名係《鎭 (行政區域)》（《진 (행정 구역)》），通篇落來，講嘅就係中國嘅鎮（包括PRC同ROC）。呢個情況同日本一樣，韓國政區當中冇鎮呢項，大約對應嘅政區應該係「邑」，泛義嘅鎮稱呼爲마을，所以同樣亦係專詞專用。另外可以留意嘅係，佢嘅題名用咗括號，最搵多下，排除嗰啲同音拼寫，得出一項係《鎭 (軍事)》（《진 (군사)》），嗰個係軍事意義上嘅鎮，目前未有其他語種版本對應，或者粵文版可以將佢譯過來。
- 越南文：越南文版嘅題名係《鎮 (中國)》（《Trấn (Trung Quốc)》），佢嘅內容更單一，講嘅係中華人民共和國嘅鎮，排除咗ROC。越南版嘅《鎮》（《Trấn》）係個搞清楚版，目前未有其他語種連入，當中佢有四個項目：《市鎮》，講嘅係泛義鎮；《鎮 (臺灣)》，講嘅係ROC嘅鎮；《鎮 (中國)》，PRC嘅鎮；《鎮 (越南)》，講嘅係越南嘅鎮。呢個就同日文版完全相反，將上述四者全部分開。
- 中文：中文版嘅題名係《行政建制鎮》，講嘅就係PRC嘅鎮。再搵多啲，上述四者完全分離，同越文版做法一樣。
- 英文：英文版嘅題名係《Towns of the People's Republic of China》，主要內容PRC嘅鎮，但稍微提咗下ROC嘅鎮，因爲ROC嘅鎮同鄉喺英文都譯成township，鎮叫做"urban" township，於是ROC嘅鎮、鄉、山地鄉都併到一版。除咗呢個外，中越共有嘅另外三版都有對應英文版。
- 總結：日韓由於自身語言問題，「鎮」一詞有專門用法，所以佢哋將啲內容都寫埋一齊（除韓文冇越南嘅鎮嘅內容）；相反中越英都有將四者分開嘅做法，我諗粵文版適宜跟進嘅係中越英嘅做法。
- 做法提議：將呢一版拆分爲四篇文章加一篇搞清楚：
- 其中講泛義嘅（聚落意義）嘅鎮，題名做《鎮》，將《市鎮》合併入《鎮》，對應嘅wiki data係中文嘅《鎮》英文嘅《Town》日文嘅《街》韓文嘅《마을》越文嘅《市鎮》
- 喺《鎮》當中加一個搞清楚版，題名做《鎮 (搞清楚)》，內容包括下面分割出嘅文章以及《鎮 (軍事)》等等，對應嘅wiki data係英文嘅《Town (disambiguation)》日文嘅《タウン》越文嘅《鎮》
- 講PRC嘅鎮，題名做《鎮 (中華人民共和國)》，適當保留關於鎮嘅聚落屬性嘅介紹，對應嘅wiki data係中文嘅《行政建制鎮》英文嘅《Towns of the People's Republic of China》越文嘅《鎮 (中國)》（日韓兩版嘅分割就等佢哋以後嘅發展，我哋呢啲外國人幫唔到手嘅）
- 講ROC嘅鎮，題名做《鎮 (中華民國)》，對應嘅wiki data係中文嘅《鎮 (中華民國)》越文嘅《鎮 (臺灣)》
- 講越南嘅鎮，題名做《市鎮 (越南)》，將《鎮 (越南)》跳入去，對應嘅wiki data係中文嘅《市鎮 (越南)》英文嘅《Commune-level town (Vietnam)》越文嘅《市鎮 (越南)》
- 以上係我嘅總結同提議。如果無其他意見，喺呢一版傾偈版最後一個回應嘅一個禮拜後（呢個禮拜作爲其他意見回應嘅期限），我會喐手做分成五版嘅事。--S7w4j9 (傾偈) 2016年9月16號 (五) 16:35 (UTC)
- 其實呢編嘢講緊鎮 (中臺政區)同鎮嘅廣義，可以將兩樣嘢分家，鎮同市鎮合拼，加入世界性嘅內容。--WikiCantona (傾偈) 2016年9月16號 (五) 14:54 (UTC)
史
[編輯]史之部份，係咪搬去鎮比較好呢？--WikiCantona (傾偈) 2016年10月4號 (二) 14:58 (UTC)
- 唔應該，呢個係專門講中國嘅鎮，《鎮》呢篇文章講嘅世界範圍內、普遍意義上嘅鎮。--S7w4j9 (傾偈) 2016年10月5號 (三) 09:38 (UTC)
- 其實係咁嘅，華夏鎮嘅歷史唔應該淨係喺中華人民共和國嘅題目之下？你話華夏鎮嘅歷史係世界範圍，定只係中華人民共和國範圍？！不過，我唔係話一定要將佢搬走。--WikiCantona (傾偈) 2016年10月5號 (三) 09:55 (UTC)
- PRC雖然只係1949年立國至今，但佢都係中國史嘅一部分，歷史有延續性，鎮唔係1949年以後先特有嘅嘢，佢延續自1949年之前、遠到可以追溯到南北朝時代，PRC作爲執政者，佢接管咗中國大陸嘅鎮，無論合唔合法統，無論你話佢係靠搶定係靠偷，佢都係事實上嘅繼承者，講一講佢繼承之前嘅源流好正常，亦可以講係必要。
- 至於《鎮》本身，縱觀我識得嘅嗰啲語言，基本上集中喺描述鎮嘅社會學、地理學意義，幾乎唔涉及鎮嘅歷史。噉都係嘅，唔同地方有唔同嘅發展經歷，好難講世界範圍內嘅鎮都係點發展出來，呢樣嘢最好喺對應嘅國家／地區版面慢慢講。--S7w4j9 (傾偈) 2016年10月5號 (三) 12:38 (UTC)
- 閣下講嘅的確有道理。都係嘅，所謂「世界範圍」只係講人類歷史，由第一個城鎮嘅出現，都唔同地方，唔同嘅人對「鎮」唔定意同再定義，都有佢唔同歷史同政治原因，閣下寫／譯中國個段，正正係咁。係噉意查下，就有呢啲。再睇番英文 wikipedia「鎮」嗰篇，唔只交待咗 "town" 嘅字源，亦提到 "modern phenomenon of extensive suburban growth"，而之後就講，唔同地方「鎮」嘅發展，相當有世界性。都係嘅，人地係大 wikipedia，我哋啲蚊形 wikipedia 好難做到... --WikiCantona (傾偈) 2016年10月6號 (四) 19:59 (UTC)
- 冇錯，我嘅意思就係噉。英文版係奈佢唔何㗎，話曬喺當今世界語言體系中係唯一嘅絕中心語種（Hypercentral languages），人流量、編輯量、資訊量都係其他語種冇可能鬥得過。睇下我識嘅語種，佢哋關於《鎮》嘅版面一個二個都係寫到唔湯唔水，既係佢哋語種唔夠英文發達，亦在於越普世、越簡單、越尋常見慣嘅嘢，就係越難講得好，有時係唔知點講，有時係唔知有乜好講，就好似書法中最難嘅字恰恰係「一」「人」呢啲字，而非「龜」「龍」「鬱」呢啲繁難字。識寫唔難，寫好難。
- 所以我認爲寫各地鎮嘅歷史應該喺對應嘅版面度講，至於《鎮》，睇下可否盡力而爲噉寫好啦。--S7w4j9 (傾偈) 2016年10月7號 (五) 10:46 (UTC)
- 閣下講嘅的確有道理。都係嘅，所謂「世界範圍」只係講人類歷史，由第一個城鎮嘅出現，都唔同地方，唔同嘅人對「鎮」唔定意同再定義，都有佢唔同歷史同政治原因，閣下寫／譯中國個段，正正係咁。係噉意查下，就有呢啲。再睇番英文 wikipedia「鎮」嗰篇，唔只交待咗 "town" 嘅字源，亦提到 "modern phenomenon of extensive suburban growth"，而之後就講，唔同地方「鎮」嘅發展，相當有世界性。都係嘅，人地係大 wikipedia，我哋啲蚊形 wikipedia 好難做到... --WikiCantona (傾偈) 2016年10月6號 (四) 19:59 (UTC)
- 其實係咁嘅，華夏鎮嘅歷史唔應該淨係喺中華人民共和國嘅題目之下？你話華夏鎮嘅歷史係世界範圍，定只係中華人民共和國範圍？！不過，我唔係話一定要將佢搬走。--WikiCantona (傾偈) 2016年10月5號 (三) 09:55 (UTC)