Talk:龍鳳村

@S7w4j9： 其實如果你寫到三行字，應該開楔位文而唔係加資料落呢個地名搞清楚版度... 但係我唔知你啲資料喺邊度嚟，所以唔敢貿貿然自己拆版。翹仔 (傾偈) 2019年8月7號 (三) 22:48 (UTC)

• @Deryck Chan：其實我唔係好想搞出一堆楔位，我覺得粵維楔位够晒多囉😂，再者，之前畀Roy話一話，就當係防止落人口實話廢版啦。資料出自國家地名庫，係中央民政部區劃地名司搞嘅資料庫，大概今年新出，所謂「喺國家層面首次向公眾公開地名資訊」。如果專門開版，我更想為兩廣村名開版，但我又唔甘心做楔，要我寫，我會拉埋地方志資料庫一齊寫，地方志資料庫係武漢嗰邊大學出嘅，好似係中國第一個方誌數據庫。但一部方誌咁厚，怕且使唔少心機研讀，我對外省又唔係十分十瞭解，不如開版就只開住華南先啦。--S7w4j9 (傾偈) 2019年8月8號 (四) 04:55 (UTC)

@S7w4j9： 唔係啊，睇返Wikipedia:刪文討論/歸檔/2019#糖廠_(搞清楚)，我覺得你誤解咗 Roy17 嘅意思。佢話啲村名表係「廢版」正係因為啲村冇楔位文，連過去嘅政區文章冇講嗰啲村。所以開篇楔位文正正就解決咗 Roy17 話啲版係「廢版」嘅爭議。

另一個提議係將每條村嗰兩三行描述寫落個政區嘅文度，然後村名搞清楚版就繼續連去個政區，一樣得。但係將條村嘅描述寫落村名撞名搞清楚版度就唔上唔落，其他維基嘅慣例都唔建議噉做。有實際內容嘅村名表，慣例係將同一個政區嘅唔同村擺埋一齊嚟講，而唔係將唔同省市嘅撞名村擺埋一齊嚟講。翹仔 (傾偈) 2019年8月8號 (四) 13:24 (UTC)

@Deryck Chan：既然係噉都好嘅，噉我現時只做寫過嘅政區。我心力唔夠，其他嘅，來日方長。--S7w4j9 (傾偈) 2019年8月8號 (四) 13:33 (UTC)

當然冇問題，我哋每一個人時間都有限。翹仔 (傾偈) 2019年8月8號 (四) 15:15 (UTC)