|
伏匿匿，可以用諧音字寫成僕喱喱或者伏喱喱，或者叫捉匿人（亦俗寫捉伊人），又叫捉迷藏，係種流行嘅細路仔玩意。玩嘅地方最好有好多可以匿埋，好似森林、大屋、公園。
開始嗰陣，全部人集埋；揀其中一個人去捉人，先伏埋牆、矇住眼或者用手揞（音黯）眼。其他人就響指定時間內匿埋，捉人嗰個就會數數目（好似 1 到 50 噉），時間一到，佢會大聲嗌：「我嚟喇！」，然後去捉返啲人出嚟；玩緊嗰陣，參加者可以四圍走、周圍匿，匿得最耐嘅，就算係贏。遊戲嘅目的係捉晒啲人。
圖片來自：Meyerheim
舊圖 - 更多正圖...
| 
