印洲塘海岸公園

岸邊印洲塘海岸公園牌坊

印洲塘海岸公園（英文：Yan Chau Tong Marine Park）位於香港船灣郊野公園嘅東北面。佢由兩個海灣組成。細啲嗰個喺荔枝窩，用連接涌灣咀同九蘆頭北部嘅直線做界；而另一個海灣嘅兩條海上界線就分別連接住西流江同埋石岩頭。佢另一條界就連住往灣洲嘅老沙田同蕩排頭。佢嘅總面積大約有680公頃咁多。而印洲塘海岸公園咁獨特嘅地貌同埋海景係香港東北部獨有嘅。

地理

印洲塘海岸公園嘅吉澳海、印洲塘同埋啲島仔嘅海岸線好參差不齊，形成咗多種多樣嘅地貌，包括海灣、岬角、半島、陡崖同埋沙坑。喺沙灘之間，有好多岩石同島散佈。有一塊近西流江嘅叫做「印洲」。佢嘅形狀好似一個印咁，佢應該就係印洲嘅改名原因。

物種發現

早期嘅研究指出，荔枝窩同三椏涌曾經搵到矮大葉藻、喜鹽草同埋細喜鹽草呢三種海草。呢一啲海草床可以做哺育場，畀咗一個溫暖嘅屋企啲軟體動物同埋魚類嘅孲𤘅子。除咗做屋企之外，啲海草亦都可以做海膽同埋海龜等等動物嘅嘢食。

除咗海草之外，紅樹喺呢個海岸公園物種較為多嘅地方生根生長。由於紅樹林生長需要一啲特定嘅環境同條件，如果鹽濃度同潮水高低唔定，所以呢啲動植物都要對嚴峻環境具備高度適應力。兩個有代表性嘅紅樹林分別喺荔枝窩同三椏村，兩個樹林面積大約三公頃左右。喺荔枝窩可以搵到香港嘅記錄入面全數八種嘅真紅樹，而喺三椏村，亦有五種。