User:胡葡萄/地盤/vDay
勝利日，係納粹德國喺1945年5月8號對蘇聯正式簽訂投降書，宣布喺第二次世界大戰（響蘇聯叫做偉大衛國戰爭）無條件投降嘅紀念日[1]。 投降書生效嗰日，歐洲中部時間係5月8號，而莫斯科時間係5月9號，因此美國同西歐國家將勝利日定於每年嘅5月8號，俄羅斯同東歐國家就定於每年嘅5月9號[2][3]。
每年嘅呢日，歐洲各地，尤其是喺二戰中勝利或者曾經受納粹德國佔領同襲擊嘅國家，都會以不同嘅方式紀念第二次世界大戰歐洲戰場嘅結束[4]。
慶祝活動
[編輯]
1945年6月24號，莫斯科舉行咗勝利大遊行；隨後嘅蘇聯時期，成個蘇聯同東歐各國都會舉行勝利日嘅慶祝活動，1963年烏克蘭蘇維埃聯邦社會主義共和國同1965年俄羅斯蘇維埃聯邦社會主義共和國更加宣布嗰日係公眾假期。喺蘇聯嘅電影、文學、教科書、藝術同大眾傳媒中，衛國戰爭同投降儀式係一個非常重要嘅題材，慶祝儀式逐漸發展，有會議、講座、酒會、煙花表演等等[5][6]。
俄羅斯總統普京上台之後，佢為咗凝聚民族自豪感，積極推動發展勝利日同紀念活動。2005年勝利日60周年嘅紀念活動係蘇聯解體之後俄羅斯舉行最盛大嘅慶典[7][6]。
慶祝嘅國家
[編輯]
- 亞美尼亞：自1946年起定5月9號做勝利紀念日。
- 阿塞拜疆：自1946年起定5月9號做勝利紀念日。
- 白俄羅斯：自1946年起定5月9號做勝利紀念日，而且係公眾假期。
- 波蘭：自1946年起定5月9號做勝利紀念日。
- 波斯尼亞：自1946年起定5月9號做勝利紀念日，而且係公眾假期[8]。
- 格魯吉亞：自1946年起定5月9號做勝利紀念日。
- 德國：官方無認定5月9號做勝利日，但係喺前東德地區一直有慶祝活動。
- 以色列：自2000年起定5月9號做勝利紀念日，但係之前一直有慶祝活動。
- 哈薩克：自1946年起定5月9號做勝利紀念日，而且係公眾假期。
- 吉爾吉斯：自1946年起定5月9號做勝利紀念日。
- 摩爾多瓦：自1951年起定5月9號做勝利紀念日。
- 黑山：定5月9號做反法西斯勝利紀念日，而且係公眾假期。
- 俄羅斯：自1946年起定5月9號做勝利紀念日，而且係公眾假期。如果嗰日係周末，隨後嘅星期一都放假。
- 塞爾維亞：自1946年起定5月9號做勝利紀念日。
- 塔吉克：自1946年起定5月9號做勝利紀念日。
- 土庫曼：自1946年起定5月9號做勝利紀念日。
- 烏克蘭：自1946年起定5月9號做勝利紀念日，而且係公眾假期。同俄羅斯一樣，嗰日係周末，隨後嘅星期一都放假。不過，喺2014年Euromaidan運動同其後嘅克里米亞危機後，烏克蘭跟隨西歐國家喺5月嘅8至9號慶祝勝利日[9] [10]。
- 英國：每年5月9號喺帝國戰爭博物館貝爾法斯特號館慶祝勝利日[11]。
- 烏茲別克：1946年至1988年間定5月9日做勝利紀念日。
參考
[編輯]- ↑ 〈普京：勝利日永遠是重要的節日〉。《俄羅斯之聲》 (中文)。2014-05-09。喺2014-06-19搵到。
- ↑ 〈背景資料：戰勝德國法西斯紀念日〉。《網易新聞》 (中文)。2014-05-08。喺2014-06-20搵到。
- ↑ 〈俄羅斯勝利日〉。《俄羅斯旅游中文網》 (中文)。2011-01-09。喺2014-06-20搵到。
- ↑ 〈歐洲勝利日〉。《環球網》 (中文)。2014-05-08。喺2014-06-20搵到。
- ↑ 〈莫斯科喜迎勝利日〉。《鳳凰網》 (中文)。2014-05-08。喺2014-06-20搵到。
- ↑ 6.0 6.1 Ločmele, K.; Procevska, O.; Zelče, V. (2011). "Celebrations, Commemorative Dates and Related Rituals: Soviet Experience, its Transformation and Contemporary Victory Day Celebrations in Russia and Latvia" (PDF). Muižnieks, N. (ed.). The Geopolitics of History in Latvian-Russian Relations. Riga: Academic Press of the University of Latvia.
- ↑ 〈俄羅斯紀念衛國戰爭勝利日〉。《新華網》 (香港中文)。2011。喺2014-06-19搵到。
- ↑ "Utvrđen Prijedlog zakona o praznicima BiH". parco.gov.ba (波士尼亞文). 2009-07-16. 喺2014-06-19搵到.
- ↑ 〈俄媒:乌克兰基辅决定胜利日不举行军事检阅(图)〉。《中国新闻网》 (中文)。2014-04-28。喺2014-06-19搵到。
- ↑ 〈乌克兰首都举行胜利日活动〉。《联合早报网》 (中文)。2014-05-09。喺2014-06-19搵到。
- ↑ 〈英国女皇向俄罗斯伟大卫国战争老战士祝贺胜利日〉。《俄罗斯之声》 (中文)。2014-05-10。喺2014-06-20搵到。