Wikipedia:公平使用

出自維基百科,自由嘅百科全書
(由Wikipedia:合理使用跳轉過嚟)

未經版權持有人許可而擅自使用版權物品,即屬版權侵害,係犯法行為。而根據美國版權法,1922年後出版嘅大部分作品都受到版權保護。因此,伺服器位於美國嘅維基百科,一般只能使用沒有版權嘅材料、或者係內容開放嘅材料。

不過,包括美國在內嘅一啲國家或地區嘅版權法,存在喺一個重要嘅例外條款。哩嗰就係容許喺一定嘅情況下,可以唔經版權持有人授權而使用版權物品。咁樣嘅例外概念叫做公平使用(又稱合理使用公平處理等等)。以下係「公平使用」嘅概括性指引,用嚟協助編者判斷係咪可以以「公平使用」名義上載使用版權物品。本頁內容並唔係正式方針、亦唔係法律意見用戶本身有法律責任判斷自己上載嘅作品係咪合法。

如果您要根據「公平使用」去用版權物品,您必須明確咁宣稱。不過,我哋嘅使命始終係要創造一部內容開放嘅百科全書,因此版權狀況自由、或者屬於公有領域嘅作品,都比「公平使用」版權物品嚟得優勝。

要知道版權法保護嘅係意念嘅創意表現形式,而唔係意念本身。因此,您睇咗受版權保護嘅作品,自己將資訊消化過後再重新喺維基百科發表,係完全合法嘅事情。總之,為咗免除不必要嘅法律風險,請確認您了解公平使用嘅準則先至上載哩類圖片,或者係用完全冇版權顧慮嘅作品。

維基媒體基金會保留隨時移除有版權內容嘅權利。

應該屬於公平使用[編輯]

具體嘅「公平使用」判斷準則,請參見Wikipedia:公平使用準則。以下簡單說明中文維基百科各種可能嘅公平使用形式,如果您有任何疑慮,歡迎到Wikipedia:互助客棧/求助詢問。

概說[編輯]

一般嚟講,根據美國《1976年版權法案》(17 U.S.C. §107),公平使用有四項要素:

  1. 使用嘅原因及性質,包括屬於商業性質或係非牟利教育性質;
  2. 版權作品嘅性質;
  3. 相對於整份版權作品,所使用嘅份量及比重;
  4. 使用後,對版權作品嘅潛在市場或價值嘅影響。

簡單嚟講:

  1. 唔可以嘗試「超越原作嘅目的」,而應該用於教育或批評。
  2. 份量比重越細越可能屬於合理,但亦要考慮所使用部份嘅重要性,以免「超越原作」。
  3. 唔可以侵犯版權持有人利用原作得益(例如唔能夠代替原作出版),但通過批評或模仿原作則另作別論。

文字[編輯]

簡短地引用版權文字來描述論點、輔助說明、印證某概念或觀點,都可能屬於公平使用。引述嘅文字必須一字不漏轉載,並清楚註明來源,任何修改必須清楚註明:省略([……])、插入文字([加入文字])、或改變重點(「着重號為編者所加」)。

一般嚟講,大量引用有版權嘅新聞材料(如報章或通訊社信息)、電影對白、或者任何其他版權文字,會被視為抄襲而唔係公平使用。維基百科方針明確禁止呢種行為。

聲音剪輯[編輯]

30秒以下嘅簡短音樂剪輯,可以用於辨識某音樂風格、樂團或象徵性歌曲,但必須輔以相關嘅批評或歷史論述,並清楚註明版權持有人資料。

歷史事件嘅錄音,例公眾人物演講,須用於相關批評或歷史論述,並清楚註明發言者資料。

含有引述版權文字嘅文,應該避免創建朗讀版本,因為錄音檔案唔能夠以GFDL發布。

圖像[編輯]

維基百科一般准許喺文章中,公平使用分為以下幾大類版權圖像,協助內文作出批評及分析。

  • 封面圖像:用於辨識以及評論書刊、產品等(而唔純粹用於辨識)。
  • 團體及商戶標誌:用於辨識該團體或商戶。
  • 郵票及貨幣:用於辨識郵票或貨幣。
  • 其他官方宣傳圖片:海報、場刊、告示板、廣告、宣傳照等,用於辨識以及評論該組織。見Wikipedia:宣傳照片
  • 電影及電視螢幕截圖:用於辨識以及評論圖中電影或電視節目。
  • 軟件螢幕截圖:用於辨識以及評論該軟件。
  • 圖畫等視覺美術作品:用於辨識以及評論該作品或作者,例如輔助說明某繪畫風格。

請注意:

  • 如果您想轉載其他語版維基百科嘅公平使用圖片,該維基計畫就冇得稱為原圖出處,因為該計畫只係喺轉載,唔係發表嘅地方。請清楚註明原圖嘅出處網址、作者等資訊。如果您唔能夠搵到哩啲資訊,請唔好將佢轉到中文維基百科,而哩張圖片亦應該喺其他計畫中提請刪除。
  • 絕對唔可以將「公平使用」嘅圖片,放入個人用戶頁進行展示。

唔屬於合理使用[編輯]

反過嚟列舉唔適合公平使用嘅例子,可能有助您理解公平使用嘅概念。唔適合例子有:

  1. 冇註明來源,引用一段或幾段版權文字內容。
  2. 使用唱片封面嘅玫瑰圖象,用來說明玫瑰哩一種植物。
  3. 使用從地圖冊掃瞄出來嘅地圖,用來說明圖中嘅地區。
    • 唯一可能適合嘅公平使用理由,就係該圖本身具有爭議性,而條目內文有作出相關論述:例如地圖描繪有主權爭議嘅領土。
  4. 使用唔係特別有名嘅藝術家嘅普通作品,而該作品剛巧發表喺文化大革命時期(1966至1976年,版權未過期),用來說明文化大革命哩一事件
  5. 使用一般通訊社嘅新聞照片(例如路透社美聯社),圖片沒有特別象徵意義,只用嚟說明圖中人物。
  6. 使用偶像藝人閃卡嘅掃描圖,來裝飾該藝人條目頁面。閃卡掃描圖案若用來說明閃卡本身,則可能係適合嘅公平使用根據。
  7. 使用雜誌封面掃描圖,來說明圖中人物。
    • 如果該期雜誌對圖中人物有關鍵性影響,而條目內文中對此有所介紹,則可能係適合嘅公平使用根據。
  8. 使用原圖出處不明嘅網上圖片,來說明圖中人物。
  9. 使用受到版權保護嘅在世人物嘅照片用嚟描述佢嘅長相。
  10. 圖表,完全可以根據原始數據重新繪製

加上合適標籤[編輯]

上載公平使用圖片嘅時候,和上載任何圖片一樣,請務必註明圖像描述摘要、圖像來源、作者等資訊。請從wikipedia:圖像版權標籤選擇適合嘅標籤,並說明公平使用嘅理據。

如果上述頁面冇適合嘅標籤,而您堅信您嘅圖片可以公平使用,請使用{{Fair use in|適用文章}}模,並喺其後加上公平使用理據。將顯現為:


Copyrighted

This work is copyrighted and unlicensed. It does not fall into one of the blanket fair use categories listed at Wikipedia:Fair use#Images or Wikipedia:Fair use#Audio_clips. However, it is believed that the use of this work in the article "適用條目" :

  • To illustrate the subject in question
  • Where no free equivalent is available or could be created that would adequately give the same information
  • On the English-language Wikipedia ([1]), hosted on servers in the United States by the non-profit Wikimedia Foundation ([2]),

qualifies as fair use under United States copyright law. Any other uses of this image, on Wikipedia or elsewhere, may be copyright infringement. See Wikipedia:Fair use and Wikipedia:Copyrights.

To the uploader: this tag is not a sufficient claim of fair use. You must also include the source of the work, all available copyright information, and a detailed fair use rationale.


後續使用維基百科[編輯]

維基百科係一部「自由嘅百科全書」,使命係要創造一部內容開放嘅百科全書。咁代表任何人只需按照GNU自由文檔許可證(簡稱GFDL)嘅條款,都可以喺任何時候、通過任何媒體、毫無限制地分發、修改維基百科嘅內容。

既然要保障內容自由開放、畀其他人士或組織作出後續使用(downstream use),維基百科就唔能夠接受「只供維基百科」或「非商業使用」等自由度唔夠嘅圖片。哩方面嘅方針政策其實有啲模糊——維基百科雖然本身係非牟利機構、從而公平使用嘅理據較強,但其他想使用或發佈維基百科內容嘅機構,就未必能夠以同樣嘅理由使用,即使同樣以GFDL發布內容。

因此,某啲公平使用圖片可能適合維基百科,但咁並唔等同其他組織同樣可以公平使用圖片。使用維基百科嘅組織必須自己衡量使用哩類圖片係咪合理。另外,現時嘅公平使用指引大多針對伺服器所在地——美國嘅版權法,其他國家或地區嘅法律可能同樣含有公平使用嘅條款,但準則可能唔盡相同。

為咗幫助維基百科嘅後續使用者判斷係咪可以公平使用圖片,提供圖片嘅原出處係極為重要。後續使用者有法律責任判斷使用嗰幅圖係咪合理,咁同維基百科嘅聲稱無關。嚴謹地提出圖片來源同樣可以協助維基百科,證明我哋唔係嘗試冒稱係圖片嘅原創者。

本地嘅公平使用[編輯]

原作人嘅創作利益應優先受到保護,但現時嘅版權保護喺粵文化圈同大中華圈度,需留意由於受到咗唔同美國民主體系嘅政權體系影響,係會優先政權同利益密切者嘅利益而唔係原作人嘅利益,包括咗公共資產同開放資產等都可以被特權化,實質上係同本指引同普世嘅公平原則會有極大衝突。

對於本地實際度講,喺優先考慮原作人嘅利益下,喺內容檔案度應盡可能標識原作人嘅資訊,保證原作人嘅作品有署名而唔會違反本指引表面約束。如果本地係考慮到咗標識嘅政治風險等而未有提供資訊,請盡可能說明有關嘅風險,但唔能作為違反版權法理、唔能用喺商業或盈利等表明唔可公平使用嘅情況。

喺原作人如匿名或未公開要求署名標識情況下,所發佈嘅作品,除極具歷史同文化價值,仲對粵維同粵文化圈,乃至世界都有獨一無二嘅文教意義,同埋關乎到咗粵文明社群(同其他嘅)公共利益等,應理解係滿足咗公平使用嘅條件。合乎呢啲定義嘅作品,亦謹記唔能作為違反版權法理、唔能用喺得私家商業或私家盈利等受益而違背咗公共利益要求嘅情況。

喺表明遵循公平使用嘅作品,如需引用版權法理同規例要重新評估係咪有授權資訊,應考慮返上述嘅表示,同時要考慮到有關政治審查風險、問題同係咪合乎原作人嘅真實利益。判斷如實質未有合乎原作人嘅真實利益或本地公共利益等嘅情況,應堅持返有關嘅公平使用狀態

維基媒體基金會其他計劃[編輯]

上述方針源自英文維基百科([3]),中文維基百科因循參照哩個方針。其他計劃處理公平使用嘅準則、態度同制度未必相同。有啲計畫完全唔接受公平使用(如維基共享資源),請多加注意您參與版本嘅方針。


睇埋[編輯]