Wikipedia:共識可以改

維基百科希望達到以共識為目的。由於維基一路咁發展會令一啲共識改變，但都唔等如可以當一啲已經行緊嘅共識無到；只係話喺維基方針係乜可以改，一次決定之後出現嘅異議可能代表共識變咗。所以我哋都要接受－－姑勿論個決定係基於投票或者乜都好。如果要達到最好決定，咁每個人嘅意見都需要尊重。如果有拗撬，就要搵一種大家都接受嘅出路。投票唔係常法；而且任何投票結果都唔係箍死（binding）嘅。

咁唔係話之前傾好過嘅嘢可以一下子就抹晒去，亦唔代表可以完全唔理先例。有啲做法係唔要得，例如死纏爛打不斷咁點名剷走某篇文直至達到目的。但又唔等如話之前決定過，就唔可以拎出嚟講：如過你睇到有樣決定已經過晒氣，你可以去城市論壇，要求意見或者篇文嘅討論版問下，睇下有無人和議。得你自己一個人講唔算新共識。另外討論本身未有共識嘅，過咗幾耐冇人討論都好，亦都唔算有新共識。

維基自然會日日變。日日有新人嚟，自然就有新料新諗頭。我哋自然就有好多以前無嘅見解。所以，有地方去挑戰之前決定係好重要嘅－－無論個決定係嚟自投票定共識。換言之，每項決定應該都可反轉，唔應係定死嘅。

但係，有少數決定真係決定，除非條友自己反轉渠。例如珍寶威、仲裁會同維基媒體塊板啲禁。想反轉呢啲決定，要向嗰條友上訴。

睇埋

Wikipedia:共識
唔好乜嘢都要投一票
呢頁以前叫做「無一樣決定係死嘅」(No binding decisions)