Wikipedia:城市論壇

出自維基百科,自由嘅百科全書
(由Wikipedia:VP跳轉過嚟)
跳去導覽 跳去搵嘢

歡迎嚟到城市論壇。呢一組頁面係用嚟討論有關技術問題、政策,同埋維基百科嘅運作,分成五個地方。

呢版唔係用嚟做討論。請用下面嘅表去搵出最適合嘅部份貼文,或者貼喺「雜項」部份。請喺有關嘅版度貼文時簽名同埋加上日期(用~~~~或者喺編輯工具列中撳一下簽名掣)。

城市論壇小節

Edit-find-replace.svg
政策
監察
去討論現有同埋建議嘅政策

Preferences-system.svg
技術
監察
去討論技術性問題。有關wiki軟件嘅臭蟲報告請用Phabricator

Dialog-information on.svg
提議
監察
去討論同政策無關嘅提議。

Tools-hammer.svg
諗法實驗室
監察
喺貼俾社群之前提議討論諗法同埋嘗試搵有關問題嘅解決方法

Help-browser.svg
雜項
監察
去貼唔能夠符合任何類別嘅信息

一次過去睇城市論壇所有嘅部份

Hyperlink-internet-search.svg
唔使等到星期日嘅中午十二點,亦都唔使拎張飛,隨時隨地都可以嚟呢個論壇度討論維基百科嘅大小事情 []
呢個地方就好似一個熱廚房噉,當有人討論一啲議題嗰陣,呢個論壇係會搵嚟一啲嘉賓或者台下觀眾發言去改善佢哋嘅嘢。
其它幫手同埋討論位置
我想…… 去邊度
一次過瀏覽晒全部「城市討論」嘅議題 城市論壇 (全部)
知道點用維基百科 幫助櫃枱
查詢特定嘅事實(例如邊個係第一位教宗 詢問處
為某篇文章提出建設性嘅批評 同儕互評
幫手解決某一篇文章所引起嘅爭執或者投訴某用戶行為 請求意見
喺某篇文章加上您嘅評論 文章嘅對話頁
睇其他維基媒體嘅計劃 元維基
知道點樣喺一本書或雜誌度引用維基百科 引用維基百科
報告複製自維基百科內容嘅網站 鏡像同埋分叉


呢個係城市論壇 (全部)嘅頁面,係會列出現時所有嘅討論以便閱讀。去城市論壇睇吓城市討論嘅部份,又或者撳吓喺每一個小節中嘅編輯連結去表達你嘅意見。要睇吓喺呢一頁嘅全部修訂,撳喺上面嘅歷史連結,並依照螢光幕上面嘅指示。

撳吓呢度去清除喺呢一頁嘅伺服器快取(去睇響城市討論部份嘅最近更改)


多過7日嘅討論(根據最後嘅評論)會被移到每個部份嘅分頁(叫做(小節名)/歸檔)。哩啲嘅討論會再喺嗰度保留7日。喺哩一段嘅時間嘅討論,如果可以嘅話,就可以移動到有關嘅對話頁。喺7日之後嘅討論會喺歸檔頁同埋主頁度刪除。佢哋之前嘅討論仍然可以喺佢哋嘅頁面歷史中搵到(可能會比較難搵到)但係唔可以搜尋到。

政策

更新即刻刪除嘅標準

提議更新Wikipedia:即刻刪除嘅標準,加入針對各類有問題嘅檔案嘅標準:

而家嘅政策 改咗嘅政策
...
(無)
...
任何檔案版如果有以下任何一個情況,亦都可以用{{delete}}提出即刻刪除:
  1. 本地wiki度有一模一樣嘅檔案,質素一樣甚至更高
  2. 超過7日無文章用嘅非自由/公平使用檔案
  3. 維基同享度有一模一樣嘅檔案,質素一樣甚至更高,而本地嘅檔案無加到{{Do not move to Commons}}

希望各位畀下意見。H78c67c·傾偈 2020年8月17號 (一) 10:06 (UTC)

即係CSD F1, F5 同埋 F8。 Shinjiman 2020年8月18號 (二) 01:42 (UTC)
應該考慮同享保存檔案經已唔穩陣嘅情況,貿貿然認為同享可以永久保存到同類型嘅高質素檔案,相信以而家嘅所謂「執法」環境會係唔實際嘅預想。
另外喺本地,仲未有足夠人手、積累同發展都係比較緊要,如果開波擴展埋偏向官僚化嘅分層式刪除政策,有可能限制埋粵維本身嘅特有氛圍。
就具體嘅條文,唔建議增加第二、三條嘅指示。應該仍然先有相當嘅個案實踐先,畀本地積累更多嘅參與同討論經驗。
希望唔同朋友都可以參與埋討論,等各方多了解唔同嘅角度,把握好本地自己啲檔案資料嘅存續事宜。——Longway22 (傾偈) 2020年8月18號 (二) 09:13 (UTC)
設立第2條純粹係擔心版權法律問題:維基百科唔係愛嚟收集檔案嘅地方,非自由檔如果長期都無文用,會變做唔符合公平使用。希望Longway22閣下講解下呢一項嘅具體問題。至於第3項,我理解到Longway22閣下嘅顧慮。如果閣下係擔心同享可能會刪走啲檔案嘅話,唔知噉樣改完之後,會唔會有啲改善呢?
而家嘅政策 改咗嘅政策
...
(無)
...
任何檔案版如果有以下任何一個情況,亦都可以用{{delete}}提出即刻刪除:
  1. 本地wiki度有一模一樣嘅檔案,質素一樣甚至更高
  2. 超過56日無文章用嘅非自由/公平使用檔案
  3. 維基同享度有格式同內容一模一樣嘅檔案,質素一樣甚至更高,而本地嘅檔案無加到{{Do not move to Commons}}。呢個檔案所用嘅協議,要喺同享度係毋庸置疑噉一定會接受,並且唔符合同享嘅刪除標準。
--H78c67c·傾偈 2020年8月18號 (二) 09:52 (UTC)
個人建議係先要加返個本地並唔要求強行執行本條文,可根據個案實際而酌情處理。而因應唔同嘅實際變化同個案情況,應適時討論條文嘅效力、存續同修訂等事幹喺尾,唔係就改咁多過骨嘅話都係覺好牙煙。
喺呢度或者仲要問下譬如User:Wpcpey閣下,因為大規模嘅檔案剷除活動之前係非常之交關,相信啲經驗都會畀到呢個議題參考。——Longway22 (傾偈) 2020年8月18號 (二) 10:22 (UTC)
另外補充埋相關實踐記錄嘅匯總,供參詳同考慮。——Longway22 (傾偈) 2020年8月18號 (二) 10:26 (UTC)
原來係咁。如果設立一版,收集因為第3項而俾人提議即刻刪除,擺28日,通知埋上載嘅用戶。如果有異議就轉去刪文討論,無異議先刪走,咁又得唔得?H78c67c·傾偈 2020年8月18號 (二) 10:44 (UTC)
我再仔細諗過,其實第3項執行上有一定嘅難度,亦都可能失去咗即刻刪除嘅原意,所以我都係決定噉樣改:
而家嘅政策 改咗嘅政策
...
(無)
...
任何檔案版如果有以下任何一個情況,亦都可以用{{delete}}提出即刻刪除:
  1. 本地wiki度有一模一樣嘅檔案,質素一樣甚至更高
  2. 超過56日無文章用嘅非自由/公平使用檔案
第1項相信都無乜好拗啦,而第2項我覺得真係有需要加入,皆因呢度係維基百科,唔係相簿。H78c67c·傾偈 2020年8月21號 (五) 15:14 (UTC)
早排先至處理過呢類問題,好高興見到開咗個討論去傾。第1項無乜爭議,但基本上好少出現呢類情況,實務上好少機會用得到。第二項我就覺得56日太長,如果嫌7日太短,我覺得加到28日或者30日都已經好夠。原建議第三項「維基同享度有一模一樣嘅檔案,質素一樣甚至更高,而本地嘅檔案無加到{{Do not move to Commons}}」我係贊成嘅,同享同本地原則上唔應該兩邊擺,就算有個別嘅圖想兩邊擺,大可以畀個合理理由加{{Do not move to Commons}}去留住,無必要全部都保留。
不過我覺得粵維最大問題,係管理員無「即刻」處理「即刻刪除候選」,拖幾個月都無管理員處理(呢一刻積壓咗2個類、27篇文、4個模、1版Wikipedia頁、37個檔),咁先至係「失去咗即刻刪除嘅原意」。處理方式無非得三種:明顯無爭議嘅就刪;明顯唔合理嘅就留;有得拗嘅就搬去刪文討論畀大家傾。--Kwgulden (傾偈) 2020年8月22號 (六) 08:35 (UTC)
唔多同意Kwgulden閣下嘅睇法。本編喺上邊擺咗嘅意見同實際情況,係必需喺呢個修訂案入邊考慮返。個案譬如File:Kapok_flag.jpg,隔離出嘅「判例」就非常之唔夾本地嘅公共利益等立足點。
本地嘅問題在於參與、活躍嘅朋友唔夠,呢家做本地站務,認為著眼係鼓勵搞多啲活動最好。激勵返大家多睇、多執拾下啲版面檔案,多咗人一齊整理同討論,自自然有得整合出更好嘅打理思路。
長時間嘅緩衝,放入條文度去係冇問題嘅,仲有繼續要加埋返上邊本編要求追加嘅一段話,呢個先至唔會太擔心個指引嘅解讀出現啲問題。
而根據返本地嘅收文(收錄)目標同傳統嘅因素,再照搬著官僚化嘅排隊加速刪檔案規例,係總歸會打擊返本地編輯、甚至加大咗阻礙本地探索同更多嘅彈性空間。
下邊附上返原隔離度嘅檢討案整理嘅表單,方便本地各位再理解前鑑。(暫唔翻譯)
@H78c67c 如果提案寫到「呢個檔案所用嘅協議,要喺同享度係毋庸置疑噉一定會接受,並且唔符合同享嘅刪除標準。」咁複雜(仲要估同享嗰邊班版權大班個腦諗緊乜,我貢獻咗十幾年都未諗得透),不如簡單啲寫「冇合理原因留晒兩份」(睇下我下面提案),畀個酌情權提出刪除同埋執行刪除嘅人。翹仔 (傾偈) 2020年10月8號 (四) 14:33 (UTC)

翹仔嘅提案

我睇咗兩個提案,覺得其實應該噉改:

而家嘅政策 改咗嘅政策
冇標明版權嘅檔案 任何檔案如果有以下任何一個情況,亦都可以用{{delete}}提出即刻刪除:
  1. 冇標明自由版權或者公平使用理據,又冇文章用緊
  2. 本站或者維基同享有一模一樣嘅檔案,質素一樣甚至更高,又冇合理原因留晒兩份

至於點解我覺得唔使加7日/56日冇文用檔案呢個提案?因爲維基軟件冇直接查閱以前有冇文用一幅圖嘅方法。所以,執行起上嚟都係要先標記,然後等足N日,跟住先至刪得。噉嘅話已經唔係「即」刪,而家已經有Wikipedia:版權問題(或者Wikipedia:刪文討論都得)處理哩類陳年舊檔。@KwguldenH78c67cShinjimanLongway22考慮下。翹仔 (傾偈) 2020年10月6號 (二) 23:57 (UTC)

多謝翹仔提出咗修訂,睇咗下條文認為係可以接受著。——Longway22 (傾偈) 2020年10月7號 (三) 02:06 (UTC)
同意翹仔嘅提案。H78c67c·傾偈 2020年11月1號 (日) 05:09 (UTC)
似乎無人有異議,係咪結得案?H78c67c·傾偈 2020年11月12號 (四) 19:45 (UTC)
檔案相關CSD政策結咗案,修改咗Wikipedia:即刻刪除嘅標準,並且以第二項新加準則執行咗一次刪檔動作。H78c67c·傾偈 2020年11月18號 (三) 19:20 (UTC)

中文維基百科 CSD F章節嘅檢討

  • 原草擬檢討單如下:
zh:WP:CSD F章節檢討表(對中維)
條例冧巴 針對嘅內容 檢討意見
F3 提報後超過5天仍來源不明的檔案 顧及維基長期歷史實際而言,相當違規檔案的上載人,以假定善意下考慮,提供、申報來源等未滿足程序要求,或許有當時的編輯疏忽,並受到時間限制、回溯限制等客觀因素影響;而不同編輯均有各自忙碌而參與短暫,未必長時間參與兼留意站務變動,還考慮WP:CSD體系處於頻密提修、多變時期,導致對應審查程序變幻,而與之相應的重審程序等諸項,對於潛在影響檔案與關聯不同編輯的實際,均未有充分適當的顧及,不能反映出對社群友善包容等的維基精神。長久亦可令維基站務等陷入WP:CENSOREDWP:BURO等所應當避免出現的境況。
F4 提報後超過5天仍未知版權或版權無法被查證的檔案
F6 提報後超過5天的沒有被條目使用的非自由版權檔案 未有充分考慮潛在專題採編,對於潛在影響檔案與關聯不同編輯的實際,均未有充分適當的顧及,不能反映出對社群友善包容等的維基精神。
F8 提報超過5天的明顯侵權之檔案 指示的兩種情況定義有模糊、空泛等的空間,可引致WP:CENSOREDWP:BURO等所應當避免出現的境況。同時可能未充分考慮潛在專題採編,未充分顧及潛在影響檔案與關聯不同編輯的個案實際。
F9 提報超過5天的沒有填寫任何合理使用依據的非自由版權檔案 同對F3、F4的意見。

——Longway22 (傾偈) 2020年8月22號 (六) 09:28 (UTC)

H78c67c留意到粵維其中一項長期無乜人理嘅工作,絕對係件好事。粵維有大量圖根本唔符合本地上傳嘅條件,換轉係比較活躍嘅語言版本晨早就處理咗,不過因為粵維活躍度低,加上唔刪都唔會對粵維構成咩嘢影響,所以大家一路都隻眼開隻眼閉。當然,之前鬆咗咁耐,一下子收返緊比較容易引嚟反對聲音。保守啲嘅做法係唔好行「即刻刪除」條路,改用「提刪討論」方式去處理(況且Kwgulden講得無錯,粵維除咗管理員主動即刻刪除之外,其他人提嘅即刻刪除申請,都要擺一段長時間,結果所需時間同提刪討論無乜分別。)--Kowlooner (傾偈) 2020年8月23號 (日) 11:46 (UTC)

查實先前都提過,檔案方面,直接放棄本地上載。只淨低少數用例,根本係無須特別遷就,搞到頭都大埋,一篇文少一幅圖都唔係乜大件事。版權問題係好複雜嘅嘢,尤其依度人手唔夠,要釐清問題,都費時失事。交畀同享處理好過。HenryLi (傾偈) 2020年10月7號 (三) 04:50 (UTC)

就著呢家嘅各種發展,單一交由同享處理所有關聯快勞嘅選擇,個人仍然會保留意見。退一步講如果唔想粵維主站度存儲資料,起碼要有返粵維配套獨立嘅分站計劃,先至再主推點樣清理啲檔案。認為喺唔明朗嘅壓力下,同享同其他計劃未來好大機會,係冇法系統咁維護返受到打壓嘅文明圈利益,相對必須預留更多嘅空間保證到本地同關聯利益嘅發展。——Longway22 (傾偈) 2020年10月7號 (三) 09:49 (UTC)

@HenryLiLongway22可以考慮開「uploader」用戶組,而自動確認用戶唔可以上載檔案。你哋點睇?翹仔 (傾偈) 2020年10月7號 (三) 10:30 (UTC)
唔贊成呢個方案。——Longway22 (傾偈) 2020年10月7號 (三) 11:15 (UTC)
咁樣好啲。減少可以上載嘅人,至少要好清楚依度規則,要有莫大嘅理由先至上載。維基非常之睇重版權問題,而版權判定又非常之複雜,又要左查右查,耗費人力。本來人力就唔夠,定幾多日去搞掂,根本天方夜談,積壓又會有人嘈。何況一篇文少一張圖,根本唔係咁大件事。而且要盡量推啲人放喺同享先。HenryLi (傾偈) 2020年10月7號 (三) 17:29 (UTC)
個人反對一刀切禁絕所有本地上載,因為總會有公平使用檔案,想喺文章度用;但同意要提高上載門檻。好多本地嘅所謂「公平使用」圖,其實係唔符合好多其他主要語言維基百科嘅相關政策。但粵維呢度相對細好多,就算係侵犯版權,都無乜人理呢啲嘢。提高上載門檻,確保有upload權限嘅用戶,清楚明白相關政策,其實係理所當然嘅。H78c67c·傾偈 2020年10月7號 (三) 17:44 (UTC)
@KowloonerKwguldenShinjiman 你哋點睇?翹仔 (傾偈) 2020年10月8號 (四) 14:23 (UTC)
同意開「uploader」用戶組(同時取消自動確認用戶上載檔案權限)。粵維根本無乜人手檢查圖片,但全面禁止上載又影響真正需要用fair use圖嘅文,節衷做法係只開放畀熟悉上載規則嘅人本地上載。--Kowlooner (傾偈) 2020年10月11號 (日) 11:09 (UTC)
唔反對你個方案。但希望可以正視我提出「即刻刪除」長期無人跟(都係 受理/唔受理/搬去存廢討論 三揀一啫)嘅問題。--Kwgulden (傾偈) 2020年11月1號 (日) 03:03 (UTC)
建議一律改去Wikipedia:管理員留言板提出,或者Wikipedia:刪文討論。唔好搞咁多途徑,歸一處理會快啲。HenryLi (傾偈) 2020年11月1號 (日) 03:30 (UTC)
言下之意即係所有「即刻刪除」需求都要報一次Wikipedia:管理員留言板,管理員先至肯處理?其他語言版本都係由管理員睇住Category:即刻刪除候選就得,點解粵維要麻煩提刪者做多一步?我絕對明白同理解管理員係義務工作,但處理「即刻刪除」確實係管理員職責,非管理員無得代勞,只要任何一位管理員肯跟貼少少,已經可以解決呢個問題。--Kwgulden (傾偈) 2020年11月1號 (日) 03:43 (UTC)
實行方式一向就嗰處維基人決定,因地制宜,無話必定得一種實行方法。其他都係指好多人做嗰啲啦。而且有乜緊急到立即刪除,係提出刪除嘅人要求,咁只不過打多幾隻字,方便判斷,咁已經可盡快處理,解決到大家問題。HenryLi (傾偈) 2020年11月1號 (日) 04:16 (UTC)
同埋,好明顯有問題嗰啲,唔使講都處理咗。剩低未處理,大多數係難以判斷。尤其好多維基友,只係掛個模就走咗去,大家又憑乜判斷呢?咁不過交去Wikipedia:管理員留言板,或者Wikipedia:刪文討論,咁畀社羣充份討論。現時未處理嗰啲,一律全部移走啲模。HenryLi (傾偈) 2020年11月1號 (日) 04:57 (UTC)

uploader群組

最近又有用戶,上載多張高清非自由圖,又唔加rationale。「uploader」群組實屬必要措施。H78c67c·傾偈 2020年11月1號 (日) 06:00 (UTC)

同意。要盡快限制上載者。HenryLi (傾偈) 2020年11月1號 (日) 17:41 (UTC)
建議提升自動確認用户嘅門檻,限制上載者。Matttest (傾偈) 2020年12月4號 (五) 02:06 (UTC)
覺得英維行緊嘅『延伸確認』權限 (30/100500) 用唔用得着?喺呢度嘅可以將上載嘅權限放喺呢個組度得唔得呢? Shinjiman 2020年12月4號 (五) 02:53 (UTC)
(edit conflict) @Matttest齋提升autoconfirmed門檻來限制上載相信無乜實際效用:家下唔係話有新用戶一有autoconfirmed就亂upload嘢,而係想限制長期違反政策上載嘅用戶,呢啲用戶早就有autoconfirmed。(封鎖以外)最有效嘅辦法就係設立uploader群組,淨係畀顯示到符合政策嘅上載行為嘅用戶,違反上載政策嘅就revoke,就係咁簡單。H78c67c·傾偈 2020年12月4號 (五) 02:56 (UTC)
@Shinjimanenwiki嘅extendedconfirmed係「30/500」。而家想限制嘅用戶多數已經達到呢個門檻。H78c67c·傾偈 2020年12月4號 (五) 02:57 (UTC)
其實呢,呢個討論每拖多一日,就多幾份唔符合規則嘅檔案畀人上載。我想整份唔符合規則嘅檔案一覽,User:H78c67c/large-non-free-files,過一陣返來已經有多咗幾十份檔案。況且我初步分析咗嘅一半非自由檔,800個檔案入面有556份檔案唔符合規則,高達69.5%,直頭係令人震驚。H78c67c·傾偈 2020年12月4號 (五) 03:08 (UTC)
喺技上面要睇吓AF有冇機會可能搵得到呢類嘅編輯,如果有嘅話加AF可能會有效。 Shinjiman 2020年12月4號 (五) 04:28 (UTC)
@Shinjiman其實AF可能都得:action='stashupload' | action='upload' & file_width*file_height > 100000,大過100000像素嘅如果係自由圖就叫人upload去同享,非自由圖就要等管理員判斷適唔適合。H78c67c·傾偈 2020年12月5號 (六) 06:38 (UTC)
針對「呢個討論每拖多一日,就多幾份唔符合規則嘅檔案畀人上載」問題,建議即時起完全暫停本地上載功能,直到有討論結果為止,咁樣應該可以令大家積極啲搵共識,唔使無了期拖落去。--Kowlooner (傾偈) 2020年12月6號 (日) 15:50 (UTC)
整咗38號過濾器,隨時開得。H78c67c·傾偈 2020年12月6號 (日) 22:03 (UTC)
@Kowlooner即使係臨時暫停本地上載功能,都會大大影響新條目質素。--Matttest (傾偈) 2020年12月7號 (一) 00:54 (UTC)
@Matttest其一,係「文章」,唔係「條目」。其二,而家好多新上載嘅檔案,都係電影海報、唱碟封面等,上網搵亦非難事,至多係少張圖噉解。其三,而家應該唔使行到嗰步,因38號過濾器而家開咗試用緊。最重要嘅係,如果呢啲違反基金會政策嘅行為持續嘅話,分分鐘唔係臨時,而係更長時間。H78c67c·傾偈 2020年12月7號 (一) 01:43 (UTC)
@H78c67c個AF應該要規定上載文本度一定要有用喺文章嗰度嘅原因同理由;AF度有個選項,係暫時拎走自動確認狀態 (blockautopromote),可能會有用。 Shinjiman 2020年12月7號 (一) 02:31 (UTC)
不過10萬像素呢個要求有冇得放寬少少?定係規定咗一定要係呢個大細?因為我喺蝦米音樂揾嗰啲唱碟封面基本上都係大過呢個要求。有冇得而家先整過機械人嚟將新上載嘅相整細佢?大過個要求都畀上載,不過就由機械人嚟整細返佢。好似其他維基咁。特克斯特 (傾偈) 2020年12月10號 (四) 17:46 (UTC)
@特克斯特10萬像素係各大維基百科衡量非自由圖使用量嘅標準。喺引入機械人之前(下面傾緊),請喺上載非自由圖之前自行調整圖片大細。H78c67c·傾偈 2020年12月10號 (四) 19:52 (UTC)
國文維基有個非自由圖大細嘅政策,可以酌量參考下。--Sun8908 (傾偈) 2020年12月15號 (二) 16:12 (UTC)
@H78c67c請問隻機械人開始運作未?可以由佢自己整細張相未?等咗好耐 。。幾時放寬返上載圖片嘅大細?特克斯特 (傾偈) 2020年12月28號 (一) 19:09 (UTC)

機械人自動調整大細

@H78c67c另外,啱啱睇過英維,佢哋有好似en:User:DatBot 噉樣嘅機械人,會幫手將啲非自由圖整細重新上載,呢樣嘢有冇得諗? Shinjiman 2020年12月9號 (三) 00:44 (UTC)

@Shinjiman正有此意,只係唔知具體點實行:源碼可以參考[1][2],但要有人本地化、維修同運行。H78c67c·傾偈 2020年12月9號 (三) 01:03 (UTC)
建議到時部機械人用得之後,個AF唔應該一刀切唔容許嗰啲圖檔嘅上載,但改做勸喻加標籤性質就得。 Shinjiman 2020年12月9號 (三) 01:22 (UTC)
噉就梗係啦。而家一刀切係極端手段,旨在促使各位儘快達成解決辦法嘅共識。H78c67c·傾偈 2020年12月9號 (三) 01:26 (UTC)

@Shinjiman我見你開咗orfurrev,使唔使引入埋相關revdel政策呢?H78c67c·傾偈 2020年12月10號 (四) 01:19 (UTC)

啱啱發覺到粵維未有呢版,可以睇埋英維嘅en:Wikipedia:Revision deletion。睇現時情況,已經有人用咗呢個功能一段時間,主要都係個別刪除有個人性質嘅資料。 Shinjiman 2020年12月10號 (四) 01:32 (UTC)
我都覺得可以盡快引入機械人嚟幫手,唔係而家又限制咗大過個要求就唔畀上載,要用戶自己整細佢 個上載意欲會細好多,最多學其他維基咁揾機械人事後整細返佢。特克斯特 (傾偈) 2020年12月11號 (五) 16:35 (UTC)

缺乏巡查政策嘅問題

自動確認嘅用户有巡查權,但係政策裏面見唔到有方針講撳巡查掣要履行啲咩義務,咁樣可能會有用户亂咁撳掣而唔需要負責,令到呢個權冇意思。所以希望可以整返呢啲方針。Matttest (傾偈) 2020年12月4號 (五) 08:22 (UTC)

以往「討論」:Wikipedia:城市論壇_(政策)/歸檔/2009年9月#邊啲文可以嘜做_patrol_過_(patrolled_edits)?。當初畀autoconfirmed巡查權嘅討論:Special:Permalink/324222#開新組同加權到『(自動)確認用戶』組 or Wikipedia talk:請求權限#開新組同加權到『(自動)確認用戶』組H78c67c·傾偈 2020年12月5號 (六) 00:36 (UTC)
話說@Shinjiman下次可唔可以唔好將啲討論歸檔搬來搬去,搞到我搵咗半粒鐘... H78c67c·傾偈 2020年12月5號 (六) 00:38 (UTC)
@H78c67cWikipedia:城市論壇_(政策)/歸檔/2009年9月#邊啲文可以嘜做_patrol_過_(patrolled_edits)?呢個問題就係冇人覆,所以而家要盡快有共識,然後盡快寫政策,唔好一拖再拖,我建議可以參考中文維基相關嘅指引同政策寫。至於俾自動確認用户嘜文做睇過,反而唔係問題。— 之前未簽名嘅留言係由Matttest留言貢獻)所加入嘅。
可以同時睇埋en:Wikipedia:New pages patrol,以便作出參考。 Shinjiman 2020年12月8號 (二) 01:19 (UTC)
最近整咗新政策提議Wikipedia:新版巡查,大家對裡面嘅内容點睇?抑或又有冇啲意見?--Matttest (傾偈) 2020年12月16號 (三) 08:53 (UTC)

又再出現中維嘅投票模

按早年粵維共識,禁止出現中維嘅投票模,但最近有人建立咗Template:Approve,內文更有中維嘅「頁面存廢討論」同「檔案存廢討論」字眼。呢個模得中維同閩東話有,英維係無嘅(唔好同英維有嘅Template:Approved搞亂)。大家討論下應該留定刪。--Kowlooner (傾偈) 2021年2月14號 (日) 11:47 (UTC)

@Kowlooner好,咁刪咗去。特克斯特 (傾偈) 2021年2月14號 (日) 11:49 (UTC)
再加一個「Category:表態模」頁,直頭有連結連返去中維嘅「頁面存廢討論」,擺明照抄中維嘅過嚟。--Kowlooner (傾偈) 2021年2月14號 (日) 11:51 (UTC)
@Kowlooner好彩得你睇到。!--WikiCantona (傾偈) 2021年2月14號 (日) 15:53 (UTC)
已經拎走晒有關嘅字,而有關嘅模冇刪到(如果要刪嘅話可以直接再刪佢),搬咗去啲用戶嘅版底下而唔留舊名,舊名亦被保護防止重開。 Shinjiman 2021年2月14號 (日) 23:59 (UTC)

非自由內容使用準則

我譯好咗Wikipedia:非自由內容使用準則,歡迎各位修飾下語句。H78c67c·傾偈 2021年2月20號 (六) 21:52 (UTC)

  • 版面話係根據咗2007年維基基金會嘅決議而直接坐正嘅,基於個人實踐同觀察等經驗,十三年嘅現實變化成個體系經已好多方面係落後咁。為咗適應返本地同寰宇面對咁嘅挑戰同繼續發展,應該針對返當前(如審查問題)再額外喺本地附加條款,部分可能要改動多啲。期望各位不吝審視指教,無任歡迎唔同嘅良好意見。——Longway22 (傾偈) 2021年2月21號 (日) 01:27 (UTC)
@Longway22關於對呢個準則嘅修改,我想補充一點:呢版入面嘅「政策」一節,內容上唔應該有太大嘅變動,因為係受相關決議規範嘅。至於本地實際執行嘅方式,值得商議。H78c67c·傾偈 2021年2月21號 (日) 03:16 (UTC)

本地係可以補充內容嘅,前提係唔會同相關決議牴觸。H78c67c·傾偈 2021年2月21號 (日) 03:19 (UTC)

支持,支持。翹仔 (傾偈) 2021年3月7號 (日) 17:42 (UTC)

MediaWiki:Sitenotice

近呢一年嘅討論,發覺粵維唔少活躍編者其實反對跟足Wikipedia:粵語本字嘅內容。我提議由頁頂 SiteNotice 拎走,好唔好?翹仔 (傾偈) 2021年3月7號 (日) 17:44 (UTC)

覺最好修訂下字句,唔將本字表奉做聖旨咁,講明返預留啲自由研判嘅空間就OK啦。呢啲基礎性嘅版面仲係應該保留返少少guideline價值,喺本地有爭議討論嘅時候有一啲基準嘅話,都可以等大家唔會盲撞搞得埋唔到欄。 Longway22 (傾偈) 2021年3月8號 (一) 01:30 (UTC)
係由頁頂拎走,唔係刪版... @汩汩银泉 如果Wikipedia:文章請求Wikipedia:翻譯請求加上版頂 SiteNotice,有冇興趣?翹仔 (傾偈) 2021年3月8號 (一) 21:42 (UTC)
同意 汩汩银泉 (傾偈) 2021年3月17號 (三) 23:23 (UTC)
同意 由頁頂拎走。Cangjie6 (傾偈) 2021年3月18號 (四) 13:59 (UTC)
放呢兩樣嘢上去site notice係好事黎,特別係文章請求,boost下最基本要有嘅文,畀其他人更易搵到唔同範疇缺緊啲咩文。特克斯特 (傾偈) 2021年3月9號 (二) 23:58 (UTC)
同意 冇咩人會用所謂Wikipedia:粵語本字,用完冇人睇得明,係時候拎走Wikipedia:文章請求Wikipedia:翻譯請求,甚至Wikipedia:基礎文章都有價值過粵語本字好多好多 Heitung221 (傾偈) 2021年3月27號 (六) 10:29 (UTC)

同意 要改,建議可以改做

顯示唔到部份嘅字體?可以睇下有乜字型,然後安裝落部電腦度。
想搵嘢寫,可以睇下Wikipedia:文章請求同埋Wikipedia:翻譯請求
JavaScript 繁簡字轉換工具試用緊。轉換標籤喺版面右上角。

之類 H78c67c·傾偈 2021年3月31號 (三) 00:04 (UTC)

同意 呢個幾好 Heitung221 (傾偈) 2021年4月7號 (三) 11:37 (UTC)

第三句考慮改埋做「繁簡字轉換標籤喺版面右上角,技術詳情請睇JavaScript 繁簡字轉換工具。」?翹仔 (傾偈) 2021年4月8號 (四) 22:21 (UTC)

同意 Heitung221 (傾偈) 2021年4月17號 (六) 06:48 (UTC)

本地收唔係粵文嘅內容係咪可以個別處理

呢度開post係源於User_talk:Islandlibrary/我們是香港人嘅一啲討論,當中係其實涉及咗大概兩個範疇,即係粵維用家之間嘅互動、正式編輯時嘅唔同語文存檔兩個類型,估係牽涉到收錄指引有禮等嘅問題,而呢家本地管理因素度似係仲有可以改進嘅空間。

就著個案嘅唔同,例如‎特克斯特閣下講到,就用家本身嘅唔同背景會影響到本地處理嘅角度,仲有個人都期望語文理解度可以更好分辨返,邊啲語文會係直接有抵觸到基本禮儀等範疇,邊啲係唔係真冒犯到粵維同粵文圈、而有促進唔同文化and多元交流。

基於幾個理由,呢度想徵詢下各位,係咪可以制訂返專屬嘅粵文存檔同外文指引?依家都算係開工先,大家一齊發表下唔同意見,可以討論返多啲思路,相信都可以理順到一啲編輯經驗同新idea。 Longway22 (傾偈) 2021年3月29號 (一) 03:04 (UTC)

@Longway22講開有禮,「玩嘢、挑機」,呢啲未喺維基做出黎嘅,喺討論頁度講話如果XXX,咁樣都冇假定善意啦。仲有,佢話嘅「如果你想留返啲文就郁手翻譯佢啦,有兩個禮拜時間。」,當我係乜?本身Shinjiman加咗個模,上面已經寫咗係14日時間,而家仲話「如果你想點點,就XX啦,仲有心定抑或無意講埋個限期我添,慌死我唔知」,佢當其他編輯者係咩(?) 命令本人 set deadline (?),Shinjiman掛template就冇嘢 我都理解S兄嘅做法,不過佢依家用呢種形式同態度咁加多把口入黎,我咁睇黎佢背後嘅態度都唔多好到去邊(仲有佢喺回應H君嗰陣仲用埋問號同感嘆號添,需要用咁嘅語氣同態度同另一個都係管理員、共事嘅維基友去講嘢咩?)。我再睇埋佢之前嘅嘢,原來佢係有前科,咁樣喺度打擦邊球都得,學Sanmosa話齋CIV邊度都一樣,毫無懸念,唔會因為中維同粵維獨立運作而可以就咁放過。學翹仔話齋,管理員就應該管理好自己嘅言行,先好出黎管理其他人。如果唔係就唔好做或者罷免佢換人算數。佢咁樣喺站內兩次咁去打CIV嘅擦邊球講嘢,都幾乎冇人警告、認真看待甚至提出罷免,喺中維個話,佢咪又係第二個User:Techyan(H兄同Longway應該係好熟個頭嘅風氣)。學佢哋個頭講開嘅,管理員真係大晒,站內攻擊人地真係冇事(CIV邊度都應用 冇分中維粵維),聽日太陽照舊由東面升起。
完。特克斯特 (傾偈) 2021年3月29號 (一) 04:41 (UTC)
@Longway22仲有,講起「雙重標準」同「粵文」嘅問題,佢自己開嘅模:Template:寫粵文警告一,入面都講到明「唔係粵語」,即係文言文、英文都唔得。反觀,佢喺我個仔係㚻片演員、鹹片演員DALL-E等文章嘅編輯摘要度打英文,都係唔符合喺模度講明嘅「非粵文」,又冇人警告佢喎。國文、文言文就唔得,英文反而就完全冇問題,咁個警告模開黎又有咩用?自己開完跟住轉頭就自己違反晒佢?齋呢點已經係好典型嘅「雙重標準」。呢啲咪係:待人以嚴、律己以寬。特克斯特 (傾偈) 2021年3月29號 (一) 04:58 (UTC)
@特克斯特講嘅得確係嘅,好多時都係用咗 English 寫啲 summary。亦都係希望你明白一點,北方中文/官話比起對粵文維基嘅威脅勁好多,有今日嘅粵文維基,唔多唔少係當初對中文維基嘅對抗而嚟嘅,如果閣下知道歷史嘅話,成立當初粵文維基畀中文維基一啲用戶抨擊得好緊要,所以用英文同官話嘅對待好唔同嘅。「如果你想留返啲文就郁手翻譯佢啦,有兩個禮拜時間。」令到你唔開心,我喺呢度同閣下道歉,諗返呢句嘢其實都幾多餘,囉嗦咗啲。呢句說話嘅目的係希望解決問題,即係快啲將篇嘢譯成粵文,如果用拗嘢嘅時間,去改文做粵文,咁咪大家都 OK 囉。希望你可以繼續對呢個維基嘅貢獻,唔好因為呢啲小事唔玩落去。如果你下次發現我寫英文嘅時候,用呢個 Template:寫粵文警告一 我提醒我啦。--WikiCantona (傾偈) 2021年3月29號 (一) 05:53 (UTC)
多謝特克斯特補充,都唔需要講得太過嘅,大家都係有啲比較堅持嘅唔同意見,希望理順返可以再探討;亦多謝WikiCantona嘅補充,係尤其講返咗關鍵歷史嘅因素喺度,呢點估到呢家嘅環境仲係必須第一考慮嘅問題——即係大一統打壓嘅情況,呢點相信唔會輕易咁排除出本地關切嘅範疇。
而就著繼續粵維嘅實踐,個人係希望再區分到多啲唔同嘅情況:部分即使係官話/北方中文/華文圈他種語文、係有價值嘅內容,例如涉及到一啲同大一統唔一樣嘅文化知識等,都可以有些少嘅空間喺度留底。又或者有啲發表嘅交流,的卻唔係主觀冒犯、溝通得OK嘅。都可以有適當嘅空間喺度。考慮返或者係有啲難度,會係一個萬里挑一嘅預設進路,仲係期望咁多位盡力思量。 Longway22 (傾偈) 2021年3月29號 (一) 07:33 (UTC)
@Longway22「所以用英文同官話嘅對待好唔同嘅」,咁就可以代表無視喺編輯摘要度打全英文?雖然我都知呢啲係雞毛蒜皮嘅小事黎,我見其他管理員(User:SC96User:Dr. Greywolf)就連北方話嗰啲情況幾乎冇處理過,反而「成人玩具」、「3RR」嗰啲情況就處理得好快。咁樣睇黎呢個規矩只係你(WikiCantona)自己制定,並未喺呢個社群有廣泛共識、接受同落實呢個政策。唔係個話,你一啲就警告同封戶(2017年我都被封戶),一啲就幾乎冇理到(包括N君打國文、連管理都打英文就完全冇事等),咁樣只會明顯反映到對人不對事嘅情況。
同埋,呢個規矩係你自己搞出黎嘅(未見其他管理員執行過呢個規矩,甚至有管理員都自己違反晒),你應該自己做好本分先。唔通去到3RR嗰陣又話「請你提醒我」呢啲字句?3RR係破壞,會被封戶,既然2017年都有其他用戶開先例因為你制定呢個政策而被封過戶口,咁打非粵文應該算得上係破壞。順便你可以睇下user:Shinjiman都打過唔少全英文,而打嘅日期都係你整完個template 之後嘅日子黎( move the entry onto wikidata)。
@KowloonerDeryck ChanH78c67c咁依家就問埋其他管理或者活躍者對呢個政策有咩意見或者執唔執行,唔係個話打全英就冇事、打全國文就被封戶,咁呢個規矩都幾模凌兩可同雙重標準下。依家呢個政策係WikiCantona搞出黎嘅,而喺執行上就好少認真理過、甚至出現雙重標準嘅情況,所以依家要探討下係咩要定做呢個嘅規矩、抑或改變下個政策(轉做提醒而唔係警告),唔係咁樣佢鍾意或者佢自己見到就警告人同封戶,其他管理見到就唔理,咁呢度啲規矩都算係無物下(鍾意做就做、唔鍾意做就見到都當冇件事發生過)。仲有,就算唔應該粵文受到國文嘅威脅,而英文就冇點影響,而可以直接唔視你整嗰個警告template出黎,推廣粵文唔係靠踩低國文而捧起英文去咁做。一係就一刀切禁晒喺編輯摘要度打全國文同全英文(即係所有非粵文嘅嘢),一係就調整政策,一係就取消佢。唔係得WikiCantona自己一個執行,甚至佢自己都犯埋規冇人理,呢度只會變咗一個「遊樂場」。特克斯特 (傾偈) 2021年3月30號 (二) 05:59 (UTC)
再講遠少少,呢幾年落黎,都有唔少用戶喺編輯摘要度打北方話,佢哋連警告都冇。相反我喺2017年嗰陣講多咗一兩句好短字句嘅國文就即刻比WikiCantona封戶,唔知佢嗰陣內心係咪見到我喺粵語維基都寫埋啲大陸節目、大陸嘢,甚至唔係好好嘅粵文,就驚我入黎粵維想溝淡晒呢度啲文化。佢咁樣做咗(警告過兩次 而唔係一般嘅三次 就即刻封戶、以「之前警告過」呢個理由去封),亦都符合佢所講嘅「北方中文/官話比起對粵文維基嘅威脅勁好多」,繼而做埋啲佢自己感情用事,齋封國文,而唔封打英文嘅編輯者,呢類嘅雙重標準行為(甚至算得上係濫權管理員,只不過呢度少人理呢啲嘢 佢就蒙混過關 當冇咗件事、甚至合理化晒佢做嘅嘢)。特克斯特 (傾偈) 2021年3月30號 (二) 05:59 (UTC)
要想人地黎呢度寫文同埋多啲人黎呢度,就唔該要有清楚嘅規矩,並唔係佢自己一言堂話點就點,鍾意點就點。制定返、釐清返呢啲規矩,先再入返黎呢度寫文同可以吸納到多啲人入黎寫文。特克斯特 (傾偈) 2021年3月30號 (二) 05:59 (UTC)
舉個例關於雙重標準嘅問題,如果我開新文章嗰陣喺編輯摘要度打「新條目」,我估應該就會畀WikiCanonta警告;相反如果我學Shinjiman咁喺編輯摘要度打「new article」,反而就完全冇事,呢個已經係最明顯同直接嘅雙重標準。特克斯特 (傾偈) 2021年3月30號 (二) 06:09 (UTC)
假若歸結返斯特君講到嘅方面,個人覺可以睇到較需要思考嘅,係本地冇系統咁將唔同用家同管理樹立嘅慣例&判例加以實踐,冇法更大程度咁校驗同擴展、細化唔同嘅處理思路。
如果本地淨系專注收文、但係唔同時間唔考慮返本地嘅既有傳統、進路仲有一般用家嘅認受度,譬如係處理事務度有時仲會唔及中維(老實講唔想咁講)一啲管理反應。
就好似討論返審查問題嘅時候,雖然大環境仲係相當惡劣,但只要係多唔同角度嘅用家參與、同多真唔同嘅用家繁複咁提報咗一啲唔正路嘅編輯活動,某啲時候仲尚可維持得到衡平度——呢個係隔離啲少數仲做得到嘅程度。
睇呢度就係反饋機制,表面嘅規例標準仲係好唔明確,同時仲少埋系統咁校驗。唔多用家有正式個案嘅報備同交互,亦就冇機械嘅「共識」,
如個人理解返維基本身複合嘅機制,實踐嘅「共識」,本意就係囊括咗本地編輯嘅慣例、判例、守則、一般理解等等,成條文係作為一個梳理性嘅導覽,但係亦唔係尚方寶劍——五大支柱嘅所謂唔墨守成規,照著唔同角度嘅解讀,可以話係唔一定要單獨遵守某一條成文規例:當然再有其他解讀都相信係可以嘅,因為編輯係會有唔同嘅思路
之不過,大一統嘅威脅度點樣話都會係一個暫時仲需要睇嘅慣例,假若本地開始唔再有效咁解讀返部分長久嘅理解共識,明文寫明返呢啲慣例估就會係好有必要——立明理據、點樣執行、咩情況豁免、复核仲有其他附例,一清二楚咁,咁如果要正式咁查詢返慣例守則點樣情況下先有效力,相信都會更透明清晰。 Longway22 (傾偈) 2021年3月30號 (二) 11:19 (UTC)

對官話嚴打,英文寬鬆呢點,我哋呢啲老餅的確責無旁貸。為咗唔畀寫官話文法嘅內容,粵維之前一路用濫用過濾器禁止,好多錯誤啟動我哋未免量度到。今年早前User:H78c67c好幫得手,用新啲嘅濫用過濾器功能,文章以外淨係警告而唔係禁止,希望唔識粵文、平時參加其他維基站點嘅朋友,可以喺文章以外嘅空間一齊傾站務。翹仔 (傾偈) 2021年4月3號 (六) 22:41 (UTC)

@Longway22呢個我同意,佢個項喺「編輯摘要度打北方話」,用警告同封禁嘅做法去做實在唔應該。正如你上面講過,呢度執行上亦都模棱兩可,間唔中、甚至經常都見中文維基啲用戶過嚟更新內容嗰陣都好多次喺編輯摘要度打北方話。佢哋被發現後,連最基本嘅警告都冇做過(就算真係跟佢自己寫嘅模,偶爾入嚟更新資料都冇括免權)。而呢個「政策」,呢幾年都係得WikiCantona自己一個偶爾執行,其他管理,例如SC96、Shinjiman、Greywolf甚至冇理過呢項「政策」,睇到啲北方話喺非文章空間就及時警告。亦都正如Deryck話齋,「文章以外淨係警告而唔係禁止」,的確冇必要將「編輯摘要度打北方話」提高到去以封禁呢個手段去達到某用戶禁止文章以外嘅地方打北方話。
@Deryck ChanWikiCantona喺呢兩個模度:Template:寫粵文警告一Template:寫粵文警告二,寫嘅都係話封戶處理。有必要刪除或者改改呢個模。呢個模初頭係針對N君喺討論頁、同編輯摘要(而唔係文章本身)度打北方話先至設立嘅模(起模日期都係N君入嚟嘈個排先至起)。仲有呢個模又冇講係喺文章入面定抑或邊度打北方話。喺文章入面去打北方話,其實有個過濾器、同埋其他管理(例如SC96)巡查文章嗰陣就一定會發現、之後警告同封戶,基本上唔會特登去發呢個模畀喺文章入面打北方話嘅用戶,亦都唔合乎本地慣常做法。嗰兩個模嘅必要性就基本上降低嗮,只有佢一個會做(而且針對嘅位都唔係文章,主要係討論頁、編輯摘要等)。而佢設立呢個模:Template:寫粵文歡迎,我就覺得可以留,因為唔係採取封禁,同埋可以再講詳細返係文章定抑或討論頁定點,亦都有少少模棱兩可。執行上亦都可以改善。特克斯特 (傾偈) 2021年4月5號 (一) 01:00 (UTC)
再者佢個模(Template:寫粵文警告二)「如閣下冇意尊重呢個維基百科,我哋亦唔會尊重你嘅發言權。而家封你一個禮拜。」寫咗呢個原因,有必要叫社群嚟睇下點執行,理由啱唔啱、語氣點樣。喺文章入面寫北話內容,基本上係唔會用任何模嚟提醒、警告同封戶。如果呢個只針對文章入面,其實係可以廢咗佢,呢度一般會直接同用戶講,基本上用唔著。如果係討論頁或其他地方,就可以用Template:寫粵文歡迎,用「提醒」個方法,唔使去到喺討論頁編輯摘要度用北方話會出現被封禁嘅情況。我認為需要睇下呢三個模點樣改下佢(內容、字句、針對出現北話嘅位置)或者刪走啲未必用得著嘅模。唔係第日有其他用戶嗰陣又再出現誤封嘅情況,對其他用戶都冇做到公平嘅做法。特克斯特 (傾偈) 2021年4月5號 (一) 01:00 (UTC)
注意封人係最後手段,有禮貌咁叫人去改,唔去撩交嗌先重要。要注意嘅係,Template:寫粵文警告二從來未用過,係之前出現一位寫完又寫,話咗仲係要寫官話嘅用家,先做出嚟。有人認為執行唔到,或者提出疑問,歡迎大家講意見出嚟。尋求共識先重要。--WikiCantona (傾偈) 2021年4月5號 (一) 01:09 (UTC)
雖然係封人手段,未用過唔代表將來唔會出事。可以參考返以前有其他維基人提出嘅質疑去考慮嗰項「政策」係唔係啱用。「係之前出現一位寫完又寫,話咗仲係要寫官話嘅用家,先做出嚟。」,所以嗰陣你就憑呢項未成文嘅「政策」就封咗佢,嗰陣User:Cedric tsan cantonais都出過聲質疑呢個決定,同埋而家Deryck都再講咗其他地方打北話應唔應該封嘅諗法:「我都認為編輯摘要寫咗官話,未至於要封。翹仔 (傾偈) 2021年4月3號 (六) 22:46 (UTC)」。值得再傾多轉先再落實呢項政策。特克斯特 (傾偈) 2021年4月5號 (一) 01:16 (UTC)
根本就唔係「政策」,再講一次係一個手段。好明顯嘅,當我留意到有人不斷喺度寫官話,我做咗一次警告,佢收斂咗少少,到我整咗Template:寫粵文警告二,用都未用,某人就消失咗,唔知有冇直接關係,件事就處理咗啦。再講,如果喺「編輯摘要」不斷寫官話,點解唔封,一次半次忍佢,如果連續十幾次都係咁,不如請你去勸下佢啦?!--WikiCantona (傾偈) 2021年4月5號 (一) 03:43 (UTC)
咁就係呢個手段有問題。「如果喺「編輯摘要」不斷寫官話,點解唔封」,又返返去之前殘陽提出過嘅問題,唔係文章本身、同埋應該係統一埋英文都禁止,佢都質疑過喺文章以外用打北方話做封戶口嘅理由係有問題(兼且佢都質疑您自己打英文 都係屬非粵文嘅嘢 反而就完全冇事)。雖然一早知你反北話已經好情緒化,但呢件事上甚至其他事嘅處理手法有欠公允(唔係喺文章入面都警告同去到封戶處理、其他編輯者包括你在內打英文就完全冇人警告過、其他中維編者入面更新資料喺編輯摘要打北方話哪怕係一句都冇人理過 粵維好細的冇可能其他管理都睇唔到)。唔係警告過好多次就封就一定合理,係Cedric tsan cantonais之前都質疑用呢個理由(齋喺編輯摘要),仲要唔係文章本身而封戶。特克斯特 (傾偈) 2021年4月5號 (一) 15:19 (UTC)

我想澄清幾樣嘢:

  • 首先,「唔應該封」唔代表「冇做錯」。喺粵維,就算係編輯摘要,都應該盡量用粵文,尤其是粵維慣用術語。
  • 編輯摘要方面嘅執法,同粵維其他環境有需要唔同。文章係俾讀者睇嘅,所以自然要有要求。而編者喺傾偈版嘅議事都應該有返咁上下質素。不過傾偈版寫嘅文字可以修改,但編輯摘要一寫咗就冇得改。
    • 所以我先話,編輯摘要寫咗官話或者其他語文,唔應該用封戶嚟懲罰,因為知錯都冇得返轉頭改。
    • 況且粵維冇政策逼人寫編輯摘要。最多都係管理員成日唔寫摘要或者摘要寫得差嘅時候,其他常客提點下。我覺得我哋要避免搞到有編者因為驚寫錯摘要俾人封,而索性唔寫摘要。
    • 所以,有編輯常客 (包括管理員)寫編輯摘要寫到一地官話/英文,但明明有慣用粵文講法嘅話,大家見到應該恥笑提點。
    • 當然,若果有人擺明用編輯摘要嚟搞破壞,或者擺明用編輯摘要嚟人身攻擊,擺明屢勸唔聽嘅話,管理員都會考慮封戶。
  • 另外,我覺得社群對新人、跨維基編者、同本站常客嘅期望係應該唔同嘅。新人唔識規矩,可能寬容啲,但佢哋嘅意見亦少啲人聽。跨維基編者我哋會期望佢熟悉維基百科嘅基本運作原則,討論會考慮佢哋意見(但冇本站常客咁多),但唔期望佢哋一定識粵文同本站政策。而本站常客呢,我哋就期望會熟本站政策同慣例。翹仔 (傾偈) 2021年4月5號 (一) 15:06 (UTC)
@Deryck Chan講得唔錯,多謝。我當年喺2017年第二季先入黎(4月尾),入咗黎先啱啱一季多啲(10月2號)就畀佢用呢個理由封戶,咁做確實係對2017年唔係粵維常客嘅我確實有唔公道嘅地方。佢當年都只喺我talk page度留低過一次警告嘅訊息就封咗我,並唔係通用嘅三次、五次警告,佢嘅做法的確係過於苛刻。學你咁講,冇對2017年作為新人嘅我有任何丁點寬容空間。(只警告過一次,冇喺talk page畀過第二次警告就即刻封咗我)特克斯特 (傾偈) 2021年4月5號 (一) 15:19 (UTC)
@特克斯特我上面集中講技術、原則、政策,而唔想開名講特定事件,正係因為你唯一一次因為編輯摘要而俾人封已經係四年前嘅事。而家你都係常客喇,要做個好榜樣啊,好冇?翹仔 (傾偈) 2021年4月6號 (二) 10:50 (UTC)
唉,我自己講開編輯摘要都盡量唔好用外文,但係上一段留言我個編輯摘要就即刻打咗拉丁文「re」,自膠 :0) 翹仔 (傾偈) 2021年4月6號 (二) 10:52 (UTC)

個別案例嘅處理問題

上面嘅討論之中,又唔少質疑我封人嘅做法唔妥當。特別係 User:特克斯特 有好多不滿,可惜嘅係,User:特克斯特 只係講咗件事嘅一部份情況。首先睇下啲當時嘅 records: User:特克斯特喺 2017年9到10月嘅貢獻,可以睇到有 首先有好多次用國文同另一用家傾嘢,維期十幾日,有四五次用官話寫編輯摘要,已經俾咗好多空間佢。俾我警告之後,「好啊,封我!」係佢閣下嘅回應。當年嘅 User:特克斯特,亦俾其他兩個 admins 封過。正如我多年嚟嘅做法,都大致相同。所以話對「2017年作為新人嘅」佢冇「任何丁點寬容空間」,係言過其實。之不過,呢啲都係舊事喇!近年 User:特克斯特嘅貢獻係唔可以忽視嘅,特別佢補充咗好多內地(同香港)嘅節目、音樂嘅文章同內容,令到粵文維基百科更多元化。--WikiCantona (傾偈) 2021年4月6號 (二) 19:27 (UTC)

噉近期另一位用戶喺幾個文章討論版同用戶討論版大量用國文寫嘢,想問下處理成點?警告咗幾多次?有無封帳?--Z423x5c6 (傾偈) 2021年4月6號 (二) 19:32 (UTC)
@Z423x5c6 我諗你講嘅係 user name starting with N。勸咗一次,警告一次,情況稍為收斂,跟住佢又喺度用灰色地帶(幾句粵語,加啲國文咁)郁吓郁吓咁。當做好Template:寫粵文警告二之後,未有用得着時,嗰位用家已經唔見人,加埋呢道啲勁長嘅討論,未有做乜嘢,亦可能係咁,User:特克斯特對佢覺得對佢唔公平。唉,鬼咩,家下已經冇開初嗰陣時睇得咁實,又唔係日日喺度,加埋而加啲討論速度又快,一來自己時間冇乜,二來其他人都好幫手對付破壞嘅人,呢啲官話撮要呀,國文討論呀,一向出現唔多,同用國文寫文或內文唔同,處理上同埋判斷上,好難一刀切,係新手唔知訂?定係立壞心場?定係粵語半桶水?點睇呢?--WikiCantona (傾偈) 2021年4月6號 (二) 19:52 (UTC)
無乜點睇,最緊要比大家感覺係公平嘅。講開個template, 其實個template嘅態度都幾差。另外,呢到好似好多政策/指引都未開版/開左但係成版都係雞腸,如果快啲搞翻好嘅話可能會好啲。--Z423x5c6 (傾偈) 2021年4月6號 (二) 20:12 (UTC)
有時對住啲明知係「玩嘢」、「立心唔用粵語」嘅用家,用幾多善意假定都好...冇得搞... 如果有想嘅話,可以改改個 template,唔係嘅話,Template:寫粵文警告二閂咗佢,亦得。你哋喜歡--WikiCantona (傾偈) 2021年4月6號 (二) 20:29 (UTC)
@WikiCantona我覺得Template:寫粵文警告二又唔使刪咗佢嘅,如果有人勸完唔聽,堅持寫其他語文,尤其是文章空間,封戶都無可厚非。翹仔 (傾偈) 2021年4月10號 (六) 21:13 (UTC)
「唔淨止佢一個。因為寫國文被封」,又係返返去之前Cedric tsan cantonais講過嘅問題,係編輯摘要 唔係文章本身,似乎你認知唔到係文章外同文章內呢兩個地方處理嘅手法係好唔同,先至將文章外嘅情況套入文章內打北話嘅手段。咁樣重複又重複再畀你喺度「遊花園」都冇意思。你意識唔到編輯摘要同文章內嘅做法係唔一樣,你遲下都會繼續做埋啲錯判行為。最近N君已經係一個好明顯嘅例子。(下面會再講)
「睇下我近排啲records 同睇埋佢啲被封 records ,已經已經俾咗好多空間佢」,請User:Z423x5c6亦都唔好畀佢混淆視聽,我幾次被封都係因為3RR,就算跟返其他維基嘅做法,新犯嘅規矩係最低刑罰(況且喺摘要打同編輯相關嘅嘢但用錯咗語體而去封禁只係佢自己話嘅手段,刑罰係基於政策規定而制行 手段只係佢個別一個人判斷去做),再犯返以前嘅錯(3RR)先逐步加重。佢夾硬將3RR(邊度維基都通用嘅規矩)同「編輯摘要打北方話」(呢度不成文兼且得佢自己一個會針對編輯摘要呢個位做警告同做封禁嘅手段嚟)扯埋一齊講話「畀咗好多容忍空間」,只會突顯咗佢身為管理員竟然到依家都仲將兩樣唔一樣嘅錯誤一齊講係做法偏頗,亦都證明咗佢封人喺憑主觀感覺,唔係睇有冇再犯同樣嘅錯。(前者係所有維基通用政策,後者係得佢自己一個先會做 同埋佢得閒上嚟維基見到先至有時會警告 有時當睇唔到嘅做法嚟)。我一直以嚟都冇見過SC96或者其他管理員見到「編輯摘要打北方話」去做任何警告甚至封戶。
「只係有人,四年前嘅嘢,講一半就唔講一半」,(※)注意:就係閣下依家夾硬將我犯過嘅維基通用規矩3RR同得你自己一個會做嘅「編輯摘要打北方話」手段,混為一談,而且當時呢個維基亦都冇明文寫呢個政策。雖然你後嚟辯稱話係手段,亦都係你將兩樣唔同嘅「錯誤」[註 1],當做「自己對我唔好嘅觀感」,基於你個人對我唔好嘅觀感,再利用嗰陣我喺三個月前(2017年7月)喺編輯摘要打北方話只畀你警告過一次,之後喺2017年10月用三個月前嘅只警告過一次(封禁理由:之前警告過)去將我封禁。佢嘅理由亦冇講明係警告過幾多次,同埋佢呢個陰招係用3個月前嘅一次警告就用「警告過」呢個理由將人封戶,而且仲合理化嗮佢嘅封戶(再講多次:係用三個月前嘅一次警告應用喺10月份嘅封禁度),亦都未見佢做事有幾理性。
「原來睇返先知,我嘅做嘅嘢,一直都冇變。」亦都請User:Z423x5c6睇清楚少少,其他管理員 包括SC96等嘅活躍管理員都冇因為過「編輯摘要打北方話」去做過任何警告。正如我上面提及過,只係佢己一個先會做 同埋佢得閒上嚟維基見到先至有時會警告有時當睇唔到嘅做法嚟。仲有User:Z423x5c6 都問過W君警告過N君未,你可以睇返呢度,係要我主動走去佢個討論頁度提醒佢,佢先至識得提醒N君,並唔係佢一早醒起得佢自己會做嘅手段。仲有,User:Z423x5c6亦都可以睇下N君喺2018、2019同埋2020年4月起喺編輯摘要打北方話嘅次數同密度唔使問 就咁睇點都多過WikiCantona貼出我喺2017年打北話編輯摘要嗰個記錄,任憑WikiCantona喺呢3個時段自己忙冇乜時間上嚟維基 就連其他管理一個警告都冇畀過佢?相反我同埋Dabao qian就竟然可以因為三個月前只警告過一次喺編輯摘要度打北方話就畀佢封禁?
希望User:Z423x5c6睇真啲真實情況並唔係佢所言嘅「原來睇返先知,我嘅做嘅嘢,一直都冇變。」,而係只有佢自己得閒上嚟先至會做嘅嘢嚟甚至要其他人提點佢,佢先至醒起佢自己係可以用編輯摘要打北方話呢個理由嚟警告同封禁人哋。亦都係佢自已一個會用呢個理由去警告同封禁人哋,其他管理冇咁做過,其他管理只係會理文章入面嘅內容,而唔係區區一個編輯摘要,亦都呼應返我講過好幾次User:Cedric tsan cantonais質疑WikiCantona針對非文章內打北話封禁人嘅行為
另外,亦都請User:Z423x5c6睇真啲,我針對嘅係「編輯摘要打北方話」去封禁呢個問題。雖然WikiCantona提到我嘅回應態度,但係呢點亦都證明唔到佢做出封禁呢個行為係合理。當年封禁唔止我,仲有User:Dabao qian,你都可以睇返Dabao qian個記錄係好過我唔少、而且就算Dabao qian冇畀我嗰個反應,WikiCantona亦都將7月份嘅唯一一次警告,搬入10月份到就當警告過、去封禁人哋都係唔合理。7月唯一一次警告,搬落10月冇再警告過就即刻封禁人哋,我都睇唔到咁做有咩合理之處,亦都唔好攞我嗰個反應嚟試圖淡化你用呢個理由去封人嘅合理性,撇開我,Dabao qian冇畀嗰個反應,Dabao記錄好多我 佢都係畀你咁樣自己任意去封人戶口而受害嘅一個用戶嚟
「用幾多善意假定都好...冇得搞」,請睇Wikipedia:假定善意,無論討論氣氛係點樣,就算遇到話要法侓威脅嘅IP都要保持善意,喺維基度就要對任何人喺唔同情況都要保持善意。我再睇埋你最近嘅發言都唔多對人友善,亦都冇保持返中立語調去講野(亦都唔好講埋刻意令討論升溫、無中生有,自己因情緒化理解事情而去講過度推斷嘅字句去扣帽子,呢啲都係唔符合假定善意嘅原則:「如果有人覺得用國文係天經地義,擺明就係挑機,玩嘢」)同埋你之前做過嘅行為都係好唔尊重新手 15年係咁 15年後都係咁,雖則呢度係粵維,規模發展得唔及中維但唔代表通用方針都可以模式同將呢度搞到無枉管嘅狀態。
講到呢度喺「編輯摘要打北方話」喺執行性方面又唔全面,你解釋完我觀感唔好,但轉頭就畀人發現原來觀感好好嘅Dabao qian都畀你咁樣整過嚟,Ngguls喺上年4月開始用北話喺討論頁同編輯摘要發言到依家先警告過一次,況且佢同我同Dabao,仲有一路落嚟唔少嘅IP、編輯者都打過北話(係為數唔少),又唔見警告,呢個手段針對嘅位係唔合理,正如Cedric tsan cantonais都講過唔係文章內容呢個先係重點。雖則似你咁講,我係寫咗好多唔同範疇嘅音樂娛樂題材文,亦都唔可以因為我谷咗唔少文章數量,而繼續可以放任畀你去做喺非文章外嘅空間警告同封禁用咗北話、其他語種,包埋英文嘅人(最近先又再喺編輯摘要度非粵文嘅字句)。同埋,亦都唔可以因為官話威脅勁過北話而只針對北話,雖然Deryck回應咗呢度嘅老餅係責無旁貸。所以就住呢樣嘢,同以上嘅討論,我亦都要求閣下喺停止喺非文章空間打北方話嘅唔合理同模棱兩可嘅「手段」,包括封禁同警告。文章內執行去到{{notCantonese}}嘅情況就當然冇問題。我再寫幾多文,喺呢點嘅守則、規矩上做唔到,你保證唔到唔再對其他用家喺非文章空間外打北話而被封禁(當然喺摘到度用北話去搗亂就唔同講法),我亦都好難再返嚟似以前咁寫咁多文,亦都擔心呢度往後嘅發展同管理風氣
  1. (況且編輯摘要北方話被定性做「錯誤或者破壞」升級到去封禁喺呢度未正式成文 其他管理未執行過亦都係佢自己見到就理、忙嗰陣見唔到就唔理嘅做法嚟)
@Deryck Chan學你咁講,我都想呢啲嘢快啲過去,本身我都唔想ping你,但係我發現本地管理對呢度喺文章以外(包括文章討論頁、站內嘅私人傾計)打北話有唔同睇法。呢點亦都係回應返Longway開呢次討論嘅話題。WikiCantona就喺上面話過「首先有好多次用國文同另一用家傾嘢,維期十幾日」,俾咗好多空間我。但係我睇返呢度同時有其他管理員係對討論頁傾計用北方話係有唔同嘅做法同取態(另一個管理話:「管理員同維基人喺 talk page 嗰度傾偈可以唔用純粵文,但記住,喺維基文章入面要用純正嘅廣東話」),呢點亦都同WikiCantona自己聲稱用嘅「手段」去封人有所衝突。而最近佢仲開埋Template:寫粵文警告二針對埋喺討論頁同編輯摘要(並唔係文章本身)用北話去溝通嘅情況,個Template內容、警告同我上面講嘅其他管理員對喺文章以外用北話或者其他語種去溝通去做法係好唔同。而考慮到社群近年嘅發展,如果WikiCantona繼續我行我素實行嗰個Template個話,恐怕呢度會變做封閉式嘅維基,亦都同你喺站外歡迎唔係用粵語做母語嘅用家嚟粵維討論站務(甚至似Ngguls咁學打粵文)、入嚟幫下手呢個意念有衝突,所以就問下對呢個template有咩睇法。如果要實行呢個template個話,恐怕User:Ngguls已經畀佢封咗好多次戶口,就算佢喺蒙古話保育運動度係做咗正確嘅編輯同修正都好。所以,針對唔同管理員對喺文章以外嘅空間用北話或者其他語種嚟溝通,有咩睇法?同埋Template入面嘅內容、態度、字句都係對非粵語用家係十分唔友善,正如User:Z423x5c6上面都講過呢個問題。同埋我再睇返Ngguls 都喺唔少摘要度打北方話,但係佢都講過唔識講粵語,如果呢個template日後畀佢實行個話,明明喺呢次編輯都睇到Ngguls入嚟粵維唔係惡意編輯,都畀WikiCantona用template去警告佢、假定惡意,話佢入嚟粵維用北話溝通係唔尊重粵維社群,而被封戶,會唔會去到呢種程度都封禁係冇乜必要?(其實佢已經針對過喺討論頁用北話討論嘅問題仲畀埋警告,雖則呢度係粵維,但會唔會考慮放寬呢點)(舉例,即係佢喺上次蒙古話保育運動度用北話去做咗啱嘅編輯都好,都唔理三七二十一,見到佢喺非文章空間、編輯摘要、討論頁度打北話就警告同封禁佢先。)我就覺得保留Template:寫粵文歡迎就夠,Template:寫粵文 呢個模就可以合併返新起嗰個,「寫粵文歡迎」嗰個模啲態度仲友善過以前用開嗰個模。特克斯特 (傾偈) 2021年4月10號 (六) 10:35 (UTC)
既然User:特克斯特開到名,我唔講兩句都唔得啦。因間以後啲人見到呢串討論,以爲Z字頭嗰條友係個傻_,被人耍兩句就收咗皮,噉就唔好啦。
由於User:特克斯特先係當事人,我唔係,有啲嘢我未必咁清楚,我就講下我睇到同埋我feel到嘅嘢啦。
首先,有關雙重標準嘅問題,首先講咗事實先:特克斯特被封鎖1次,N君0次,呢個係事實。至於係咪雙重標準,我哋就要睇兩位做嘅嘢係咪類似:N君喺編輯摘要、talk namespace都有打國文,呢個都係事實。至於特克斯特,根據User:WikiCantona所講,喺編輯摘要同自己嘅user talk到有打國文。我想講嘅係,第一,文章talk namespace係比user talk namespace更加公開嘅空間,喺文章talk namespace寫國文嘅影響應該係比較大。第二,WikiCantona講嘅用戶討論,睇返大部分嘅討論串都係特克斯特同User:Dabao qian兩個人之間嘅對話,根據對話我假設特克斯特同Dabao qian兩個人之間係認識嘅,而且雙方知道國文係兩人之間比較容易溝通嘅語言,喺呢個假設之下我會覺得用國文係一種有禮同尊重嘅表現。根據以上所講,我會覺得WikiCantona嘅封鎖政策係有雙重標準。
WikiCantona講嘅「當做好Template:寫粵文警告二之後,未有用得着時,嗰位用家已經唔見人」,我剩係想問一句:如果我殺咗人之後著咗草,噉我有無罪?
至於WikiCantona所講嘅「用幾多善意假定都好...冇得搞」,我對於一位管理員公然表示違反Wikipedia:假定善意指引表示遺憾。
另外想指出一件唔係好關事嘅嘢,WikiCantona喺討論已經有人回覆嘅情況下修改之前嘅討論,我認爲呢個係好危險嘅做法,因爲噉樣做有機會扭曲後面已經回覆嘅人嘅意思。--Z423x5c6 (傾偈) 2021年4月10號 (六) 12:03 (UTC)
我唔同意「喺呢個假設之下我會覺得用國文係一種有禮同尊重嘅表現」。呢度係粵維,要盡可能用粵文。如果有兩個編者想用其他語文傾啲淨係關佢哋兩個事嘅編輯討論,佢哋可以拎去元維基傾。翹仔 (傾偈) 2021年4月10號 (六) 21:13 (UTC)
呢度覺關鍵仲係當遇著用家打唔係粵文嘅情況、需要點樣甄別先會係減低到唔持平公允嘅情況,告誡嘅等級劃分思路依家睇並未必有任何阻嚇作用。淺薄啲斗膽講句,就算係搵元維基嘅其他背景用家、一般上怕都係好難有效評判。
一個就係理解返維基機制係鼓勵用家以自由參與去維持成個社區嘅關係,因為高度開放就唔會有先設嘅「監管」,似粵維咁每個語維本身都係一個自治體系——即係點講仲係鬥人數鬥聲大,即係參與人數同發言本身力度,另外嘅衡平同仲裁機制都係以一個自由平等嘅環境入邊自己搞好。接觸元維基多少覺主打都係協調返唔同數據技術嘅修整更新,覺自治事務度若唔係有得技術清楚查證到、係系統咁大規模嘅嚴重影響自治事務情況,維基成個嘅機制未必係會及時有效咁應對返冇直接影響到維基計劃核心運作嘅分站自治問題。
特克斯特閣下同Ngguls嘅個案如果對照,喺人數唔夠、系統平衡未足、機制反應遲滯等嘅情況下,係唯有當事人自己傾算罷。歸結返應該係成個自治機制度,係冇先設過一個固定嘅社群守則、可任參與人自由咁發揮,結果睇華文圈入邊係好多冒犯嘅情況都唔會正式咁有約束,即使明文寫到嘅都係一樣冇促進到太多。
一般可能都覺係由於政治環境本身導致嘅唔同政見,唔會太多考慮到背後本身就唔正常、咁大規模系統咁嘅propaganda影響——呢點怕係包括咗元維基都嚴重滯後咁嘅、冇第一考慮嘅重大風險問題。由以上一啲粗鄙嘅判斷繼續講嘅話,華文依家因為面對咁極大嘅propaganda問題,論及埋針對嘅統戰性問題等,呢陣較可行嘅甄別建議認為就係結合返propaganda因素去審視唔係粵文嘅內容,依照返WikiCantona嘅粵文警告思路,大概仲要思考返分辨幾種情況:
  1. 係咪有主觀冒犯粵文文化嘅意圖;
  2. 係咪冇意識到粵文同其他文之間有禮儀習慣嘅差異;
  3. 係咪本身堅持唔同嘅觀點理論、針對粵文做另一種嘅觀點理論;
  4. 堅持咗自由參與嘅睇法,認為唔受單一自治體系統嘅約束;
  5. 含有咗propaganda因素,有上述情況之一或多個外,仲帶有獨尊、強逼等唔夾普世價值嘅進一步侵擾行為。
以上大概先點列咗一啲參考嘅標準,希望幫助到本地自治有返優秀嘅實踐同發展,可能可以再加返啲類似回覆/修正告示嘅template?睇下如果OK嘅話,可以再豐富返下本地啲指引嘅修整,咁樣都可以減少返令到貼錯門神咁嘅時候,唔至於手尾長到唔知幾多年。 Longway22 (傾偈) 2021年4月11號 (日) 02:23 (UTC)

相應指引嘅修訂商議

  • 呢度就著議題嘅發展,認為本地嘅Wikipedia:避免地域中心係可以作為第一個更新嘅指引。考慮返本地依家嘅實際係優先應對最大嘅大一統潛在威脅,所以修訂本地條文,係會將粵文圈嘅唔同中心觀點爭議排後啲嘅位置先。同時提議改指引名做Wikipedia:避免大一統中心,呢個會係更突出返本地共識同慣例等系統嘅約束脈絡。版面表面係未有正式嘅效力告示,個人會係直接編輯,有乜其他建議等等都可以繼續討論。——Longway22 (傾偈) 2021年3月31號 (三) 02:13 (UTC)
    • 好啊,唔該晒你。粵維有幾個唔同嘅大一統中心要避免(華文世界、英文世界、廣東、香港),掉返轉睇其實都可以係一種互相制衡。翹仔 (傾偈) 2021年4月6號 (二) 10:55 (UTC)

技術

Special:UnconnectedPages大量假陽性個案

Special:UnconnectedPages積壓大量項目,執咗一陣發現大部份都係假陽性個案,左邊欄有或者無顯示其他語言,但實際已經連咗Wikidata,要做一次dummy edit先至修正到。以前都唔覺有咁大問題,就算有都係個別例子,但而家情況好嚴重。要人手逐個dummy edit根本治標唔治本,要睇下可唔可以喺系統層面解決呢個問題,一連咗Wikidata就自動由Special:UnconnectedPages除名。如果唔解決呢個問題,等同廢咗Special:UnconnectedPages武功,無人會再有興趣幫粵維手執Unconnected Pages。我今日執咗幾十個假陽性個案,都要暫停一下唔想再執。--Kwgulden (傾偈) 2021年1月1號 (五) 11:51 (UTC)

@Kwgulden我之前睇過下相關技術討論,記得好似係話,更新呢類cache咗嘅數據,耗費嘅資源比較多,伺服器會無咁忙嘅時候先間唔中更新下。之前有意見話過要技術層面加快更新,但啲開發者拒絕咗。H78c67c·傾偈 2021年1月2號 (六) 08:17 (UTC)
用機械人做有冇得諗吓? Shinjiman 2021年1月3號 (日) 09:29 (UTC)
如果有機械人可以解決問題,當然係好事。記得舊時連完Wikidata之後,Special:UnconnectedPages就會即時(1分鐘內)自動更新,而家唔識自動更新,確係倒退咗。粵維作為細語種,一個人開完文之後,好多時都唔會有第二個人再改,就令到呢個問題零舍明顯。--Kowlooner (傾偈) 2021年1月3號 (日) 11:57 (UTC)
Pywikibot有個叫touch.py嘅嘢,如果可以透過呢個專門版拎到個清單再走呢個理論上應該就可以,亦由於係做無修改編輯,所以亦都唔會留低編輯紀錄。 Shinjiman 2021年1月4號 (一) 01:14 (UTC)
touch.py -unconnectedpages就應該可以搞掂佢哋。 Shinjiman 2021年1月4號 (一) 02:06 (UTC)

Tech News: 2021-02

2021年1月11號 (一) 15:42 (UTC)

Tech News: 2021-03

2021年1月18號 (一) 16:10 (UTC)

Tech News: 2021-04

2021年1月25號 (一) 18:31 (UTC)

Moving Wikimania 2021 to a Virtual Event

Wikimania's logo.

你好. Apologies if you are not reading this message in your native language. 請幫手去譯做你嘅語言. 多謝!

Wikimania will be a virtual event this year, and hosted by a wide group of community members. Whenever the next in-person large gathering is possible again, the ESEAP Core Organizing Team will be in charge of it. Stay tuned for more information about how you can get involved in the planning process and other aspects of the event. Please read the longer version of this announcement on wikimedia-l.

ESEAP Core Organizing Team, Wikimania Steering Committee, Wikimedia Foundation Events Team, 2021年1月27號 (三) 15:16 (UTC)

Project Grant Open Call

This is the announcement for the Project Grants program open call that started on January 11, with the submission deadline of February 10, 2021.
This first open call will be focussed on Community Organizing proposals. A second open call focused on research and software proposals is scheduled from February 15 with a submission deadline of March 16, 2021.

For the Round 1 open call, we invite you to propose grant applications that fall under community development and organizing (offline and online) categories. Project Grant funds are available to support individuals, groups, and organizations to implement new experiments and proven ideas, from organizing a better process on your wiki, coordinating a campaign or editathon series to providing other support for community building. We offer the following resources to help you plan your project and complete a grant proposal:

Program officers are also available to offer individualized proposal support upon request. Contact us if you would like feedback or more information.

We are excited to see your grant ideas that will support our community and make an impact on the future of Wikimedia projects. Put your idea into motion, and submit your proposal by February 10, 2021!

Please feel free to get in touch with questions about getting started with your grant application, or about serving on the Project Grants Committee. Contact us at projectgrantsTemplate:Atwikimedia.org. Please help us translate this message to your local language. MediaWiki message delivery (傾偈) 2021年1月28號 (四) 08:01 (UTC)

Tech News: 2021-05

2021年2月1號 (一) 22:38 (UTC)

Wiki Loves Folklore 2021 is back!

請幫手去譯做你嘅語言

Wiki Loves Folklore Logo.svg

You are humbly invited to participate in the Wiki Loves Folklore 2021 an international photography contest organized on Wikimedia Commons to document folklore and intangible cultural heritage from different regions, including, folk creative activities and many more. It is held every year from the 1st till the 28th of February.

You can help in enriching the folklore documentation on Commons from your region by taking photos, audios, videos, and submitting them in this commons contest.

Please support us in translating the project page and a banner message to help us spread the word in your native language.

Kind regards,

Wiki loves Folklore International Team

MediaWiki message delivery (傾偈) 2021年2月6號 (六) 13:25 (UTC)

Tech News: 2021-06

2021年2月8號 (一) 17:42 (UTC)

Tech News: 2021-07

2021年2月15號 (一) 17:56 (UTC)

Feminism & Folklore 1 February - 31 March

請幫手去譯做你嘅語言

Greetings!

You are invited to participate in Feminism and Folklore writing contest. This year Feminism and Folklore will focus on feminism, women's biographies and gender-focused topics for the project in league with Wiki Loves Folklore gender gap focus with folk culture theme on Wikipedia. folk activities, folk games, folk cuisine, folk wear, fairy tales, folk plays, folk arts, folk religion, mythology, etc.

You can help us in enriching the folklore documentation on Wikipedia from your region by creating or improving articles centered on folklore around the world, including, but not limited to folk festivals, folk dances, folk music, women and queer personalities in folklore, folk culture (folk artists, folk dancers, folk singers, folk musicians, folk game athletes, women in mythology, women warriors in folklore, witches and witch-hunting, fairy tales and more. You can contribute to new articles or translate from the list of suggested articles here.

You can also support us in translating the project page and help us spread the word in your native language.

Learn more about the contest and prizes from our project page. Thank you.

Feminism and Folklore team,

Joy Agyepong (talk) 2021年2月16號 (二) 02:40 (UTC)

Technical maintenance planed‬

Tech News: 2021-08


2021年2月23號 (二) 00:17 (UTC)

Tech News: 2021-09


2021年3月1號 (一) 19:08 (UTC)

Wikifunctions logo contest

2021年3月2號 (二) 01:47 (UTC)

引入人哋部機械人齋去清走騰訊微博個link

騰訊微博已經喺早前宣佈關閉,嗰到所有嘅賬戶已經自動關閉嗮。而粵維應該有唔少文喺「連出去/出面網頁」個度仲有騰訊微博個網站,例如藝人、出名人物等。所以想問下可唔可以學中維嗰到整個機械人,或者引入佢部機械人嚟粵維幫一大堆有Tencentweibo嘅網站全部刪嗮佢?逐個逐個去揾同刪都好燒時間。特克斯特 (傾偈) 2021年3月7號 (日) 19:40 (UTC)

個模有124版用。H78c67c·傾偈 2021年3月7號 (日) 20:21 (UTC)
邊度可以查到有124版+邊啲文章用緊呢個模?可以嘅話人手刪都得。特克斯特 (傾偈) 2021年3月7號 (日) 20:25 (UTC)
@特克斯特[36] H78c67c·傾偈 2021年3月7號 (日) 20:50 (UTC)
@特克斯特H78c67c搞掂!:p --Z423x5c6 (傾偈) 2021年4月10號 (六) 06:45 (UTC)
唔該嗮。:) 要我搞應該做好耐,難得咁快手搞好。特克斯特 (傾偈) 2021年4月10號 (六) 10:39 (UTC)
@Z423x5c6不過想問下,隻機械人有冇較做識得detect有分類同有連過去其他文章個度嗰陣,識得自動拎走no category同orphan呢類嘅模?我發覺有啲文都係其他人加返分類嗰陣就唔記得拎走個模,開新文嗰陣就連咗啲orphan文去其他文,但就冇人特登去留意呢啲orphan文去清理呢類嘅標籤。如果有機械人識得自動detect同適時清理呢啲模就好好多。例如喺一人晚餐,二人世界,你嗰陣加返分類,就冇留意到佢有返分類之後去清走個模,有機械人做會有效率好多。(我啱啱幫你清走咗一人晚餐,二人世界個冇分類嘅模)
上次你隻機械人都已經好醒目,識得清走微博連結之餘,仲識得將同網站嘅參考用ref name將佢哋group埋一齊特克斯特 (傾偈) 2021年4月13號 (二) 17:06 (UTC)
@特克斯特唔該嗮!其實我用AWB都係半桶水,知啲唔知啲,我肯定佢係識得加orphan模嘅,但係好似唔識得拎走……Z423x5c6 (傾偈) 2021年4月13號 (二) 17:35 (UTC)

Tech News: 2021-10

2021年3月8號 (一) 17:51 (UTC)

lang模唔畀用斜體?

見到有篇文出現「出錯:{{Lang-xx}}: text has italic markup」錯誤,似乎係而家lang模被改成唔畀用斜體。其實文學同影視作品名用英文寫嘅話,理應要用斜體,唔知點解要咁改個模。--Jason6698 (傾偈) 2021年3月13號 (六) 11:10 (UTC)

睇呢度:模組討論:Lang特克斯特 (傾偈) 2021年3月13號 (六) 11:18 (UTC)

Tech News: 2021-11

2021年3月15號 (一) 23:22 (UTC)

Tech News: 2021-12

2021年3月22號 (一) 16:53 (UTC)

Tech News: 2021-13

2021年3月29號 (一) 17:30 (UTC)

Tech News: 2021-14

2021年4月5號 (一) 19:40 (UTC)

通用行為準則第二階段

通用行為準則(UCoC)提供所有人參與維基媒體運動以及專案時需要遵守的即可接受的行為準則。目前該準則制定進入第二階段,盡力清楚概述其執行方式,你可以在通用行為準則專案頁面中閱讀到更多整個專案的資訊。

草案委員會:徵集申請

維基媒體基金會目前在招募志工加入委員會來起草書寫通用準則並使其可以運行。 加入這個委員會的志工從四月底到七月底以及從十月到十一月底每週必須投入兩至六小時在其專案上。對組成該委員會來說多元性及包容性至關重要,且必須擁有在不同的經驗與經歷,如資深用戶以及新手、曾經收到活動訊息或是響應運動者,及曾經被誤控有騷擾行為之用戶。

欲知如何申請以及了解更多流程細節,請見m:通用行為準則/草案委員會

2021年社群諮詢:通知並徵求志工及翻譯人員

從四月五日到五月五日,我們將會與各維基專案討論如何執行通用行為準則。我們在此徵求志工翻譯關鍵資訊,並使用我們建議的關鍵問題來幫助在他們自己的語言或維基項目中主持諮詢。如果你對於擔任這些志工角色有興趣,請使用您最舒適的語言在這裡與我們聯繫

想要了解有關此工作和正在進行的其他討論的更多信息,請參見m:通用行為準則/2021 諮詢

-- Xeno (WMF) (討論) 2021年4月5號 (一) 21:01 (UTC)

Global bot policy changes

Line numbering coming soon to all wikis

-- Johanna Strodt (WMDE) 2021年4月12號 (一) 15:09 (UTC)

About deploying StructuredCategories in the Cantonese Wikipedia

Hello,

I developed a Gadget that generates a link to a structured description of a given Wikimedia category based on the commonly used Wikidata statements to efficiently define its direct members. Please find the description of the Gadget at https://www.wikidata.org/wiki/Wikidata:Structured_Categories and its JavaScript source code at https://www.wikidata.org/wiki/User:Csisc/StructuredCategories.js. I ask how to deploy this tool in the Cantonese Wikipedia so that it can be featured in the Preferences for users.

Yours Sincerely,

--Csisc (傾偈) 2021年4月16號 (五) 15:22 (UTC)


提議

logo其實要改一改

Wikipedia-logo-v2-yue-expected.svg

話說其實我哋呢邊嘅logo呢,用嘅字體係有版權嘅,而且唔係自由版權。跟住又話說隔離中文維基百科就有人提議將佢哋嗰邊嘅logo換成用思源宋體嘅字型嘅logo,而且仲整埋粵語版。咁有鑑於依家個logo其實會有版權問題,而用思源宋體字型就可以完全避免呢一個問題(思源宋體係開源嘅字型),外觀上又唔會造成太大嘅反差,所以我提議改用思源宋體字型嘅logo。個logo我就擺咗喺隔離啦,大家可以睇下。如果要改logo,好似要問Phabricator,但係如果我哋呢度有討論共識要改嘅話,通常佢哋會批准。Sanmosa 54歲少女 2020年5月19號 (二) 09:28 (UTC)

記得初代logo(有『袓』字版本)係有應徵過嘅,但第二代(有『維』字版本)係未經應徵過就被推咗上去;上面提及到嘅改動最容易睇得出嘅就係『嘅』字書體嘅分別。 Shinjiman 2020年5月19號 (二) 12:23 (UTC)
多謝User:Sanmosa幫手先。其實呢,我自己唔係好鍾意而家有腳(serif font)嘅維基百科四大隻字(好核凸,又太似中維),不過,我唔知 logo 字體有版權拉申成問題,可以諗諗昭源黑體 Chiron Sans HK 或者「思源黑體」(下面細字可以諗諗用自由香港楷書),橫掂都傾開,想改埋嗰字款,@ShinjimanHenryLiDeryck ChanPokman817SC96KowloonerSanmosa想知你地點睇?--WikiCantona (傾偈) 2020年5月19號 (二) 20:47 (UTC)
字體上嚟講,我仍然比較傾向思源宋體,因為視覺效果上唔會同依家有太大差異。我唔太同意用黑體,我覺得視覺效果會變差,字體難以辨認,而且睇落去會以為我地係盜版網站咁款。用楷體其實都有同樣問題,大家自己睇下文言維基大典就知發生咩事:完全炒車。宋體俾到人一種典雅、書卷氣的感覺,比較貼合維基百科。Sanmosa 54歲少女 2020年5月20號 (三) 00:38 (UTC)
其實唔知能唔能夠問得返有關現行撈稿嘅上載者Bastique去問返用咗啲乜嘢字體? Shinjiman 2020年5月20號 (三) 01:08 (UTC)
睇返個原檔同埋有關撈稿描述,似乎係用咗《小塚明朝 Pro》呢隻字體先至係真。 Shinjiman 2020年5月20號 (三) 01:16 (UTC)
如果我冇記錯,有一段時間,我哋係用「維基百科」四大隻字係用黑體字型,比較有現代感,後尾無端端俾人改咗。同意閣下講宋體視覺上比較典雅、有書卷氣。噉,「維基百科」四大隻字用黑體,下面用宋體,閣下意下如何?--WikiCantona (傾偈) 2020年5月20號 (三) 01:19 (UTC)
『黑體』字「維基百科」大字應該喺呢度冇用過,可以睇返當時嘅應徵過程Shinjiman 2020年5月20號 (三) 03:06 (UTC)
最後邊個贏咗?--WikiCantona (傾偈) 2020年5月20號 (三) 03:16 (UTC)
當時最後由tonync贏咗,設計係宋體標題字加楷體副題。 Shinjiman 2020年5月20號 (三) 03:57 (UTC)
噉嘅話,用返之前 tonync 嘅設計,用返啲開源字體,問題就解決。我係有啲㷫畀人換咗個第二代設計,冇喺粵維有過討論(可能有,而我冇留意!),完全唔尊重粵文維基嘅獨立性!--WikiCantona (傾偈) 2020年5月20號 (三) 09:33 (UTC)
基於tonync嘅設計,副題係用楷體嘅,唔知有邊啲開源自由嘅楷體字可以用?以我所知好似『自由香港楷書』呢啲字係用CC-BY 4.0發佈嘅,試過4700版,但『嘅』字會有缺字情況,可以去呢度實證吓。 Shinjiman 2020年5月21號 (四) 01:16 (UTC)
我哋自己幫手造個「嘅」嘅 font?!--WikiCantona (傾偈) 2020年5月21號 (四) 23:59 (UTC)
我對字體冇乜研究,但睇完以上討論,傾向支持用宋體。我有辦法聯絡到 Bastique 真人,如果有必要嘅話可以幫大家問佢有關原 logo 設計嘅問題。翹仔 (傾偈) 2020年5月20號 (三) 16:12 (UTC)
翹仔,都好呀,麻煩你搵下佢,我都好想知個估仔嘅來龍去脈,等我哋有幅全面嘅畫面,等我知道我係咪㷫得合理?!--WikiCantona (傾偈) 2020年5月21號 (四) 01:36 (UTC)
本地再要獨立改招牌設計嘅,係咪可以加埋粵拼同英文,覺得咁嘅話會多啲本地嘅特色。——Longway22 (傾偈) 2020年5月21號 (四) 04:46 (UTC)
好過隱𡃓!可以考慮預製幾款 logo,粵拼wai4 gei1 baak3 fo1 zi6 jau4 ge3 baak3 fo1 cyun4 syu1粵拼wai4 gei1 baak3 foh1 ji6 yau4 ge3 baak3 foh1 chuen4 sue1,隨機出現。--WikiCantona (傾偈) 2020年5月21號 (四) 05:42 (UTC)
好似冇「隨機出現」呢個功能....翹仔 (傾偈) 2020年5月21號 (四) 14:45 (UTC)
好多年前,拗應該嗌「粵語維基百科」定「廣東話維基百科」,好似用「隨機出現」去就解決問題?!唔通又係得個講字?直到最後用「粵文」...--WikiCantona (傾偈) 2020年5月21號 (四) 23:59 (UTC)
根據我嘅理解,logo「隨機出現」技術上無可能。即使技術上有可能,Phabricator都未必會批。Sanmo sa 54歲少女 2020年5月22號 (五) 07:17 (UTC)
噢,咁中維嗰邊,點樣 switch between 繁體中文同簡體中文兩個 logo 版本?--WikiCantona (傾偈) 2020年5月22號 (五) 12:55 (UTC)
記得應該係有JS配合去做嘅。 Shinjiman 2020年5月23號 (六) 14:31 (UTC)
JavaScript 有 Math.random() function 嘅,問題,睇落係有冇人多啲人支持個粵拼版 Logo。--WikiCantona (傾偈) 2020年5月24號 (日) 06:43 (UTC)
加埋粵拼我怕會太雜,至於加埋英文就會太偏向香港而忽略香港以外嘅粵語用家。Sanmosa 54歲少女 2020年5月22號 (五) 07:17 (UTC)

Bastique 覆咗我。佢話,十年前嘅事,我老喇。但佢講咗呢樣重要嘅嘢:

  1. 2010 年改撈稿係中央統籌嘅,當時想所有漢字維基百科統一字體,所以冇分開諮詢個別站點。
  2. 粤文 v2 logo (即係而家用緊嗰個)係佢整嘅。當年多數撈稿都係佢落手整嘅。

噉我就砌返件事嘅歷史出嚟:

  1. 2008年開始想改撈稿。當時有記載少量討論,應唔應該由「袓」轉「維」等等。commons:Talk:Wikipedia/Logo#The_proposed_Chinese_character
  2. 2010年,正式改撈稿,Bastique 中央統籌換撈稿揀字體嘅事。揀字體嘅時候,設計團隊只係想漢字字體盡量接近新嘅拉丁字母字體,揀咗 MingLiu。 [58][59]
  3. 揀咗之後,中文維基有人過去同佢講,有其他更好嘅字體。傾咗一陣之後轉咗非自由版權字體 Kazura Mincho。(連結同上;睇埋commons:Wikipedia/2.0
  4. Bastique 之後順手直接製作埋粤文版,用一樣嘅字體。commons:File:Wikipedia-logo-v2-zh-yue.svg
  5. 2017 年,中維有人提議轉用自由字體「思源宋體」,但未定案。zh:Wikipedia:互助客栈/其他/存档/2017年6月
  6. 今年再攞返出嚟講。

--翹仔 (傾偈) 2020年5月23號 (六) 13:28 (UTC)

我嘅建議係:如果中維繁體版轉用思源宋體就一齊轉。如果中維唔轉就到時再傾。翹仔 (傾偈) 2020年5月23號 (六) 17:27 (UTC)
WikiCantona嘅「思源宋體+自由香港楷書」版睇落較上面原本嘅「思源宋體」版好,個「維」嘅偏旁用返香港習慣嘅「糹」,而副題用「自由香港楷書」嘅好處主要係避免同中文維基個logo太似。不過我就對粵拼版有保留,因為違反各語言版本logo慣例,「維基百科」下面一律寫「自由嘅自由百科」。--Kowlooner (傾偈) 2020年5月24號 (日) 13:24 (UTC)
會唔會太偏向香港而忽略香港以外嘅粵語用家?而且「維」嘅偏旁本身唔係咩大問題。仲有,我唔明同中文維基個logo似有咩問題。Sanmosa 54歲少女 2020年5月24號 (日) 23:44 (UTC)
早年粵維畀人話分薄資源,有人反對粵維嘅存在。行我哋嘅方向,少不免對一啲北方話化粵維嘅行為(e.g.將啲中維嘅「條目」吸過嚟就唔理)好唔妥!所以喺啲小事上面,會有一定嘅堅持(睇下面 Yue.wikipedia.org 嘅討論)。如果個 logo 同中維太似樣,會唔會畀人覺得同中維係一樣嘢嚟呢?!多啲分別會好啲,而用三點水嘅翹絲邊旁「糹」係傳統嘅寫法,唔只照顧香港用家,亦考慮到海外用家。--WikiCantona (傾偈) 2020年5月25號 (一) 01:14 (UTC)
「思源宋體+自由香港楷書」版唔係我嘅作品,係跟據2006年嘅討論結果,只係換咗啲字體。--WikiCantona (傾偈) 2020年5月25號 (一) 01:14 (UTC)
不過似乎 v2 logo 嘅設計目標係唔同語文嘅字體盡量配合,所以兩行字都係用宋體好過用楷體。「維」字嗰三點點樣點,其實係印刷體嘅事,印刷體同書寫體唔一定完全相同形狀。翹仔 (傾偈) 2020年5月26號 (二) 00:20 (UTC)
加咗個新版本:兩行字都係用「思源宋體」,「維」字嗰三點係因為字體嘅設計,「思源宋體」呢隻係用三點水「糹」邊旁。--WikiCantona (傾偈) 2020年5月26號 (二) 18:22 (UTC)
我要指出嘅事實係,印版字形同手寫字形嘅需求完全唔同。「糹」下面寫做三點,其實只係手寫習慣。「思源宋體」因爲台灣人,搞到繁體版要遵從「台標」(台灣教育部國字標準字體),廣受排印界同字型設計界嘅詬病。如果睇番印刷嘅書籍,其實印刷時係用番印版字形嘅。But Ko將思源宋體修改做傳統印刷字形習慣,並且維持相同嘅開源授權,如果要用「思源宋體」,可以用佢嘅「源樣明體」。--Cangjie6 (傾偈) 2020年6月1號 (一) 07:47 (UTC)

睇吓

跟上面傾過嘅嘢做出嚟嘅--WikiCantona (傾偈) 2020年5月24號 (日) 02:53 (UTC)

楷書嗰個版本,下面嗰行唔對稱嘅?「書」字凸出「科」字右邊,但「自」字冇凸出「維」字左邊。(不過我反正唔鍾意轉楷書。)翹仔 (傾偈) 2020年5月26號 (二) 00:09 (UTC)
改咗!--WikiCantona (傾偈) 2020年5月26號 (二) 18:22 (UTC)
點解你個思源宋體同 Sanmosa 個思源宋體好似唔同嘅?翹仔 (傾偈) 2020年5月28號 (四) 16:49 (UTC)
我問過下佢。不過,再睇過中維嘅討論同埋 User:Bastique 同 User:R.O.C 嘅討論之中發現,有「糸」旁嘅「維」字嘅字體好可能係 Masahiko Kozuka 小塚昌彦設計嘅 「Kozuka Mincho Pr6N」字體。亦有可能其中一個「維」係異體字。但係始終覺得係字體問題--WikiCantona (傾偈) 2020年5月28號 (四) 17:12 (UTC)
再講直啲,有「糸」旁嘅「維」字係日本漢字睇埋思源宋體網站)--WikiCantona (傾偈) 2020年5月28號 (四) 17:32 (UTC)
@WikiCantona 介唔介意領過去中維同佢哋講呢樣嘢?我唔係好識表達。翹仔 (傾偈) 2020年5月29號 (五) 20:22 (UTC)
講真兩者係用同一編碼,兩者之間其實係『印刷體』同『書寫體』嘅分別。(可以睇吓zh-TW編碼嘅『』、zh-CN嘅『』、ja-JP嘅『』同埋ko-KR嘅『』) Shinjiman 2020年5月30號 (六) 06:56 (UTC)
@Shinjiman兩者係用同一編碼,不過唔只係咁,下面我講清楚。--WikiCantona (傾偈) 2020年5月31號 (日) 09:56 (UTC)
其實,家陣 File:Wikipedia-logo-v2-yue-expected.svg (即係 User:Sanmosa 擺出嚟嗰個[C註 1],圖一),「維基百科」字體係「源樣明體」(genyo-font),我整出嚟嘅 logo File:Wikipedia-logo-v2-yue-purposed-fontsreplaced-2lines.svg(圖二)字體係「思源宋體」(Source Han Serif)。最重要係,「源樣明體」係「基於思源宋體的開放原始碼中文字型。採用思源宋體韓文(KR)版本的字符,配合繁體中文慣用的置中標點...[60]」,你睇下範例一。所以,用現在嘅中維整嘅 logo 嘅「維基百科」係韓式字形,亦即係『』,而唔係傳統嘅『』。--WikiCantona (傾偈) 2020年5月31號 (日) 09:56 (UTC)
我對「宋體+楷書」定係「兩行宋體」都無所謂,但係「維」字用「糹」邊呢一點我就企硬。--Kowlooner (傾偈) 2020年5月31號 (日) 14:32 (UTC)
反對將「糸部件」嘅傳承字形稱做「日本漢字」或者「韓式字形」,明明喺中文漢字入面,長期以嚟係印版字形習慣就係好似絲絮嘅「𡭔」形而唔係「三點」。喺「傳承字形(舊字形)」條目入面已經講清講楚。日本同韓國只係冇亂改印版字形,跟番過往漢字習慣,唔係得日本同韓國先係咁。印版字形同手寫字形嘅需求完全唔同。「糹」下面寫做三點,其實只係手寫習慣,而唔係傳統印刷習慣。上面WikiCantona嘅講法,啱啱同客觀事實相反咗。
而「思源宋體」只係因爲製作時由啲對文字設計同漢字文字學無知台灣IT人話事,先搞到跟咗「台標」(台灣教育部國字標準字體),受到排印界同字型設計界唔少詬病。同樣地,大陸搞文改,定出「國標」,「Simsun」呢類印刷字形被手寫字形拖住嚟行,將「糸部件」嘅「絲絮」改成「三點」,呢排方正推出好多字型,本來係取材自古籍或者以前嘅精美字粒,偏偏將啲字改做「國標」字形,莫講話繁體用戶喇,連大陸用開簡化字嘅版面設計師、字體設計師都對啲字型劣評如潮。所以我極力反對將明體或者黑體嘅「糸部件」改做三點,應該維持番佢嘅傳承字形
But Ko將思源宋體修改做「源樣明體」,係維持傳統印刷字形習慣,而唔係所謂「日本字形」或者「韓式字形」。只不過喺思源宋體本身嘅設計入面,日韓版本冇受「台標」字形污染,所以佢哋更接近傳承字形,用佢哋嚟修改,反而事半而功倍。噉唔等於傳承字形係日本或韓國嘅。本身中文印刷習慣就係傳承字形。--Cangjie6 (傾偈) 2020年6月1號 (一) 07:47 (UTC)
  • 我投「圖一」,呢個版本嘅明體字符合傳承字形習慣。--Cangjie6 (傾偈) 2020年6月1號 (一) 07:47 (UTC)
  • 非常反對將使用「糸」稱為「韓國字形」。事實上印刷體自明朝出現雕版印刷工業以來,一律都係刻做「糸」,隨便去中央圖書館揾一本回歸前出版嘅小説書,無論係台灣定香港都好,都係用「糸」而唔係用「糹」。只有香港新式電腦印刷嘅書先係用「糹」,仲要基本上都係三中商嘅書,佢地用嘅蒙納宋體其實係基於上海造字廠嘅大陸字體改出來,用「糹」先係名副其實嘅電腦字。中國政府响1964年簡化漢字,認為印刷體同手寫體出現差異,會影響學生學習,所以將印刷體嘅寫法修改,令到佢更加符合手寫,出版咗《印刷字通用字表》然後強制性實施。台灣政府响1982年又有樣學樣,喺未徵詢印刷業界嘅情況下,大刀闊斧改造字形,整咗一份《國字標準字體宋體母稿》,改字嘅尺度仲勁過大陸。香港响2001年又做埋同一樣神經野,由PolyU CompSci帶領嘅小組,將楷書字形引入印刷體,都係基於台灣字形做小修小補咁。我強烈認為粵語維基應該保留傳統,繼續使用「糸部件」。
「源樣明體」嘅出現,就係因為「思源宋體(台)」嘅寫法,並唔符合一路以來繁體中文世界嘅印刷習慣。市面上採用傳統字形嘅字體一般都係非常昂貴,而免費嘅就係得跟曬台灣政府同香港政府標準嘅字體,所以先會利用「思源宋體(韓)」嘅字形來製作一套符合繁體中文地區習慣嘅字體。唔好本末倒置將我地恆久以來嘅使用習慣,誤會當成係用緊「韓國嘢」先得架。
承上,我支持「圖一」。--Hfhchan (傾偈) 2020年6月1號 (一) 08:12 (UTC)
  • 其實日文漢字手寫體嘅繑絲邊的確係「糸」而唔係中文手寫體嘅「糹」,所以話「糸」邊嘅「維」係日本字形都無可厚非嘅... 不過我亦認同印刷體同手寫體嘅字形唔使一樣,尤其是撈稿。英文 Wikipedia logo 個「W」都唔係真係「W」而係兩個「V」黐埋啦。如果中維繁體版都繼續沿用「糸」,粵維無謂標奇立異。翹仔 (傾偈) 2020年6月1號 (一) 12:21 (UTC)
  • 我淨係支持「圖一」,一來同Cangjie6所講一樣,二來同Hfhchan所講一樣,三來同翹仔所講一樣。仲有,我仍然唔明同中文維基個logo似有咩問題。如果社群共識最後唔同意用「圖一」,我會收回提案。Sanmosa 1984 2020年6月2號 (二) 10:55 (UTC)
中文維基百科過咗換繁體logo嘅proposal。Sanmosa 1984 2020年6月4號 (四) 05:56 (UTC)

多謝兩位 User:Cangjie6,User:Hfhchan 補充嘅觀點,兩位指出長久以來嘅宋體印刷體,都係以『』寫法為主。而家嘅電腦印刷品用『』為主,亦係一個事實。暫時放低邊一個係「正統」嘅拗撬,兩個寫法都應該接受,兩個寫法都有人用。但係,各位要注意我早前提出,粵維第一個有共識嘅 logo,係冇諮詢之下俾人改咗,我覺得呢個做法雖然無心,不過仍然有啲唔尊重我哋,所以本人將固有嘅設計套上新嘅字體(圖三)。之前喺討論到提到兩點,粵維要同中維睇齊,所有用華文嘅維基百科,就要用呢個設計?點解先?我哋用自己嘅共識而設計嘅 logo,有咩唔妥?第二,維基百科嗰幾隻字,同英文 Wikipedia 合襯一啲?!可能係... 不過,要明白英文 Wikipedia 唔係純粹揀字體,而係比賽勝出嘅作品揀出嚟嘅,而「圖一」嘅 logo 嘅字體,以我所知,並冇任何設計去配合 Wikipedia 嘅兩個「V」黐埋設計,只係套用一個現成嘅字體。所以,尊重我哋 2006年呢道嘅投票嘅結果,仲有,維基百科就唔係傳統嘅印刷媒體,用「糹」點解唔得呢?所以,本人揀宋體標題字加楷書副題「圖三」。亦希望其他人講吓佢哋嘅睇法。--WikiCantona (傾偈) 2020年6月4號 (四) 06:05 (UTC)

  • 認同呢度WikiCantona講到嘅意見。照粵維人嘅本地原有投票結果,係應該先尊重同承認返嘅,呢個亦係本地共識優先嘅傳統。至於到呢家嘅討論用其他字體嘅,都係因為技術師嘅拖慢,導致咗新舊粵維人討論有撞車,呢個唔應該係本地問題。如果有必要,都適當咁需要仲做咁嘅技術朋友,都過嚟本地參與解決呢個爭議,唔係會令分歧不明不白咁留喺度。——Longway22 (傾偈) 2020年6月4號 (四) 07:54 (UTC)
我想大家留意一點:共識可以改。上面提到嘅「本地共識」已經係2006年嘅事,未必符合現狀。我認為應該做嘅係重新確認此時此刻嘅「本地共識」。Sanmosa 1984 2020年6月4號 (四) 14:10 (UTC)
此時此刻嘅「本地共識」係未有。講返個 logo,(圖三)係基於 2006年嘅固有嘅設計,做咗「合符現狀」嘅改動,即係 Update 咗啦!所以希望閣下支持。亦好多謝中文維基百科咁有心,幫手搞埋我地嘅 logo,如果呢邊之前冇一個本地 version 1 嘅 logo,我亦會支持閣下嘅,不過,有嘅話,都會揀返本地設計。--WikiCantona (傾偈) 2020年6月4號 (四) 21:45 (UTC)
其實至少係香港,有唔少對字體有要求嘅人,用電腦睇字都會set番做傳承字形,甚至盡量改埋電腦裝置個顯示,唔跟台灣嗰套(例如:鄭惟:《將 Windows 7 / 8 / Vista 醜陋嘅新細明體改番做 Windows XP 預載較美觀嘅版本》(聚言時報)),所以至少我哋睇到嘅係:而家嘅電腦印刷品唔見得用「三點嘅維」爲主,用「似絲䋈嘅維」仍然有好多。仲有,我之前畀咗啲渠道WikiCantona,可能你冇眞係試過聯絡,因為當中就係有做過所謂「自由香港楷書」嘅人,套字型其實好大問題。佢哋本來係計劃嘅共同發起人,本來一開始話明個計劃會做各種香港有嘅字形,包含多種異體字,亦唔會捧任何一種寫法做「標準」,而且會一步步擴充。點知個計畫搞搞下,當中有啲人(甚至係中途先加入嘅人)變咗個話事權大過佢哋,利用完佢哋嘅勞動就踢走佢哋,cut埋啲異體字,將個計畫變咗做話係某啲團體搞,淨係高捧本來編製者話明只用於手寫字度嘅一種寫法,周圍上傳媒對公眾話嗰隻寫法係「專家」「標準」,將成個計劃嘅初衷違反晒。本身隻楷書唔係為電腦顯示用嘅,佢放出嚟,跟晒本來淨係用喺手寫字嘅字形,變咗只係當俾老師快速查吓教學生手寫時用咩寫法好,唔係為喺熒幕顯示而設,甚至有啲邊緣狗牙、爛曲線等等嘅細節,本來係執過嘅,都被食咗個計劃嘅人回退咗。所以真心唔建議用佢嚟顯示。本來唔係想放晒出嚟噉寫,不過WikiCantona冇應TG粵維,又冇用過我之前畀你嗰啲渠道聯絡人,唯有噉樣講出嚟。2006年嘅討論我冇參與,當時我都唔知粵維大家傾。但既然而家要討論,非常非常非常真心噉希望,大家可以參慮番呢啲因素,再審視呢個問題。最好始終係用傳承寫法,即使係電腦顯示,其實好多人(至少我呢邊)真係睇慣傳承字形。退十步嚟講,唔用傳承字形喇,都唔好用「自由香港楷書」,就算要用楷書,都仲有第二隻開源楷書可以用。--Cangjie6 (傾偈) 2020年6月5號 (五) 15:41 (UTC)
@Cangjie6就閣下嘅意見,應該改用邊一隻開源楷書字體呢?--WikiCantona (傾偈) 2020年6月6號 (六) 07:44 (UTC)
譬如「CwTeX楷書」,文鼎字型做底開源社群改嘅「Ukai」,都好過「香港自由楷書」。唔介意有啲書法風格嘅話可以試埋「王漢宗顏楷」或者「I.顏體」。再唔係嘅,其實眞係可以再考慮,因爲「自由嘅百科全書」一般都幾細隻下,楷書顯示細字冇明體、黑體、圓體咁適合。--Cangjie6 (傾偈) 2020年6月6號 (六) 16:41 (UTC)
@WikiCantona所以呢度先需要討論,以得出新嘅「本地共識」。另外,我唔覺得相關改動「合符現狀」,「現狀」係我唔同大家講logo要改,大家就永遠停留在依家嘅logo度。大家如果真係堅持要用2006年樣式嘅話,當初換依家嘅版本嘅logo嘅時候(10年前)就應該提出來啦,點解去到依家先至講堅持要用2006年樣式?如果中文維基百科嘅design本來就好過「本地設計」,我唔認為有任何劣幣驅逐良幣嘅理由(至少圖一比較有美感)。順帶一提:中文維基百科嘅繁體logo已經正式換咗(樣式類似圖一,分別在於「嘅」同「的」)。Sanmosa 1984 2020年6月7號 (日) 04:02 (UTC)
@Sanmosa 同意你講,大家要傾。如果你睇返之前(上面)嘅傾嘅嘢,好多都係 facts finding。十年前換 logo 嗰時,本人都算係活躍,唔見得有乜人提過乜? 冇任何諮詢、亦冇任何嘅公布,幫你哋 update 咗 logo 啦!2006年嘅共識,我都未加入,跟本唔知有共識。如果,所有相關資料都冇俾人知道,或者好多人唔知。何來「到依家先至講堅持」?你嘅話假設左有我一早就有關嘅資料。至於美感呢樣嘢就好主觀嘅!多謝你指出中文維基百科嘅情況,本地就係呢個粵文維基百科,佢哋嘅觀點可以擺出嚟,可以傾可以擺出嚟,可以傾。 佢哋嘅共識,同呢度嘅共識冇直接關係。--WikiCantona (傾偈) 2020年6月7號 (日) 07:04 (UTC)
如果情況如此,你堅持要用2006年樣式嘅理由其實就更薄弱。Wikipedia:共識#共識可以改:「共識係可以改嘅,過去嘅共識可以被挑戰,亦唔係一定要遵守。」2020年同2006年相差14年,2006年嘅情況未必完全等同2020年嘅情況,而你甚至都唔清楚2006年嘅情況。Sanmosa 1984 2020年6月7號 (日) 08:17 (UTC)
共識當然可以改啦。現在我哋家陣就係討論緊應該點做,家陣係未有新嘅共識喎,我嘅選擇係基於舊有嘅共識,去做一個 logo。你就搬中文維基百科順手做埋嘅畀我哋,唔知中維新嘅 logo 考慮係乜,你亦冇講清楚,只係話,人地做咗,改埋啦,你地考慮吓啦... 唔好意思都要講,我地唔係冇能力做我地嘅 logo,你亦冇講畀點解要同中維咁似??正如我之前問過,設計基於原來嘅共識有乜唔妥先?不如你講係講下中維嘅設計有乜講咁正,唔用唔得?之前我亦講過,英文 WikipediA 幾隻字係有 design,中維新 logo 有乜設計去改過字形呢??或者你可以講講...
P.S.本人當初唔知 2006年嘅投票嘅結果,個 logo 之後改 Verision 2,我冇出聲,可能係因為(我錯誤咁諗) logo design 根本唔係屬於本地處理嘅嘢,係基金會話事,所以冇出聲。家陣閣下提醒我哋,喺所有資料齊全之下,我用新觀點,合理之至。--WikiCantona (傾偈) 2020年6月7號 (日) 10:49 (UTC)
依家未達成嘅部分屬於技術員拖慢導致嘅後果,係唔同原2006年經已達成案嘅衍生問題,原本嘅共識事實形成,而繼續沿用嘅有效性唔應該受呢次嘅影響。而字形度到宜家嘅再傾過,如果照返追溯同傳統、變通等嚟考慮,兩個風格應有返同等嘅應用位置。而以尊重少數嘅喜好自由,同再次追溯返技術人嘅連帶責任,應可要求技術人員再設計返自由變換圖徽功能。——Longway22 (傾偈) 2020年6月7號 (日) 04:53 (UTC)
唔認同以上講法,原因睇Wikipedia:共識#共識可以改。2020年同2006年相差14年,2006年嘅情況未必完全等同2020年嘅情況,依家未必適合用2006年嘅方案。Sanmosa 1984 2020年6月7號 (日) 08:17 (UTC)
  • 呢度請依據返WP:CONLIMITED去睇,本地嘅傳統延續講,呢度係繼承咗2006年早期嘅議案要求,有咗2006年案嘅定型,先至有返粵維依家即時繼續要維基技術員去更改LOGO嘅合理理據。呢度可以話2006年案係有優先級共識嘅。
再注意WP:CCC,入邊唔係要人盲目咁扭轉啲共識,而要睇返每個提案嘅價值嚟到定「共識」嘅變動點。依家嘅分歧在於由於舊案未即時解決,而造成咗依家嘅喜好字形有新而撞車,以新嘅意見啟發靈活處理嘅思路講,個人經已係提出咗增加技術自由變化嘅要求,呢個既係畀技術員,承擔返唔即時回應粵維2006年已有共識嘅責任,而原案相信係有著極大嘅原石價值指引後續,呢啲係否認唔到嘅。
同時重視返新嘅討論時候,亦係向有新意見嘅朋友表明,唔會無視呢啲意見,因為的卻喺呢度有著好大嘅推動價值。認為新嘅意見,係會促進返技術設計有更多元自由嘅選擇,學似中維整合咗多種轉換模組嘅發展,相信籍著呢個機會,亦可以推動粵維有新嘅模組設計思路。——Longway22 (傾偈) 2020年6月7號 (日) 09:25 (UTC)
同意「共識可以改」,亦歡迎任何人(無論響粵維活唔活躍)一齊傾,只係唔想粵維無共識同意嘅情況下就一定要接受中維準備嘅方案。其他漢語圈語種比較少人參與,中維或者可以代佢哋做決定,但粵維都算有唔少活躍編者,好應該由粵維嘅共識去決定用邊個方案。
上面討論到宋體傳統上係用「糸」邊。我有個新諗法:維基百科個logo某程度上等同舖頭招牌,而傳統上招牌嘅字體都係接近楷書(最出名嗰隻叫「李漢港楷」,可惜唔係自由字體)而唔係宋體。所以,如果連「維基百科」都用埋楷書,個「維」字就可以大條道理用「糹」邊,而成個logo亦可以統一用返同一隻字體。--Kowlooner (傾偈) 2020年6月7號 (日) 14:41 (UTC)
請恕我直言,我上面指出細字其實唔適合用楷書,係因為呢個係排印學上嘅專業意見,大家唔信嘅可以問問許瀚文、Francis Chow等本地專家,可惜似乎冇人理會過。由上面「圖四/五/六」嗰幾幅試作,明顯睇到楷體嘅可讀性遠遠比唔上明體。要知道喺幅圖上面,就算「維基百科」四字都唔係真係有幾大,連上面行標題「編輯緊 Wikipedia:城市論壇 (提議) (小節)」都大過佢,更何況「自由嘅百科全書」就更細。明體、黑體歸類得做印版字形,其中主因就係因為佢哋喺印刷、排版、顯示上,可讀性真係高過好多書法風、書寫風等等嘅各種字型。我在此明確表示,如果2006年我已經參與,我會反對提案。就算當時2006年通過後做咗Logo,我而家都會提出覆桌。我只支持傳承字形的明體、黑體或圓體方案。喺現有嘅圖入面揀嘅話,我只會揀圖一。亦非常非常非常希望大家放下個人喜好,呢個係字型顯示應用嘅專業問題,喺翻呢個角度做思考同埋做決定啦。--Cangjie6 (傾偈) 2020年6月7號 (日) 20:00 (UTC)
P.S.圖六係魏碑體,唔係「I.顏體」。--Cangjie6 (傾偈) 2020年6月7號 (日) 20:07 (UTC)
多謝講出閣下嘅專業意見。不過,你亦好明白 Wikipedia 之中,好多事都係由妥協而成,往往一篇文一個設計未必係最好嘅。如果你應同嘅話,「退而求其次」可能係一個機會。許瀚文、Francis Chow,今均先聽見...我有個反提議,閣下有相當嘅設計功力,都幫手整幾個 logo 設計出嚟睇下,think outside the box 係你地啲設計人嘅專長。--WikiCantona (傾偈) 2020年6月7號 (日) 23:33 (UTC)
P.S.改咗啦。BTW, 圖二有冇得諗?--WikiCantona (傾偈) 2020年6月7號 (日) 23:33 (UTC)
對我嚟講,如果係明、黑、圓等等嘅印版字型,的確係傳承字形順眼。始終傳承字形係由刻字工匠將明體不斷實踐同改良而嚟,結集咗數百年嘅職人智慧,夾硬推翻佢要「以楷凌明」,點都會改變咗佢個重心平衡。另外唔知點解你個圖二嘅副題好粗,可讀性明顯唔夠圖一。--Cangjie6 (傾偈) 2020年6月8號 (一) 11:45 (UTC)
  • 我覺得File:Wikipedia-logo-v2-yue-purposed-fontsreplaced.svg靚啲,但係「自由嘅百科全書」隻字可以再幼啲--Cyril Yoshi (傾偈) 2020年6月24號 (三) 06:06 (UTC)

結案?

  • 成個月無新意見,係咪可以結案陳詞?--Kowlooner (傾偈) 2020年7月26號 (日) 14:52 (UTC)
    • 其實,我試緊去用 User:Kowlooner 你提意嘅李漢港楷體或招牌字體去搞,未有進展... 其實可以結案,有新進展先重新立案。--WikiCantona (傾偈) 2020年7月26號 (日) 19:07 (UTC)
  • 李漢港楷始終本身有copyright,設計者都唔係為咗牟暴利而整,如果真係想用,我認為應該大大方方同人哋商量,等佢覺得受尊重。不過李漢港楷本來用途係喺啲好大好大嘅字嗰度,而且方便𠝹字,所以筆畫粗,仲有好多黏連。以目前粵維個Logo,我諗至少至少要將「維基百科」四字放大一倍,起碼呢個size先用得。不過噉做嘅話,一個橫行就只能放兩個字。
我再再再講一次,傳統排版又好,網頁版面又好,圖文顯示先重可讀性,清晰易讀。在足夠大的地方使用搶眼嘅標題字,用得其所嘅可以吸引注意力;但唔夠大嘅地方,唔顧啲字會𢲡埋一嚿變得難讀嘅話,只會弄巧反拙。以粵維logo嘅大細,其實「維基百科」四字都唔係幾大,而「自由嘅百科全書」就更加細。呢種情況下,我只會支持明體、黑體、圓體呢幾種,唔贊成其他喺呢方面扣分嘅花巧字型。除非個大小可以去到將「維基百科」四字嘅寬度同高度都大一倍(現時嘅寬度係100%,大一倍即係變做200%。高度亦然),噉就另作別論,到時我唔反對嘗試李漢港楷、歐楷、顏體或者北魏。
我由始至終都唔明,明明係字型問題,點解唔可以用番專業嘅字型排印學角度去解決。明明用傳承版嘅思源(源樣明體)眞係好,好似爲咗包拗頸特登唔用,又唔試其他喺字型排印學上適合嘅字,係都要整色整水噉。希望每一個編輯都唔好「爲咗唔同而唔同」,喺番字型排印嘅實際問題同效果出發。如果唔係由一開始個出發點已經錯晒。--Cangjie6 (傾偈) 2020年7月30號 (四) 16:48 (UTC)
  • 你嘅意見之前已經好清楚。對呢個「大一倍」嘅建議,或者可以考慮考慮,淨係用「維基百科」,自由嘅...都拎走埋,即係放大 130% - 140%。
呢個唔淨祇係「字型問題」,之前有編者已經講過 logo 有如招牌,Logo 嘅設計要講嚟㗎講你嘅故仔(Identity and Telling your story),要夠獨特(uniqueness)... 個 logo 嘅 graphic 係冇得搞因為受先天所限,字體同排發,可以諗諗,咁係咪純粹一個「專業嘅字型排印學角度」?字型排印當然要諗,不過絕對唔係唯一嘅考慮。你點樣將粵文維基百科分別出嚟,啲人一睇就知呢個係粵文維基百科,就好考功夫,亦就係呢個討論嘅重心(BTW 文言維基百科比我哋做得好好多),至於點解要唔同,粵文維基百科嘅歷史講過,唔再講啦。--WikiCantona (傾偈) 2020年7月31號 (五) 23:36 (UTC)
  • 點解一直咁局限,明明得嗰幾隻字,又何必糾纏喺字款版權。不如喺古書抄啲靚字,以矢量圖嵌入,公有就完全無版權問題。用現有字款,一睇就知電腦字咁死版無乜美感。HenryLi (傾偈) 2020年8月1號 (六) 03:35 (UTC)
  • User:HenryLi 嘅諗法,我都有諗過去招牌字體檔,畀錢買寫字,之後再輸入成為矢量化。咁閣下@HenryLi有乜隻古帖、石碑本、墨跡、臨摹字體,提議可以試試呢?--WikiCantona (傾偈) 2020年8月1號 (六) 05:41 (UTC)
  • 碑帖未必咁易集齊啲字,反而字書、多字古書會易啲。依家世界各地好多大學,歐美日本,都將啲善本放上網,明清尤多。有唔少手抄同雕版,啲字清楚,字款變化又多,寫得又靚,各有風格,無依家啲電腦字款咁悶。HenryLi (傾偈) 2020年8月1號 (六) 10:59 (UTC)
  • 上面話咩「當然要諗」、「唔係唯一嘅考慮」,即係都會考慮啦,但恕我唔客氣,大家個結果根本直頭係唔諗、唔考慮。明體唔要;噉黑體啦,諗都唔諗;圓體啦,試都唔試。然後就堅持用大招牌書法字。我寫得清清楚楚,至少要變做200%嘅大小先可以嘗試用。結果一路話「你嘅意見之前已經好清楚」,但係個數字莫名奇妙噉打斧頭,變咗做130%至140%。200%同140%好唔同喎!我唔知喺個討論入面有冇人尊重過字型排印學嘅專業,我係完全睇唔到。
睇到呢度,大家始終追求緊本末倒置嘅嘢,唔理個顯示效果清唔清楚,總之就係「獨特」,特登同中維唔同,尤其係將楷字或者楷化字嘅喜好講到係「你嘅故仔」。我認眞眞心覺得成個討論好反智。
如果無論如何總之就係要唔同,仲要吹到「Telling your story」,你哋知唔知道有同好團體「道路硏究社」周圍搜集香港嘅路牌同復刻路牌上嘅字?啲字係黑體,粗細度大約中黑至粗黑之間,相信適合放落百科幅圖嘅大小。又有story,又有代表性啦。佢哋目前未整成公開字型,不過如果有需要,我個人可以幫手問佢哋可唔可以提供幾雙指定嘅字畀百科社群開源噉用。不過前提係,如果問咗而人哋肯,就眞係會用先好,如果唔係人哋義務提供完又唔用嘅話,我都唔好意思問,否則就變咗係我對人哋食言。--Cangjie6 (傾偈) 2020年8月1號 (六) 22:49 (UTC)
老友,咪玩啦,200% 一行得兩個字,點做呀?就算唔要「自由嘅百科全書」一行,個 Wikipedia globe 下面剩返嘅位限死咗嘅,200% 嘅「維基百科」四個大字點擺兩行,邊度變啲位出嚟?140% 擺一行都仲勉強可以。
一路都希望搵到共識,整咗𠾵 logos 服侍各位嘅意見。而家畀人家話唔尊重「字型排印學嘅專業」、「反智」。反之,閣下嘅嘅意見我好尊重,只係整出嚟嘅 logo 未合乎閣下嘅心意唧。「明體唔要;噉黑體啦,諗都唔諗;圓體啦,試都唔試。」亦有欠公允,之前又有人話黑體唔得,亦試過圓體,未搵到一隻自由版權圓體 font 過得到自己,最後「思源宋體」字同「源樣明體」嘅維係差個「糹」,「傳承版嘅思源(源樣明體)」中文維基百科做畀我哋嗰個,似乎係唯一嘅選項,咁細嘅分別都冇得傾。共識,冇可能囉,唔怪之得有人要結案啦。
話說回頭,或者仲有一線希望,去搵新嘅共識。「道路硏究社」香港嘅路牌字、字書、李漢港楷體、招牌字、黑體、圓體、請人寫字都可以諗。最後,多謝 User:Cangjie6 考慮去問「道路硏究社」,尋求新方向,但希望明白,呢個係大家嘅討論,大家一齊揀,所以未必一定用得「香港嘅路牌字」㗎。--WikiCantona (傾偈) 2020年8月2號 (日) 04:43 (UTC)
標誌依家嘢,啲字從都唔關排版事。無需要搞到咁複雜。標誌係圖像,唔會有幾廿款大細字。世界各地都徽號唔少都有字,只不過係圖樣放大縮細。要執着玩到巨大微細,咁連個圖都修整過。今下只不過整一個喺螢幕用標誌,放喺左上角,一般設計師都只會做一個,出咗向量圖就唔會計字款大細。莫要將設計標誌同排版混淆。HenryLi (傾偈) 2020年8月2號 (日) 05:33 (UTC)
@HenryLi話係排版嘅事,亦有其道理,皆因而家個 Wikipedia Logo (the globe) 嘅設計定咗,冇得郁,只係剩返嗰兩行英文字可以本地化。講來講去就係嗰幾隻字,用乜嘢字體、點樣排法先至好睇。討論之中,有幾位強調用「字型排印學嘅專業」揀出嚟嘅「源樣明體」係至好,字體清晰亦歷史悠久,諗其他嘢只係「本末倒置」「為唔同而唔同」。令一方(本人在內),認為其他嘢應該一拼考慮,自身認同、獨特性噉啦... --WikiCantona (傾偈) 2020年8月2號 (日) 05:58 (UTC)
  • 我純粹喺番顯示效果專業講必須嘅條件,結果畀人話我「咪玩啦」。你話邊忽有絲毫考慮過?根本一早有晒某啲人自己嘅決定,點知我提出啲相反嘅意見。放大到200%係要確保啲字夠大,噉先至有可以用你個人好想用嘅嗰隻大招牌楷體字嘅條件,唔係玩嘢。如果冇噉嘅空間,就確實唔應該考慮太粗嘅字。就係咁簡單。至於話而家係「標誌」而唔關排版事,亦係違反排印專業嘅講法。一來標誌都係成個layout嘅一部份,都係排印專業嘅一部份;二來上面一路講緊嘅都唔係搵專人設計「維基百科 自由嘅百科全書」嘅專用Logo字,而係講用用一隻現成字型去排落去顯示佢。噉就更加係排版嘅事。
開源黑體方面,其實有源樣黑體,同樣係吸收排印字傳統,並有多款粗幼。至於開源圓體,你哋知唔知粉圓字型呢,個粗幼度亦係適合嘅。不過我上面提議「道路硏究社」香港嘅路牌字,係因爲有粵語地區特色,可以「講你嘅故仔(Identity and Telling your story),夠獨特(uniqueness)」,先畀呢個提案。我冇話一定完全唔諗呢啲,但係絕對唔應該本末倒置,爲咗呢啲只係配菜嘅諗法,而令個主題——呢啲字嘅顯示本身嘅美術設計要求同排印效果變差。「道路硏究社」有facebook專頁,貼咗一啲已經整理同製成字型嘅展示圖,大家可以睇吓嚟決定,通過咗之後我先幫手問人,以免出現人哋提供完但係我哋反對咗嘅情況。至於HenryLi講到汲取古籍,做法我唔反對,但要小心去睇嗰本古籍啲字係咪眞係美觀,同埋汲取後啲字嘅上下左右位置、高矮肥瘦、粗細、重心等可能要略爲調整去互相平衡番。可以具體提意一啲字書,貼佢個掃描善本連結上嚟。--Cangjie6 (傾偈) 2020年8月2號 (日) 12:24 (UTC)]
  • 真係咪玩啦,專業人士,咁專業點會一早唔知,200% 四個大字 fit 唔落啲限死咗嘅空位度?!使乜氹氹轉菊花園專業意見在眼前,不如就大大方方一早講「確實唔應該考慮太粗嘅字」。再講啦,如果有咁叻一早做晒缺定,都唔使做咁多個 logos 出嚟,畀人有咁多專業發揮空間,玩自己咩?好嘞,冇建設性嘅嘢就講咁多啦。--WikiCantona (傾偈) 2020年8月2號 (日) 14:41 (UTC)
Wikipedia-logo-blod-sample.svg
  • 我應該係一直指出「細圖就唔應該考慮太粗嘅字,係都要揀粗字就要夠大」呢個原理,但係似乎一路都冇得到重視。噉我又唔係話要禁絕用粗字,但如果眞係要用粗字,就唔該確保個條件係符合嘅,為此整咗幅示範圖,啲字唔係「李漢港楷」不過都算相當粗,你可以睇睇效果。-Cangjie6 (傾偈) 2020年8月12號 (三) 11:02 (UTC)
早排靜咗個幾月,估唔到我一問使唔使結案,就一石激起千重浪,又多咗一大串討論。其實我又唔係急住結案,大家可以繼續慢慢傾,如果傾得到個最少人反對嘅選項就更加好。雖然我提過「李漢港楷」,但覺得成事機會好低,因為套字體始終有版權,退而求其次可能要搵下類似風格嘅自由字體。「香港路牌字」我亦持開放態度,如果搵得到,都可以做過效果出嚟畀大家睇下。--Kowlooner (傾偈) 2020年8月2號 (日) 11:43 (UTC)
如果眞係眞係要用書法字,至少要揀啲夠幼嘅,因爲左上角個logo啲字眞係好細。假設個圖象大小定咗,啲字冇得加大嘅話,係噉招牌題字眞係唔使諗,基本上一定會太粗。一般書法名帖啲字仲反而比較適合。--Cangjie6 (傾偈) 2020年8月2號 (日) 12:24 (UTC)
@HenryLi有邊本字書你歡喜嘅,拎出去大家睇下。--WikiCantona (傾偈) 2020年8月2號 (日) 14:51 (UTC)

我呢個月冇再參與過呢個討論,因爲我睇住你哋傾,睇到自己唔係專家,費事吱吱喳喳混淆試聽。不過如果想要我啲閒人「結案陳詞」,我睇完各位討論同理據之後,都係最鍾意File:Wikipedia-logo-v2-yue-expected.svg版本。翹仔 (傾偈) 2020年8月3號 (一) 16:59 (UTC)

其實我又唔係想話自己好「專家」或者「專家」先唯一有資格傾,我講講下都可能令大家誤會咗,對唔住。但係我好想好想大家理性啲,喺返件事嘅本身:個字型排落去嘅顯示效果嚟出發,而唔係唔重視呢點,反而將啲本末倒置嘅「原因」,尤其是爲咗同中維唔同,而作出相反嘅討論。噉樣好反智。--Cangjie6 (傾偈) 2020年8月12號 (三) 11:02 (UTC)
文言維基新Logo

粵維暫時未做得到嘅,文言維基已經做得到。無意中留意到文言維基已經換咗新Logo,有自己嘅風格,而唔係硬弸弸死跟中維款式。希望粵維新Logo都可以做到。--Kowlooner (傾偈) 2020年8月23號 (日) 11:10 (UTC)

我冇參與文言維基,不過喺呢個大細用呢種唔甚方整嘅手寫隸書,仲要啲細字用行書,其實唔多可取,可讀性唔高……。--Cangjie6 (傾偈) 2020年8月24號 (一) 06:56 (UTC)

新版Vector改咗圖示形式。logo、wordmark同tagline分成三張圖,打橫放,放左放右,要視乎文字方向。若果新版會改,係咪有必要整一張圖?可能只需要改wordmark同tagline各一張圖。同埋幾時預設會改新版?邊度有講佢哋結構呢?HenryLi (傾偈) 2020年10月4號 (日) 07:33 (UTC)

有無新版規格可以睇睇?上面講到書法字唔係幾適合用落而家個logo尺寸,或者改版後可以解決到個問題。--Kowlooner (傾偈) 2020年10月4號 (日) 12:11 (UTC)
可以自己改。由自訂喜好,揀外觀,下面有Skin preferences,唔要Use Legacy Vector。HenryLi (傾偈) 2020年10月4號 (日) 14:24 (UTC)
新版Vector專案版面:mw:Reading/Web/Desktop Improvements,預計2021年預設新版。H78c67c·傾偈 2020年10月4號 (日) 15:35 (UTC)
新版logo,拆做3件:第一係維基百科個球體拼圖logo,第二係「維基百科」幾隻字,第三係「自由嘅維基百科」。本地未整第二同第三個部件,所以去呢度嘅話,見到logo得個拼圖同「Wikipedia」。H78c67c·傾偈 2020年10月4號 (日) 15:42 (UTC)
加多句,整咗wordmark(「維基百科」幾隻字),set好wmgSiteLogoWordmark,會自動改晒Timeless、MinervaNeue同Vector嘅logo wordmark。整wordmark都要顧及埋其他skin。尤其是係MinervaNeue,opacity 0.66,灰色背景,如果用書法字,睇怕唔多靚。H78c67c·傾偈 2020年10月4號 (日) 15:52 (UTC)
meta:Reading/Web/Desktop Improvements,佢話「此页面目前没有内容。您可以在其他页面中搜索本页标题、搜索相关日志或创建本页面。 」睇唔到……--Cangjie6 (傾偈) 2020年10月4號 (日) 17:00 (UTC)
第二嚿部件同第三嚿部件幅圖分別要幾大乘以幾大?同埋上面話有咁多塊皮,有冇得預覽各塊皮嘅效果?如果冇得睇,好難知要點夾先靚。--Cangjie6 (傾偈) 2020年10月4號 (日) 17:03 (UTC)
網址加依句喺尾: ?useskin=乜名,有vector(官方電腦版預設)、minerva(官方電話版預設)、cologneblue、modern、monobook(舊時官方)、timeless。
可以就大路兩個先。HenryLi (傾偈) 2020年10月4號 (日) 17:53 (UTC)
反而覺得新版啲字大隻啲,書法字會好睇咗。HenryLi (傾偈) 2020年10月4號 (日) 17:59 (UTC)
@Cangjie6唔好意思,打錯咗,係mw:Reading/Web/Desktop Improvements至真。H78c67c·傾偈 2020年10月4號 (日) 18:03 (UTC)
咦?我好似錯過唨啲討論;其實有冇人提過「一點明體」? 汩汩银泉 (傾偈) 2020年12月3號 (四) 18:10 (UTC)
好似冇,不過如果係用「一點明體」嘅話都唔錯,可讀性高。--Cangjie6 (傾偈) 2020年12月8號 (二) 20:07 (UTC)

頭版問題

家下頭版有兩個問題:

  1. mobile unfriendly。而家流動裝置普及,啲螢幕咁細,但而家嘅頭版設計完全無考量到流動裝置用戶嘅browsing experience。要執。
  2. 啲嘢太舊。而家啲正文、好文、正圖、時人時事,太耐先rotate一次。而家多得多位編者勤力寫文,多咗唔少正文好文,另提名多啲正圖(同享道照搬都得,重每日都有添)、多啲更新時人時事,自然可以密啲更新頭版內容。

講完。H78c67c·傾偈 2020年12月15號 (二) 08:08 (UTC)

正圖嗰方面,如果要做到每日一篇,工作量將會係十分之大,如果係拎同享嘅話,噉每一日就一定要有一篇相應嘅文章配合。 Shinjiman 2020年12月19號 (六) 04:08 (UTC)

大家有冇諗過維基20週年嘅logo嘅設計,我見英維同中維都已經整咗新logo喇。--Matttest.傾偈

睇下上面個討論,logo字體一路傾唔掂數,點整新logo?最多睇下有無人有興趣開個20週年專頁。--Kowlooner (傾偈) 2021年1月24號 (日) 13:00 (UTC)
本地習慣係細水流長,其實做個LOGO大家都仲潛水唔係幾好,不如做個20週年嘅社區願景(真心話大冒險)專場,一齊除下晦氣——請各位大三元四圍酒。——Longway22 (傾偈) 2021年1月24號 (日) 13:29 (UTC)

擺請求頁到顯眼尐嘅位置

Wikipedia:文章請求Wikipedia:翻譯請求比較難搵,擺佢哋到顯眼尐嘅位置會方便加文同埋修改啲文。汩汩银泉 (傾偈) 2021年2月14號 (日) 13:12 (UTC)

@汩汩银泉有冇提議擺邊度好?翹仔 (傾偈) 2021年3月7號 (日) 17:27 (UTC)
可能首頁啲埞會好啲?若果有可能嘅話… 汩汩银泉 (傾偈) 2021年3月7號 (日) 18:14 (UTC)

用特朗普代替當勞侵個名

無論係香港、澳門抑或大陸廣東人,本地傳媒都一樣,其實都好少用當勞侵呢個名。加上用google揾嘢嗰陣,大部份網站都用特朗普而唔係當勞侵,我發現幾篇呢類粵維文都俾google「放棄」。--維基小傢伙 (傾偈) 2021年2月19號 (五) 05:13 (UTC)

唔覺「當勞侵」畀Google「放棄」。用Google搜尋入「當勞」兩字,第3個搜尋建議係「當勞侵」;而直接搜「當勞侵」,第一個結果就係粵維「當勞侵」。如果你係想人搜「特朗普」或者「Trump」嗰陣,Google都會出到粵維「當勞侵」,係唔切實際嘅。況且Google向來搜尋結果都係傾向出中維多過粵維,就算粵維跟中維一樣叫「特朗普」,都唔見得Google會肯出粵維版本。--Kowlooner (傾偈) 2021年2月21號 (日) 12:35 (UTC)
唔贊同「好少用當勞侵呢個名」,因為原本用粵文嘅傳媒唔多,而且就算係「中文」傳媒都唔會叫佢譯名全名「唐納德·特朗普」,所以搵唔到好多傳媒叫佢呢個名都唔係問題。而家如果你google「侵侵」都有好多來源,而呢個就係佢個姓「Trump」。--Sun8908 (傾偈) 2021年2月21號 (日) 12:53 (UTC)
我都覺得可以沿用「當勞侵」,唔少網媒用"侵總統"翹仔 (傾偈) 2021年3月7號 (日) 17:26 (UTC)

維基數據粵語音標相關屬性

維基數據嗰邊傾緊加加入粵拼、耶魯粵音、教院式、廣州式四個屬性 (property),用嚟喺 Lexeme 記錄粵語發音,麻煩大家過去一齊傾。翹仔 (傾偈) 2021年3月7號 (日) 17:25 (UTC)

諗法實驗室

楔位文章分類,AWB權限申請

Hi 大家好,小弟呢排搞緊楔位文章分類嘅工作,粵維未分類嘅楔位文章有大約9,000篇,比起英維嘅近乎無同埋中維嘅大約2,000篇,可見粵維未分類嘅問題都幾嚴重。將楔位文章分類可以令有唔同興趣同專長嘅維基友快啲搵到想貢獻嘅楔位文章,所以我開呢個post嘅目的主要有兩個,其一係呼籲咁多位維基友加入呢個工作,其二係想睇吓有無管理員大佬可以批個AWB權限比細佬,加快呢方面嘅工作,多謝。--Z423x5c6 (傾偈) 2021年1月31號 (日) 16:35 (UTC)

雜項

匯入來源

家下呢度未設定匯入來源,無得由其他wiki進行跨wiki匯入。我提議新加啲匯入來源,包括英文維基百科、粵文維基辭典同Incubator。H78c67c·傾偈 2020年11月7號 (六) 00:42 (UTC)

@H78c67c贊同呢個建議,如果係咁不如順便開埋新組「跨維基匯入者」(已經有呢個組,但係一直都未啟用),等其他用户都可以匯入啲新模。維基小傢伙 (傾偈) 2021年1月15號 (五) 10:38 (UTC)
噉畀管理員加呢個權限好唔好?下下走去問執行員會好麻煩。H78c67c·傾偈 2021年3月27號 (六) 23:08 (UTC)
諗諗下,都係唔好喇,照計呢個權唔使成日用,問執行員等多幾日都無所謂。H78c67c·傾偈 2021年3月27號 (六) 23:21 (UTC)

加書本資料盒

唔該可唔可以加番個書本資料盒Infobox book--Onemansky (傾偈) 2020年12月3號 (四) 13:06 (UTC)

2020表現理想,希望今年可以維持到

2020年對好多人嚟講唔易過,但對粵維嚟講卻係收穫豐富嘅一年。由年頭76,318篇文發展到年底105,744篇文:多咗29,426篇(歷年最多)、增幅38.56%(2008年之後最多)、排名由74位升到66位(歷年最高)、增幅8位(2007年之後最多)(統計數字詳情:Wikipedia:每年文章數增長)。希望今年大家繼續努力寫文,期望三年內可以去到廿萬大關。--Kowlooner (傾偈) 2021年1月3號 (日) 12:44 (UTC)

  • 本編亦希望本地可以喺紛擾嘅環境入邊繼續奮進,不過實際度眼見唔少隱憂,亦希望多啲睇返一下:
  1. 依家嘅粵維又是有啲審查性問題浮現咗,因為要重新構築返一個更完整嘅自主框架,結果就個人睇係好似同中維開始行埋咁:呢個如果發展成對成個自由開放嘅再箝制,對粵文明圈或其他背景嘅使用者講,都會係非常遺憾嘅結果。之前本編一路提過嘅獨立自主同開放自治等等,希望可以繼續記住同重視返。
  2. 本地管理事務或者唔係幾繁重,少交互意見亦會盡量寬容看待,但係睇落有關角色嘅擔當或仍然有不足。就親身體味,包括咗最近嘅部分爭議問題度,發現本地管理嘅適當咁陳詞表述或行使管理權限等等嘅基本方面,其實仲係好大嘅發展空間。就一啲個案度,個人係經有較針對嘅言辭去表達咗,呢度唔會再複述。呢度係會繼續接受各自嘅角色擔當,畢竟亦相信本地係有更好嘅操守水準,同埋共同進步嘅潛力。
  3. 本地度仲係缺乏咗編輯參與人間嘅協調同共議等等嘅活動,當然埋首各自事務嘅仲係會理解同尊重,但時不時有議題可以交互唔同嘅意見,相信對本地嘅進步同發展係有更好嘅助力。
簡而言之就希望新年嘅粵維可以繼續向前行,唔好收窄前路,可以再超越舊輩嘅局限,鏈接唔同背景嘅朋友。——Longway22 (傾偈) 2021年1月4號 (一) 03:53 (UTC)
雖然數字上係有好大嘅增長,但好大部分都係倒模形式大規模開文。其中一個衡量內容更新同新文章數嘅方法係深度,由年頭12左右跌到而家嘅9.9,反映出文章數目大幅增加,同編輯數唔成正比,情況係有啲令人憂慮嘅。H78c67c·傾偈 2021年1月16號 (六) 00:21 (UTC)
深度點度?同埋喺邊度揾到「12左右跌到而家嘅9.9」啲資料、數據。--Ktsquare (傾偈) 2021年1月23號 (六) 02:53 (UTC)
@Ktsquare深度嘅計法係:。而家嘅深度係10.088。2020年頭嘅12左右係印象中嘅大概數值。H78c67c·傾偈 2021年1月23號 (六) 03:53 (UTC)
有關深度嘅細節可以睇返m:Wikipedia article depthShinjiman 2021年1月23號 (六) 10:33 (UTC)

中維T君又發功,多篇粵維獨家文失守

粵文維基以往獨家收錄好多ViuTV節目同藝人,補充中文維基嘅缺失,亦成為粵文維基重要嘅讀者來源,可惜自從舊年開始中文維基已經開多咗呢類文,呢個優勢逐漸被蠶食。而今次要特別提呢位T君,係因為佢今個週末一口氣喺中文維基開咗差唔多廿篇本嚟係粵維獨家收錄嘅文(手法包括直接開文、將跳轉改成文章,同埋將舊時被刪嘅文翻案),當中唔少都喺粵維有好高瀏覽人次。

中維近日新開嘅文
喺粵維嘅瀏覽人次排名
2020年12月
粵維瀏覽排名
2020年12月
粵維瀏覽人次
雲浩影  1 24,593
李靜蓮 2 16,548
葉巧琳 4 14,571
盧慧敏 9 9,315
邱士縉 11 8,561
張凱娸  18 6,637
麥詠楠 36 3,639
梁業 37 3,595
鄺旨呈 39 3,533
陳澤言 42 3,418
英健朗 ‎ 134 1,609
吳保錡 183 1,314
劉瑞祈  228 1,133
蔡宛珊 337 854
詹朗林 435 715

(其餘未入榜嘅重有陳郁憲張右雨葉振弘虞逸峯潘緻慧文桂琪) 

可以睇得到,上面覆蓋咗粵維好多高瀏覽量嘅文,如果呢啲瀏覽人次畀中文維基搶埋嘅話,對粵文維基嘅打擊都唔細。

粵文維基要繼續維持住人氣,已經唔可以再靠晒ViuTV相關題材,需要盡快發掘更多粵語圈讀者有興趣而中文維基相對不足嘅範疇。--Sally508 (傾偈) 2021年1月24號 (日) 09:12 (UTC)

難評價呢個變動嘅後續影響,要留意嗰頭部分編輯似係收緊咁娛樂圈類別嘅收文,不過睇動作姑且唔話似其他嘅方面大,可能係睇潮流嘅受眾會有更進取反應?本地嘅唔同編輯都一路有落力開文、衝數量,但係如果真係計似吸金咁去谷人氣,睇(版面統計)效果都麻麻感覺係。呢度都可以再討論下。 Longway22 (傾偈) 2021年1月24號 (日) 10:00 (UTC)
呢位人兄靠寫TVB嘢起家,由舊年開始踩過界寫埋ViuTV。中維「關注度」門檻嚇怕唔少人唔敢開文,但佢係老手,熟悉規矩,開得文嘅都好少被挑戰「關注度」,所以大部份ViuTV相關藝人嘅中文版文章都係佢開嘅。不過公道講句,大部份藝人都會隨住時間增加知名度,當累積到有返咁上下知名度嗰陣,中維有人寫佢哋都無可厚非,唔能夠期望永遠保持住只係得粵文版。我哋既然做唔到「人無我有」,就唯有退一步「人有我優」,內容篇幅要有返一定份量,唔可以少過中文版,務求盡量減慢Google「棄粵維取中維」嘅進度。至於粵維將會減少幾多瀏覽量,實在難以預計,唯有做好本份寫文。--Kowlooner (傾偈) 2021年1月24號 (日) 12:00 (UTC)
@Sally508我地冇得限制人地走嚟搶瀏覽,惟有做好自己,務求「篇文嘅內容好過中維、資料多過中維」,希望用呢樣野嚟做賣點,睇下可唔可以Keep返個瀏覽量。Akai 博士 (傾偈) 2021年2月1號 (一) 13:50 (UTC)
@Sally508Longway22KowloonerDetective Akai 我自己覺得要避免諗「失守」,而要諗「帶風向成功」,粵維做起一件事做到中維跟風,正!舊年我開黃浩華嘅時候,就係知道中維喺香港題材有跟風傾向,所以淨係寫粵文同英文,中文等嗰邊編者跟風。粵維從來都冇「獨家」任何題材嘅權利,遇到呢啲情況唔好棄餒,而更加應該努力開拓新地盤。翹仔 (傾偈) 2021年3月7號 (日) 17:23 (UTC)
同意翹仔嘅見解,不過就Database嘅偏好問題,仲係唔少得技術方面嘅協作。擔憂一旦子國際standard俾CCP僭奪埋,會加速擴大劣勢 Longway22 (傾偈) 2021年3月8號 (一) 01:25 (UTC)
@Deryck Chan講得好,I argee。其實冇話獨唔獨家,佢抄咪抄囉,正正顯得佢地唔肯畀心機寫。Akai 博士 (傾偈) 2021年3月8號 (一) 07:42 (UTC)
@Detective Akai咁又係,我地呢邊都可以食住中維個邊嘅關注度方針去寫多啲娛樂(演唱會 唱碟文),或者做好啲本土政治類/開拓仲有得寫嘅文,寫多啲中維個頭有啲編輯者成日借「唔夠中立」去刪走嗮明明有可靠來源嘅資料,做好啲應該吸納到唔少page view。之前Greywolf寫嘅畫筆喺中維都畀G小姐翻譯走嗮啦(人哋係有mon po架)。Universe寫嘅夜間模式頭兩日粵維篇文喺Google search排第2,依家粵維篇文都跌到唔知去咗邊(都多得G小姐嘅中維翻譯又發功)。中維個度都總有啲編輯者係特等走過嚟翻譯 而唔係喺呢度寫多啲文咁都冇辦法個喔,佢哋有權選擇咁做,咁唯有要寫多D「人冇我有」嘅文。同埋開文嗰陣最好慢慢寫,唔係一開頭就咁靚(雖然係好事),佢哋一嘢翻譯走嗮,咁粵維喺page view上有少少感覺係白做feel。特克斯特 (傾偈) 2021年3月8號 (一) 13:43 (UTC)

T君我都留意咗好耐,佢對粵維嘅最新「貢獻」——YOLO的練習曲。最弊係中維篇文就算被掛「侵權模」(呢招可以話係暗黑兵法,因為以往中維直接翻譯粵維嘅文,通常最多只係掛到「關注度模」,都唔會出到「侵權模」呢一招),仍然畀搜尋器排得好前 —— Google居然畀中維排緊第2,粵維更完全唔見影;Yahoo就叫做好啲,粵維排緊第5,但中維都依然可以守住第8。Google真係離晒大譜,點解可以咁樣擺明車馬貶低粵維?--Hkzense (傾偈) 2021年3月31號 (三) 13:49 (UTC)

Because of this? Z423x5c6 (傾偈) 2021年3月31號 (三) 14:02 (UTC)
@Hkzense我睇過佢有好多黎粵維翻譯嘅ViuTv或者其他藝人嘅文、電視節目都好似冇一篇喺討論頁度掛過「Translated page」呢類嘅翻譯模。喺嗰度唔掛,咁樣只會以為係佢自己獨力寫過咁多篇文出黎。(雖然粵維都有好多冇掛 如果有個強力管理員黎執行個話 呢度都要即刻刪走一大堆文 但呢度就算啦 鬼影都冇隻 冇乜人會黎呢度寫文)。唔通同佢講「唔該唔好翻譯咁多粵維獨家文,畀呢度有個發展空間」咩,咁樣只會令中維個邊知道我地呢邊發生咩事,到時兩邊搞大咗,因為翻譯粵維獨家文而有衝突,咁就好難搞,件事亦都好難睇。特克斯特 (傾偈) 2021年3月31號 (三) 14:06 (UTC)
其實唔止T君,仲有W君都係,佢就搬完粵維啲嘢之後,喺中維就一路更新,反而喺粵維度點冇理到。佢又係好奇怪。特克斯特 (傾偈) 2021年3月31號 (三) 14:28 (UTC)
呢次都可以算係做下實驗,睇下掛侵權模要幾耐先會對Google排名做成影響。呢招係暗黑兵法,我下一招應該算係「暗黑魔法」。H78c67c·傾偈 2021年3月31號 (三) 18:03 (UTC)
LM等睇「暗黑魔法」。不過下次咁做就已經穿曬煲啦(下次人哋會可能覺得搞事(?)),人哋即刻加返個translated page模就即刻冇事。T君嘅討論頁又冇任何人通知佢話「你寫嘅文已經畀人提出侵權」呢類嘢,似乎中維其他嘅香港維基用戶都冇乜心救返呢篇文(加返翻譯template就冇事)。特克斯特 (傾偈) 2021年3月31號 (三) 19:34 (UTC)
不過我覺得Sanmosa係曲線幫緊粵語維基?定係我諗多咗?特克斯特 (傾偈) 2021年3月31號 (三) 19:39 (UTC)
睇真啲,原來個侵權模對於文章嘅搜索引擎係影響極微嘅... 惟有試行第條路。H78c67c·傾偈 2021年3月31號 (三) 21:05 (UTC)
@特克斯特你估Google會唔會penalise有武漢肺炎字眼嘅網頁?H78c67c·傾偈 2021年3月31號 (三) 21:17 (UTC)
我覺得會,之前我已經問過其他維基友,張敬軒嘅《The Brightest Darkness》已經疑似試過呢種情況。雖然又係畀中維啲人翻譯走咗呢篇文,google亦都棄咗粵維呢篇文。特克斯特 (傾偈) 2021年3月31號 (三) 22:12 (UTC)
有無人喺香港可以幫手search下《YOLO的練習曲》?我呢邊Google search results粵維排第一版第一個網頁結果。H78c67c·傾偈 2021年4月3號 (六) 04:36 (UTC)
暫時為止粵維排第三,國維(流動版)第四。SC96 (傾偈) 2021年4月3號 (六) 04:47 (UTC)
搜尋器有時會滯後(雖然好多時國維一開文隔幾個鐘就即刻有),而家呢一刻Google粵維排第二,國維似乎消失咗;Yahoo粵維排第三,國維排第17。可見國維篇文掛侵權模點都對篇文構成一定打擊,如果當初無咁做,而家畀搜尋器排到第二版甚至消失嘅好大機會係粵維篇文。--Kowlooner (傾偈) 2021年4月4號 (日) 13:23 (UTC)
@H78c67c中維度已經有人寫緊草稿,一轉做正式文章,似乎又有機會被Google棄咗。特克斯特 (傾偈) 2021年4月4號 (日) 14:06 (UTC)
今日中維篇YOLO的練習曲「放監」。留意到Google畀粵維排緊第2,中維暫時未見影;反而往時相對無咁偏幫中維嘅Yahoo唔知乜事,居然已經即刻畀中維排返第1,粵維只排第7。--Hkzense (傾偈) 2021年4月6號 (二) 15:58 (UTC)
我用無痕開google,中維緊貼粵維排第3 @@ --Z423x5c6 (傾偈) 2021年4月6號 (二) 16:10 (UTC)
雖然節目播完,不過都更新下最新情況。呢一刻Google中維排第一,粵維已經唔見咗(反而有個中維鏡像網站都有得排第26);Yahoo中維排第一,粵維排第二。--Kowlooner (傾偈) 2021年4月11號 (日) 14:01 (UTC)
我碌到最後嗰版,撳顯示所有結果,粵維排第二版第一個,似乎google algorithm有一part覺得粵維同中維內容類似,直接收埋咗粵維。--Z423x5c6 (傾偈) 2021年4月11號 (日) 14:38 (UTC)
@H78c67c其實係要留意埋中維G小姐,我睇到佢今年1月6號同4月11號嗰兩次編輯都係追住Universehk而嚟(11月嗰兩次就係追住我),你可以過去睇下zh:肖凯·莫索曼算唔算侵權?底下嗰6條參考,除咗第一條喺英文維基拎過嚟,其餘嗰啲都係由粵維搬過嚟,佢仲要冇喺討論頁加返翻譯標籤添。由開文日期開始計粵維瀏覽量係32中維瀏覽量係93,可見就算粵維篇文質素好過中維都唔見得粵維篇文係多人睇啲。G小姐都要留意下,特別Universehk寫完獨家文一排(可能兩個禮拜或一個月後),佢就會特登走過嚟翻譯。之前Greywolf、淚淚銀泉啲文都畀我發現佢喺中維照搬過嚟又係乜嘢標籤都冇加,要我跟手幫佢做埋。特克斯特 (傾偈) 2021年4月13號 (二) 16:37 (UTC)

New Wikipedia Library Collections Available Now (February 2021)

Hello Wikimedians!

The TWL owl says sign up today!

The Wikipedia Library is announcing new free, full-access, accounts to reliable sources as part of our research access program. You can sign up to access research materials on the Library Card platform:

  • Taxmann – Taxation and law database
  • PNAS – Official journal of the National Academy of Sciences
  • EBSCO – New Arabic and Spanish language databases added

We have a wide array of other collections available, and a significant number now no longer require individual applications to access! Read more in our blog post.

Do better research and help expand the use of high quality references across Wikipedia projects!

This message was delivered via the Global Mass Message tool to The Wikipedia Library Global Delivery List.

--2021年2月1號 (一) 12:57 (UTC)

有關Category:粵字

驟眼睇好似好多都只係講緊個字同埋讀音,比較似係維基字典嘅內容而唔係維基百科,想問下大家意見如何?使唔使搬佢哋去字典,或者係大執?--Z423x5c6 (傾偈) 2021年2月5號 (五) 13:29 (UTC)

同意 淨係討論粵字詞本身釋義嘸屬於維基百科內容。 汩汩银泉 (傾偈) 2021年2月13號 (六) 21:54 (UTC)
同意搬晒啲內容去粵維辭典,然後留{{wi}}。翹仔 (傾偈) 2021年3月8號 (一) 10:00 (UTC)

廣東話輸入法據報喺ISO認證會度被狙擊

據華爾街日報度收料原文要訂閱先睇到,原文主旨相信係話中共同咁歐美爭咁各層面嘅重要技術標準的控制權,廣東話嘅事幹可以參閱返轉述1https://lihkg.com/thread/2400064/page/1 轉述2(過濾器阻止咗,直接copy改標點睇)。

簡單小結返爆料資訊,就係香港方面嘅朋友喺2019年遞咗廣東話輸入方案畀ISO,而到咗會討論嘅時候咗係有異常多人嘅中國代表團,打住普通話係官方唯一同各國代表爭口:佢哋仲代表埋6000萬粵人話冇人用套方案(顯然就係公開大話),唔少參會嘅朋友相信都係好震驚同不安。據報就係因為咁拖累咗啲程序過唔到骨,去到咗9月係卒之通過咗方案。但冇耐俄羅斯代表冇解釋撤咗之前嘅支持,目前應該都冇覆傳媒嘅查詢。

各位應該多加留意,睇嚟啲衝撞可能仲會增加,盡力修行好各自同多走動。——Longway22 (傾偈) 2021年2月9號 (二) 08:54 (UTC)

唔該。另外等我睇下個連登過濾器先。諗落,應該容許貼連登拎去文章以外嘅頁。翹仔 (傾偈) 2021年2月9號 (二) 12:01 (UTC)
是但,原來係 MediaWiki:Spam-blacklist,而且係User:H78c67c最近加落去對抗灌水嘅。翹仔 (傾偈) 2021年2月9號 (二) 12:10 (UTC)
@H78c67c有人想喺呢版加拎但加唔到,有冇辦法可以用另一啲方法好似AF去搞? Shinjiman 2021年2月10號 (三) 00:42 (UTC)
我加連登落灌水黑名單係因為上個禮拜有幾位新用戶響文章道加連登link。我取消咗呢個黑名單項喇,睇情況先再決定整唔整個AF好。H78c67c·傾偈 2021年2月10號 (三) 02:04 (UTC)

新年快樂

恭喜發財!祝各位維基友新年快樂,身體健康!--Z423x5c6 (傾偈) 2021年2月11號 (四) 16:06 (UTC)

san1 nin4 faai3 lok6 gung1 hei2 faat3 coi4。祝粵維文章數量蒸蒸日上!特克斯特 (傾偈) 2021年2月11號 (四) 16:14 (UTC)
新年快樂 合皮扭耳 Universehk (傾偈) 2021年2月13號 (六) 09:10 (UTC)
順遂順遂汩汩银泉 (傾偈) 2021年2月13號 (六) 21:45 (UTC)
Happy New Year. Frohes neues Jahr. с Новым Годом. Dr. Greywolf (傾偈) 2021年2月14號 (日) 03:42 (UTC)

粵文入面

請問呢度係咪粵文維基百科?點解咁多文章標題唔用粵文,而將粵文講法當二奶?自己睇下: https://zh-yue.wikipedia.org/w/index.php?search=%22%E7%B2%B5%E6%96%87%E5%85%A5%E9%9D%A2%22&title=Special:%E6%90%9C%E7%B4%A2&go=%E5%8E%BB&ns0=1 。請問中文維基百科會唔會強調,「XX中文又叫YY」?英文維基百科會唔會強調,「XX is also known in English as YY」?邊個懵佬寫咁多「粵文入面」?笑大人個口。 --小鳥酋 (傾偈) 2021年2月26號 (五) 03:51 (UTC)

睇下呢d唔知自己身處粵文維基百科嘅人,仲做到管理員添 https://zh-yue.wikipedia.org/w/index.php?title=%E5%B8%82%E5%A0%B4%E5%AD%B8&diff=1571208&oldid=1571206 。--小鳥酋 (傾偈) 2021年2月26號 (五) 03:58 (UTC)
真係多謝閣下嘅建議。睇吓呢度呢度。:) Dr. Greywolf (傾偈) 2021年2月26號 (五) 04:02 (UTC)
呢位新朋友有想解決咩問題,請先合理陳述返啲意見先,希望唔好繼續可能激化矛盾嘅行動 Longway22 (傾偈) 2021年2月26號 (五) 04:02 (UTC)
Hey, HeyDr. Greywolf (傾偈) 2021年2月26號 (五) 04:05 (UTC)
Everybody dance nowDr. Greywolf (傾偈) 2021年2月26號 (五) 04:07 (UTC)
我喺度做個紀錄先。條友仔剷走咗我喺佢 talk page 俾佢嘅 reply。[61] Dr. Greywolf (傾偈) 2021年2月26號 (五) 04:26 (UTC)
@H78c67cShinjiman:Dr. Greywolf喺「市場學」已經3RR,小鳥酋就喺自己討論頁繼續發脾氣,重未收到科。SC96 (傾偈) 2021年2月26號 (五) 04:31 (UTC)
@SC96 我傾向唔封Dr. Greywolf,因為呢位小鳥酋係作出咗啲POINT擾亂嘅行為(睇埋最近嘅Telegram訊息,呢位用戶可能其實係NOTHERE),我覺得可以以rvv作豁免理由。H78c67c·傾偈 2021年2月26號 (五) 05:45 (UTC)
係嘅,我唔應該跟住佢玩。我唔夠成熟。真係唔好意思,麻煩到 H78c67c 要幫我同條友仔執手尾。Dr. Greywolf (傾偈) 2021年2月26號 (五) 05:50 (UTC)
@SC96 佢未到打回頭修改第四次,未符合3RR封鎖嘅要求。 Shinjiman 2021年2月26號 (五) 05:57 (UTC)

對比 https://zh-yue.wikipedia.org/w/index.php?title=%E5%B8%82%E5%A0%B4%E5%AD%B8&diff=1571219&oldid=1571217https://zh-yue.wikipedia.org/w/index.php?title=%E8%B2%93&diff=1571249&oldid=1571235 。所以其實「粵文入面」係User:Dr. Greywolf專屬嘜頭來,佢寫就幾「粗鄙」都冇人理,其他人寫就會俾人打回頭。

唔怪之得有人話粵文維基百科俾d「極端純粹主義者」騎劫啦,有佢哋自己寫就冇人哋寫,趕走晒其他人。劣幣驅逐良幣。--小鳥酋 (傾偈) 2021年2月26號 (五) 04:41 (UTC)

我都係嗰句啫。我不嬲噉樣寫開,大家都唔覺得有問題,我亦都冇發爛渣要第啲維基人寫佢哋自己嘅文嗰陣跟我套做法。跟住有條友仔事前乜嘢 contribution 都冇,突然走入嚟改一篇我哋寫緊嘅文,我唔同意,佢忽略我嘅意見直接改,仲要態度囂張,開口鬧人「教而不善」,講到好似自己係權威噉。然後我喺佢 talk page 留言,佢就剷我嘅留言。到底邊個係「有佢哋自己寫就冇人哋寫」嘅「極端純粹主義者」,大家心中有數。Dr. Greywolf (傾偈) 2021年2月26號 (五) 04:45 (UTC)

心得

好,我喺度分享吓我嘅 reasoning。一般嚟講,一篇文如果有啲 alternative 嘅名,我會講明埋。至於使唔使講明係「粵文入面」呢,就視乎嗰個 alternative 名喺英文入面有冇對應。例如認知科學噉,認知科學又可以叫「心靈科學」,而呢個詞喺英文入面有對應(mind science),所以我唔講明係「粵文入面」,而例子可以睇埋

  • 呢篇(「神經振盪」對應「neural oscillation」)、
  • 呢篇(「視知覺」對應「visual perception」)、同埋
  • 呢篇(「機械智能」對應「machine intelligence」)。

但如果有某個名係粵文入面有、但喺英文嗰度冇對應嘅話,我就通常會講明係「粵文入面」,例子可以睇吓呢篇(「算法」我唔覺得有明顯英文對應)同呢篇(「營銷學」我唔覺得有明顯英文對應)。Dr. Greywolf (傾偈) 2021年2月26號 (五) 04:59 (UTC)

Greywolf / 恐狼 霸佔文章

講開就順便講,User:Dr. Greywolf呢一個賬號,長期霸佔改過嘅文。其他人改呢個賬號改過嘅文呢,呢個賬號係會靜靜雞取消晒嘅,起碼95%以上都係噉。所以久而久之,冇人會去改呢個賬號嘅文,由得呢個賬號自己得得戚。唔信呀?check下呢個賬號改過d文嘅紀錄,睇下係咪一係冇人改,一係人哋改咗,呢個賬號就鬼鬼祟祟噉跟尾,恢復返原先嘅版本。今日我就寫喺城市論壇,留個底。 --小鳥酋 (傾偈) 2021年2月26號 (五) 04:57 (UTC)

「霸佔文章」係管理稍為好d嘅維基百科都禁止嘅,睇下 中文 英文。--小鳥酋 (傾偈) 2021年2月26號 (五) 05:00 (UTC)

User:XXX Greywolf,粵文入面又叫User:恐狼XX,因為改過一次名 https://zh-yue.wikipedia.org/wiki/Special:%E6%97%A5%E8%AA%8C?type=renameuser&user=&page=User%3A%E6%81%90%E7%8B%BC%E5%8D%9A%E5%A3%AB&oldname=&wpdate=&tagfilter= --小鳥酋 (傾偈) 2021年2月26號 (五) 05:14 (UTC)

喺用詞方面,我傾向覺得「粵文入面」多餘,不過都明白灰狼博士嘅理論。@Dr. Greywolf 做管理員要有啲風度,避免瓜田李下。第二次打回頭嘅時候就應該搵其他編者幫手,唔好令人覺得你犯WP:3RR翹仔 (傾偈) 2021年3月7號 (日) 17:59 (UTC)
@Deryck Chan 係,sorry。Dr. Greywolf (傾偈) 2021年3月8號 (一) 01:30 (UTC)

是日好文

我的起心肝,一次過將剩餘所有未降格嘅陳年正文加晒落{{是日好文}}條隊度。歡迎大家過去睇睇:

--翹仔 (傾偈) 2021年3月14號 (日) 23:23 (UTC)

個別用字統一命名嘅討論

唱碟 vs 專輯

en:Album而家對應粵維文章叫「唱碟」,但粵維近期開嘅唱碟文(主要寫手係特克斯特),「唱碟」同「專輯」都有用,搞到好唔統一——其中文章名大部份都用「唱碟」(例:新天地 (許志安唱碟) Reborn (李克勤唱碟) 格林童話 (唱碟) ),少數用「專輯」(例:‎One (蔡一傑專輯));分類就絕大部份用「音樂專輯」(例:‎Category:Jessie J音樂專輯),反而最頂頭個類係叫「‎Category:唱碟」。

隨住開得越來越多文,如果再唔統一字眼,只會越嚟越亂,所以想睇下大家贊唔贊成統一用「唱碟」。--Yaukasin (傾偈) 2021年3月17號 (三) 14:10 (UTC)

補充:你舉蔡一傑One個篇文唔係我寫,係Apple V寫,佢喺中維都係寫開呢類文,所以佢直接用「專輯」二字開頭。而Category 嘅問題下面就講咗,可以去睇下先。特克斯特 (傾偈) 2021年3月17號 (三) 16:29 (UTC)
@Yaukasin我喺大概上年暑假先見到User:Kowlooner曾經將唱片搬過去唱碟、同埋User:Lofldei唱片公司搬過去唱碟公司先至知道「唱碟」一詞先係更粵文化,所以我後期開文就已經基本上唔用「專輯」呢兩隻字。而喺早年,我都喺中維度過黎譯咗唔少藝人嘅文,喺文章入面少不面啲內部連結係有「專輯」呢兩隻字,所以早年開文都係用「專輯」。

至於你講開嘅喺Category都有唔同情況出現,我係當初參考喺2017年開Category:香港音樂專輯個維基友都係用「專輯」呢隻字,而我嗰陣又未知「唱碟」先係更粵文化、再加上我唔想將每篇文底下嘅分類特等將「專輯」改做「唱碟」嘅繁重工作量(真係好多篇下),先一路keep住跟返最早其他維基友喺「Category:香港音樂專輯」開咗個頭(Category:Beyond音樂專輯,2011年開頭)用「專輯」呢個寫法。特克斯特 (傾偈) 2021年3月17號 (三) 16:26 (UTC)

不過類似嘅問題又好似中維度嘅「EP」、「迷你專輯」,呢兩個字咁(?)。喺粵語維基度,就類似係「細碟」、「迷你唱碟」、「迷你專輯」呢啲唔同嘅寫法,雖然家下睇落用「細碟」呢兩個字,而棄用「迷你」呢兩隻字就更睇到粵維唔係照跟中維將「extended play」譯做「迷你」咁國語嘅講法。我見「專輯」一字又未話係明顯嘅國文,而其他人開咗新文係用「專輯」呢個寫法,我就尊重佢個寫法冇搬板。(當然我都唔鍾意係唔係又開跳轉 學晒中維個套寫法)特克斯特 (傾偈) 2021年3月17號 (三) 16:26 (UTC)
同場再嚟多個問題,係關於「精選集」、「精選輯」、「集錦碟」同「雜錦碟」嘅用字方法。「精選輯」唔使問就一定係4個字入面最唔粵文化嘅一個詞語,而「精選集」就好好多。不過我喺今年年頭先發現User:Deryck Chan喺2018年寫嘅鄧紫棋音樂作品一覽度,佢係用咗「集錦碟」呢個寫法。而我再睇落,似乎4個選項入面,尾兩個更加偏向粵文化,合乎香港早年唔少報紙、媒體去公佈藝人出嘅唱碟消息嘅用字。而喺Template:Infobox album/link度,依家喺infobox album顯示出黎嗰個係「精選集」,都可以睇下有冇必要一併改埋佢。查實上個月我已經改咗「錄音室專輯」做「錄音室唱碟」。特克斯特 (傾偈) 2021年3月17號 (三) 16:26 (UTC)
多謝你 tag 我,我冇乜特別意見。如果要我揀嘅話,我都建議繼續用「唱碟」、「集錦碟」。翹仔 (傾偈) 2021年3月17號 (三) 22:02 (UTC)
OK,不過有冇人識用Cat-a lot將啲分類搬走?例如由「張學友音樂專輯」搬到「張學友音樂唱碟」。頭先試用cat a lot都做錯咗。特克斯特 (傾偈) 2021年3月18號 (四) 08:37 (UTC)
喺Category:各地音樂專輯 個度,已經全數轉嗮做唱碟。而各地唱碟入面,除咗中國、台灣、香港之外,其他個9個國家(俄羅斯、克羅地亞、加拿大、日本、星加坡、美國、英國、韓國、馬來西亞)入面嘅XX歌手音樂專輯嘅Category已經統一返唱碟嘅講法,喺Cat入面嘅描述都將「音樂專輯」改返做「唱碟」。特克斯特 (傾偈) 2021年3月18號 (四) 10:09 (UTC)
剰返中國、台灣、香港Category入面涉及嘅歌手實在太多,遲下先搞埋佢。不過打後開新嘅Cat都會用返「唱碟」呢個講法。舊嘅「音樂專輯」講法可以直接delete,唔留Redriect,避免日後有其他人開新文嗰陣用咗「音樂專輯」而下面仲係blue link,咁樣會好難察覺。仲有,而家中國、香港、台灣入面嘅某某歌手Cat音樂專輯遲下轉係因為,想等到完善嗮某歌手嘅唱碟文後,一次過轉 維基count嘅編輯數量都多返啲,順手谷埋深度。未用cat a lot轉之前係大約10.567,轉完之後係10.654深度。特克斯特 (傾偈) 2021年3月18號 (四) 10:09 (UTC)

關於當事人堅持認為專輯(商品) = 唱碟(物品),其實基本上係兩種不同嘅嘢(唱碟出咗粵語區就好少人知,唔好反覆追加原創研究文字)。

睇埋:Wikipedia:唔啱維基百科嘅嘢

具體證據1: [62] [63]

根據英文單字解釋:專輯(Album)包裝入面有一隻唱碟(Disc)。

具體證據2: Compressed audio optical disc英文Compressed audio optical disc

  • (正體中文 – 台灣):CD隨身聽
  • (简体中文):CD随身听

理由:

  1. 當事人解釋清楚避免撈亂。
  2. 英文都係香港官方語言,試吓轉返用英文嘅概念解釋就好清晰。
  3. 根據Wikipedia:中立嘅觀點同埋Wikipedia:非原創研究所提出嘅客觀事實結論。
  4. 呢度係維基百科,唔係當事人嘅私人網站。

結論:

  1. 用詞需與時俱進,包括讀者立場、現實環境都要徹底考慮,希望閣下體諒
  2. 介紹音樂作品用專輯 / 唱碟 / 大碟(媒體用字,第三方可靠來源)都得,建議目前維持現狀,有問題可以繼續改。
  3. 祝編輯愉快。

--以上。 — 之前未簽名嘅留言係由192.192.13.101留言貢獻)所加入嘅。

第一,你畀嗰個證據一,係大陸歌手那英嘅唱碟,大陸個邊用「專輯」係好正常。唔應該以大陸個邊常用嘅名去當做喺粵語語境入面都通用。
第二,專輯=唱碟,呢點冇錯(喺唱碟呢篇文入面已經有其他編輯者喺早年已經咁寫)。仲有你喺括號入面加嘅「商品=物品」,呢點我就從來都冇咁講法,係你自己強行將「商品=物品」扯上關係 再特登塑造到我認為「商品=物品」呢個荒謬講法,嚟帶其他人風向,等其他人以為我真係覺得「商品=物品」。呢個講法我從來冇咁話過。仲有,「唱碟出咗粵語區就好少人知」,咁呢個係粵文維基百科喎,梗係要用粵文嘅嘢黎寫。同原創研究冇關,我都搵到唔同報紙用「唱碟」黎表達「album」呢隻字嘅意思。粵語維基就應該用返粵語嘅常用講法,你唔好話「アルバム」出咗日文區就好少人知呢隻字係解「album」。唔同地方有佢嘅講法,係唔同嘅行文、唔同嘅維基就當然要跟返佢個講法。
第三,你攞Compressed audio optical disc做理由係明顯唔關事,而家寫緊嘅一系列文章入面都係唔同種嘅album,冇一篇文寫過Compressed audio optical disc,唔知呢樣嘢同「專輯包裝入面有一隻唱碟」有咩關係。況且閣下可以去睇下「唱碟」呢篇文,正如喺上面User:Yaukasin已經講咗en:album係對照呢度嘅唱碟,而「專輯」嘅redirect都係去返「唱碟」,所以「專輯=唱碟」呢點係冇錯。
第四,「用詞需與時並進,包括讀者立場、現實環境都要徹底考慮」。的確依家喺成個華語樂壇出唱碟景氣最唔好嘅係香港,喺大陸同台灣係好成熟,但係唔等於粵語嘅用字因為咁而消失,要跟返家下大陸同台灣市場嗌「專輯」呢個講法。再者,讀者立場之類嘅專輯呢個講法有咩關係?唔通因為大陸同台灣市場冇一個嗌「唱碟」,而得香港呢邊嗌「唱碟」而要跟返佢哋轉頭?
第五,至於介紹音樂作品喺「專輯同唱碟」之間嘅講法,就用返唱碟嘅講法,其實「專輯」呢個講法只係之前社群未有人認知到有咁多篇文都有出現兩隻講法,而搞到好亂,所以先暫時用得啫。既然依家有人提出就當然要改正返,避免混亂。順帶Ping下@Kowlooner,睇下佢有冇咩意見,我見您之前都有講過「唱碟」喺粵文語境到更常用。特克斯特 (傾偈) 2021年3月19號 (五) 18:30 (UTC)
第六,喺en:Eason Chan discography度,個標題係用discography,即係解「音樂作品集」或「音樂唱片作品」又或者「音樂唱片分類」,你喺上面講「唱碟(Disc)」係唔啱。喺下面就仔細劃分「Albums」、「Studio albums」、「Live albums」,而album就對應「唱碟」,呢點就喺上面都有其他維基人提過。
第七,呢度補充返就有唔少媒體、網站都係用「唱碟」嚟表達「album」呢個意思,粵語維基唔應該受華語音樂影響而跟埋一齊叫「專輯」。參考:一口氣買下數百隻唱碟,但他非將唱碟送贈他人,而是幵陳奕迅在唱碟逐一簽名陳奕迅每隻唱碟,總是快中慢板全包許廷鏗日前找陳奕迅為他簽了多張唱碟疑錢作怪Wyman被消失 Eason個唱碟殘缺他表示這張Duo Band唱碟籌備了6年。似乎係個位IP用戶想統一中粵維嘅講法(譯文嗰陣唔使咁多改動 咁辛苦),令呢度變咗做中維嘅粵語版,而唔係真正咁表達出album嘅粵語意思。特克斯特 (傾偈) 2021年3月19號 (五) 19:25 (UTC)
有人tag我就講下我點睇,我都覺得用「唱碟」比起「唱片」、「專輯」更接近粵語習慣,只係舊時一路都各有各寫,無人搞統一,既然而家有人肯擺心機統一返字眼,我都贊成。--Kowlooner (傾偈) 2021年3月21號 (日) 14:02 (UTC)
ok。咁睇嚟全數要轉用「唱碟」嘅講法。特克斯特 (傾偈) 2021年3月21號 (日) 17:01 (UTC)
@Kowlooner咦 問題嚟啦。我發現轉用「唱碟」之後,Google search粵維獨家文係比以前難咗排上少少,例如去揾「格林童話 李克勤專輯」,用以前嘅寫法Google會收錄得前好多,以前揾頭6-7版都未有格林童話 (唱碟)呢篇文出現。同埋,如果外文獎,例如en:Grammy Award for Best Pop Vocal Album,翻譯做粵文,即係要用返「格林美最佳流行演唱唱碟獎」(唔用得專輯獎做正名),同華語唱碟獎類嘅文:例如最佳國語專輯獎,喺寫法上唔同。咁呢點又點處理?定係尤其咁樣「獨特咁」用唔同寫法?事關好多華語獎項嘅文都係用「專輯獎」,冇理由將非外文嘅名夾硬轉做粵文,喺ViuTV電視節目每集主題都唔會咁樣夾硬轉咗粵文,都係用原名。特克斯特 (傾偈) 2021年4月16號 (五) 15:24 (UTC)
其實係個兩難,始終粵文寫法(唱碟獎)使用率明顯低過中文寫法(專輯獎),如果要堅持寫粵文,就注定比較難search到,所以要睇下大家想點樣取捨。--Kowlooner (傾偈) 2021年4月18號 (日) 12:27 (UTC)
再唔係用開Redirect嘅方法嚟做。《格林童話》篇唱碟文我已經開咗 (專輯)嘅redirect,睇下一兩個禮拜後呢篇獨家文有冇上到嚟。不過喺Category度統稱唱碟就冇問題,基本上冇咩影響咁濟。話說喺粵維用返英文原文去寫歌曲文Google search就排得前少少(Uptown Funk我自己電腦睇排第2-3位),用中維夾硬翻譯做唐文嘅寫法,Google就通常攞英維篇文(聽英文歌啲人通常都打英文名去search 唔會夾硬用唐文去google搜尋)。特克斯特 (傾偈) 2021年4月18號 (日) 17:40 (UTC)

建築/建築物

Category:各地建築入面有一堆「XX建築」嘅分類,但係子分類Category:各國建築物入面有幾個就係「XX建築物」,使唔使統一返?--Z423x5c6 (傾偈) 2021年4月9號 (五) 16:46 (UTC)

呢個睇落未必要統一。前者對應en:Category:Architecture by region、後者對應en:Category:Buildings and structures by countryen:Architecture對應建築en:Building對應建築物。不過Category:作詞人入面就真係要統一返,太多太亂。有作詞人、填詞人、作詞家呢三種寫法。不過作詞通常配「家」而唔係「人」,填詞先係配「人」。
其實可以將上面個討論合併做一個大標題(改做命名統一),之後再細分要統一返分類或者字詞。特克斯特 (傾偈) 2021年4月10號 (六) 10:49 (UTC)
I see...噉即係「建築物」應該係「建築」嘅子分類,具體一棟棟嘅就擺「建築物」,建築風格啊、方法嗰啲就擺喺「建築」噉?--~~ Z423x5c6 (傾偈) 2021年4月10號 (六) 14:36 (UTC)
@Z423x5c6係啊,冇錯,100分。特克斯特 (傾偈) 2021年4月13號 (二) 16:40 (UTC)

XX歌/XX嘅歌

@Deryck Chan而家喺類:香港流行曲,就用XX嘅歌,而喺文章空間同Category:每年嘅歌入面就主要係XX歌(例如燈塔 (黃綺珊歌)柿子 (林憶蓮歌)),亦都有少部分係XX嘅歌(例如灰色 (徐佳瑩嘅歌)一生何求 (陳百強嘅歌))。不過喺粵語意境入面唔跟北話中維(XX歌曲)、英文維基(XX songs)直譯好似會好啲。舉例,en:Cry (Michael Jackson song)fr:Cry (chanson de Michael Jackson)ja:クライ (マイケル・ジャクソンの曲),用中英維嘅譯法係「Cry (米高積臣歌)」、跟法日維嘅譯法係「Cry (米高積臣歌)」(有「de」同「の」,所以翻譯過嚟就有字)。雖然依家暫時本地嘅文多數係冇「嘅」呢個字,但似乎跟中英維咁去翻譯,讀落嚟都好aang1耳,唔太通順,所以睇下你覺得用邊個寫法會比較好?法日維嘅寫法就準確啲,中英維就唔排除係佢哋個邊開頭開得唔好,結果搞到佢哋嘅寫法就一路咁怪落去。趁而家呢類文章數量唔太多仲可以改正,就而家放住上嚟問先。

喺其他語種翻譯過嚟,冇咗個「」字,我自己就讀嚟讀去都好似讀唔順咁,而本地就未有人提出呢啲細微嘅分別,所以就問下睇下你會揀邊個寫法。唔使怕搬文,最緊要個意思夠準,讀音夠準確就得。喺Category:每年嘅歌入面,就唔使加返「嘅」字去表達嘅意思,不過喺文章空間入面,特別係有藝人名加歌 呢種情況,冇「嘅」字讀落好似唔太順。所以想睇下您嘅取態。跟法日維譯,抑或中英維譯。特克斯特 (傾偈) 2021年4月13號 (二) 18:56 (UTC)
@Z423x5c6你有冇咩意見🥴?我睇Shallow (Lady Gaga同畢列谷巴歌),去到粵維翻譯冇咗個「曲」,都幾令人容易理解「畢列谷巴歌」做一個人名。而早前有人開嘅:My Love (Westlife嘅歌),就有「嘅」字,就順音返少少。呢類文主流都係我寫,我兩種寫法都試過,我個人deep down偏向用「嘅」字。我見依家多數文冇「嘅」字,我先唔貿貿然咁快搬文。(雖然嗰啲冇嘅字文章大部分都係我寫居多)特克斯特 (傾偈) 2021年4月16號 (五) 17:23 (UTC)
@特克斯特有「嘅」好似讀落順啲,「雖然嗰啲冇嘅字文章大部分都係我寫居多」笑咗😂Z423x5c6 (傾偈) 2021年4月16號 (五) 18:02 (UTC)

唐人 vs 華人

Category:海外華人呢度分類底下係用「唐人」呢個字眼,而按入去Category:各國華人呢個分類入面,12個分類入面有6個用「唐人」,6個用「華人」,喺分類名一致性上嘅用詞都好唔統一,所以想問下揀用邊個好?定係尤佢亂落去算數(反正都少分類、少人睇、少人打理)?特克斯特 (傾偈) 2021年4月15號 (四) 19:09 (UTC)

Hong Kong National Security Law does not apply on ZH-YUEWiki 在粤语维基百科里香港国安法没有权力

Dear Wikimedians,

I learned that some users removed material citing the Hong Kong National Security Law. Please be advised that Wikimedia servers are located in the United States, and therefore Hong Kong National Security Law does not apply here and should not be used as a rationale to remove content.

Thank you for your understanding.

亲爱维基人,

我体会一些的粤语维基人回退因为香港国安法。维基媒体服务器住在美国,所以在这里香港国安法没有权利。请注意:回退时请不要用香港国安法。 多谢你们的配合! WhisperToMe (傾偈) 2021年4月10號 (六) 01:48 (UTC)

Thank you for your attention to this matter. The name of the law is "香港国安法", not "香港国安发". Content removal using this as the sole rationale will be reverted. H78c67c·傾偈 2021年4月10號 (六) 02:16 (UTC)
Thanks for the correction! I went ahead and did that WhisperToMe (傾偈) 2021年4月10號 (六) 02:29 (UTC)

模一問

Template:兩個重複拉丁字嘅搞清楚Template:兩個唔同拉丁字嘅搞清楚,點解要分開兩個模嘅? Z423x5c6 (傾偈) 2021年4月14號 (三) 17:24 (UTC)

其實好廢。建議合併。另外順便改咗個heading,因為有國維行話。H78c67c·傾偈 2021年4月14號 (三) 19:06 (UTC)
搬去「兩個拉丁字母搞清楚」o唔ok?Z423x5c6 (傾偈) 2021年4月15號 (四) 02:58 (UTC)
其實如果字母係「alphabet」嘅話,「letter」係乜?🤔 H78c67c·傾偈 2021年4月15號 (四) 03:12 (UTC)
印像中呢個問題之前有人問過😂我嘅理解係,letter係一粒字母,alphabet就強調成個系統。Z423x5c6 (傾偈) 2021年4月15號 (四) 04:02 (UTC)
言歸正傳,個人覺得「兩個拉丁字母搞清楚」ok H78c67c·傾偈 2021年4月15號 (四) 04:23 (UTC)
咁我將兩個redirect去新嗰個到。Z423x5c6 (傾偈) 2021年4月15號 (四) 06:11 (UTC)